Tɔŋ lasálàá 4:22 - BII BILA

²² ‹Te simlacinɔɔ pum tosa hakio o sina lepɛŋndo nin ni, mò tɛɛmbuu tɔŋndo pum o dɛnɛ Mɛlɛka Hala ndɔɔ kuuna-o pum tosaa nin, mɛɛ o siŋnun vana tɛɛmbua tɔŋndo.

Tɔŋ lasálàá 4:22 Referans Kwoze

Tɔŋ lasálàá 4:2

«Soo o Israɛlla lo ma dimul nda aa: ‹Te vanndo tosa pɛ hakio o sina lepɛŋndo nin, mò tɛɛmbuu tɔŋnda Mɛlɛka lan o pilɛ a dɛnɛ ndu Mɛlɛka kuuna-o pum tosaa, nuaa vana kon bɛnda le tosaa ni:

Tɔŋ lasálàá 4:13

Te o va pɛ maa sɛ́lɛ́ cuavaa Israɛlla kpow tosa hakio o sina lepɛŋndo nin ni, mà tɛɛmbuu tɔŋndo pum a ɲɛ ya Mɛlɛka kuuna tosaa-o, mà siŋnun vanaa tɛɛmbua tɔŋnda lende, mì sɔɛi ken vennun nda tɛɛn,

Kundalan 31:13

Mí Moise, Eleasar vana-solia-lasálàá a bolii lapangɛi fulà o dɔ́ɔ́ngɔ́ɔ̀ nin le kɔlan nda demullo.

Kundalan 16:2

le Moise simullo. Mó cua vɛlɛ Israɛlaa celen kɛmɛ lediin a beleŋuɛɛnu, bolii lapangɛi a vanaa ndáà ke bɛɛlen o kafolan coo-a vanaa kan va ni, vanaa tɔ́ɔ́-a nda va ni.

Tɔŋ lasálàá 4:27

‹Te vana pilɛ o vanaa tɔ̀a tɛɛn tosa hakio o sina lepɛŋndo nin ni, mò tɛɛmbuu tɔŋndo pum a dɛnɛ Mɛlɛka kuuna tosaa-o, mɛɛ o siŋnun vana tɛɛmbua tɔŋndo.

Fulaa 18:21

Le sɔɔn tɔ̀un yɛ, ó vannda ha kpow tɛɛn, hɛli vanaa nɔ diola kɛndɛlan-nda, a nɔ siòòŋii Hala-e-a, a nɔ toɲaa-a, vanaa vana nɔla n'sɔɔ pei nin te-a, ma siinguu nda simlacia o kundala vannda co nin vaa-vaa, kɛmɛ-kɛmɛ, beleŋuɛɛnu-beleŋuɛɛnu, a o kundala n'van tɔ́-tɔ́ lan coo.

Kundalan 15:24

te o sina lepɛŋndo nin biondɔn kon tosan ni, mì vannda bii ndi bila le, Israɛlla kpow a bɛnda mà yɔngu naw tovaa o pilɛ le sálà loamaa solio, sálà ya tuɛi cun mì ɲɔɔ hɛnan ya-o co kon ni, a cuin toovio pilɛ le sálà co le hakio sɔlaa malɔɔ-o solio.

Kundalan 32:2

Le hee, má komal Moise, Eleasar vana-solia-lasálàá a vanaa va bolii lapangɛi Israɛlla coo-a, má dimul nda aa:

Kundalan 35:11

La tiiya pɛ lon, la hɛli kobilan lapum, lenin vanaa sulalle fulanin o ba ma dii vanacieo-va vanin kɔlan vionnɔnndo ni.

Vana Kɔlkaloo 5:6

Diɔmun fondon co o lɔma sɔlaama bɛndu-bɛnduan nin. O tobola bɛndu-bɛndoo nin bɛɛ sɔɔn fondon co. Lelan, nɔ́ siòòŋii Mɛlɛka-e.

Tɔŋ lasálàá 5:17

Hali mì vanndo sìná le, te o tosa pɛ hakio, mò tosa dɛnɛ tɔŋnda Mɛlɛka lan la kuuna-o, o siŋnun vana tɛɛmbua tɔŋndo hali mò sina telen o tosa dɛnɛ kon-ndo le. Le hee, sanga haki ndɔɔ vanin ndu pila o lebol.

Kundalan 15:22

«Te o va pɛ maa o sina lepɛŋndo nin, la bii tɔŋnda ya yɔngu Moise lan o pum te,

Condii lisai 19:13

Nɛ̀ɛ́ sina yɛ pɔwla ndɔla ndu pila lan? Mɛlɛka, tuinun ya iɲíí le biondɔnnda ya co tosaa o sina lepɛŋndo nin-ndan.