Tɔŋ lasálàá 4:23 - BII BILA

²³ Te o sina dɔ́ɔ́ pɛ maa o tosa hakio, o bɛnda mò hin a cuin toovi nɔ lenamta loo le sálàá solio,

Tɔŋ lasálàá 4:23 Referans Kwoze

Tɔŋ lasálàá 4:14

lɔ́ɔ́ haki kon sinannin válán-ndo, nda kpow a bɛnda mà soli naw tovaa sálà le haki kon, mà kɔɛ a ndu o cɛi-kola-toandaa-labɔɔŋianndo sondoo.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Kundalan 29:19

Mì la dii vɛlɛ cuin toovio pilɛ le sálà co le hakio sɔlaa malɔɔ-o o sálà loamaa solin lepalaa-lepala-o coo, o kpeyan ndɔ sálàá a o mɔima ndɔma sálàn coo.

Kundalan 29:16

Mì la dii vɛlɛ cuin toovio pilɛ le sálà co le hakio sɔlaa malɔɔ-o. Kon kpow handunnin o sálà loamaa solin lepalaa-lepala-o coo, o dɛɛ sálà kon coo a o mɔima sálà kon coo ni.

Kundalan 29:11

Mì la dii vɛlɛ cuin toovio pilɛ le sálà co le hakio sɔlaa malɔɔ-o. Mì sálàla lan la cɔɔlu handɔn o sálà teengen co le hakio sɔlaa malɔɔ-o coo, o nda soli o paale bɛndule malaa lahakilen coo-o, a o sálà loamaa solin lepalaa-lepala-o coo, o dɛɛ ndɔ sálàá coo a o mɔima ndɔma sálàn coo.»

Kundalan 29:5

O kon kɔɔli, mì la dii cuin toovio pilɛ le sálà co le hakio sɔlaa malɔɔ-o, le faleŋii baŋannde tosaa le haki niaa.

Kundalan 28:30

Mì la dii vɛlɛ cuin toovio pilɛ le faleŋii baŋannde tosaa le haki niaa.

Kundalan 28:15

Mì la solul-la sálà co le hakio sɔlaa malɔɔ-o a cuin toovio pilɛ, handɔɔ o sálà loamaa solin lepalaa-lepala-o a o sálà mamɔi ndɔɔ coo.»

Kundalan 15:24

te o sina lepɛŋndo nin biondɔn kon tosan ni, mì vannda bii ndi bila le, Israɛlla kpow a bɛnda mà yɔngu naw tovaa o pilɛ le sálà loamaa solio, sálà ya tuɛi cun mì ɲɔɔ hɛnan ya-o co kon ni, a cuin toovio pilɛ le sálà co le hakio sɔlaa malɔɔ-o solio.

Tɔŋ lasálàá 23:19

O kon kɔɔli, la solul-la vɛlɛ sálà co le hakio sɔlaa malɔɔ-o a cuin toovio pilɛ, a saa téndéa nɔ nin vɔsio pilɛ-a nda ŋiɔn le sálà kɔlɲuloo solio.

Tɔŋ lasálàá 9:3

Ma soo o Israɛlla lo, ma dimul nda aa: ‹La bii cuin toovio le sálà co le hakio sɔlaa malɔɔ-o solio, naw téndé nɔ vɔsio pilɛ-o a saa téndé nɔ vɔsio pilɛ-o le sálà loamaa solio a nda. Cɔlua kan bɛnda mà nɔ lenamta le.

Tɔŋ lasálàá 5:4

Te vanndo yiyan fɔlɔn ɲɛkɛndɛi le, mo teŋnun le dɛnɛ kɛndɔɔ tosaa, te kon te le dɛnɛ vɔɔndo, te o dow sɔɛi ken taasi mò tosa sɔɛi o teŋnun ken coo-e le, telen o sinanin lende-o, o siŋnun vana tɛɛmbua tɔŋndo.

Tɔŋ lasálàá 4:28

Te o sina dɔ́ɔ́ pɛ maa o tosa hakio, o bɛnda mò yɔngu cuin laandu nɔ lenamta loo le sálàá solio le haki o tosa-o.

Tɔŋ lasálàá 4:3

Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Tɔŋ lasálàá 4:24

mò handu baa cuin kon o lebol, mò kelu ndu bololan Mɛlɛka o hɔl, o fonda nda kialu cɔlua co le sálà loamaa-a bololan-ndo. Sálà co le hakio sɔlaa malɔɔ-o co kon ni.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Condii lisai 90:8

Tɛɛmbuula naalan la co nɔm o hɔl, ɲɛ-tengaa nɔmndo co hakila naa n co tosaa o vionnɔnndo nin-ndan teengiaa.

Esekiɛl 43:22

Diimandɔɔ, a cua cuin toovi nɔ lenamta loo le sálà co le hakio sɔlaa malɔɔ-o, o kon a faŋa hakio o fonda-loamaa-lasálàá coo, mɛɛ nda faŋanin ndu a sálà nda solinin a naw tovaa-o yɛ.