Biblia Todo Logo
Bib sou entènèt

- Piblisite -




Tɔŋ lasálàá 4:20 - BII BILA

20 O bɛnda mò tosa a naw tova kon mɛɛ o tosa a naw tova yɔngun le sálàá le hakio sɔlaa malɔɔ-o yɛ, tova yɔngun le haki bolle vanaa-solia-lasálàá-o pɛɛn. Lende vana-solia-lasálàá bɛnda ni mo tosa faleŋii baŋannde nda coo le haki nda tosa-o, o kon Mɛlɛka mal nda haki.

Gade chapit la Kopi




Tɔŋ lasálàá 4:20
28 Referans Kwoze  

O kon, vana-solia-lasálàá tosa faleŋii baŋannde le hakio sɔlaa malɔɔ le Israɛlla kpow. O kon, a sɔla hakio malɔɔ le biondɔn kon, kani o sina lepɛŋndo nin nda bendun biondɔn kon ni. Lelan nda hin a sálà ŋɔa o yin-ndo, o ya tuɛi cun mì ɲɔɔ hɛnan ya-o a á cɔlu sálà co le hakio sɔlaa malɔɔ-o ya o hɔl le biondɔn nda bendun kon o sina lepɛŋndo nin-ndo ni.


Te vanalanɔ kon nɔ se le saa téndóó sɔlaa le, o yɔngu piinda nda ŋiɔn, te kon te kangboa nda ŋiɔn, o pilɛ le sálà loamaa solio, o pilɔɔ le sálà co le hakio sɔlaa malɔɔ-o. O kon, vana-solia-lasálàá tosa faleŋii dindiannde le ndu, kon tosa ni mì komsa kon dendu Mɛlɛka o hɔl.›»


a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,


Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.


Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.


Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.


Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.


Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.


Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»


Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.


Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.


O yɔngu pɛ, vana-solia-lasálàá tosa faleŋii baŋannde Mɛlɛka o hɔl le vana bendun kon o sina lepɛŋndo nin-ndo. Te faleŋii baŋaŋii ken tosan pɛ, o sɔla hakio malɔɔ.


Vana-solia-lasálàá cii pɛ kon kpede tosa, o tala cuɛima tɔ̀ma lonin o ba ndɔ kɔllo nin-ndan vana kon o lebol. O kon, o tosal ndu faleŋii dindiannde Mɛlɛka o hɔl.


«Nuaa nda bɛnda le sálàla ɲɛm-vaalan solio ni: poaa Aarɔn-nda bɛnda ni mà cɔm Mɛlɛka sálà ɲɛm vaa kon o fonda-loamaa-lasálàá hɔl-ndɔ.


o kon, o hin a cɔlu laandoo le sálà bɛɛndiaa isɔɔ o ya Mɛlɛka lo le haki o tosa-o: saa laandoo, te kon te cuin laandoo. Mì vana-solia-lasálàá tosa ndu faleŋii baŋannde coo le haki ndɔɔ vɔɔsuuo mò malnun haki.»


O cii pɛ, o lom cuɛima cuin toovi kon kpow o fonda-loamaa-lasálàá coo, mɛɛ o lom cuɛima cɔlu sálà kɔlɲuloo yɛ. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon, Mɛlɛka mal ndu haki.›


O handu baa cɔlu kon o lebol haliko mo cɛlnun, mì Mɛlɛka vɔɔsu yɔŋnda vɔɔnnda vana kon.


Diimandɔɔ, mí Moise dimul vannda aa: «Haki bɛndu-bɛndoo pila niaa tosa nuaa ni. Lelan, i muungu vɔ Mɛlɛka o ibuŋ o pembei coo. Bɔɔle i lonin ndu tɛɛlɔnndo mò cɛl le niaa hakio malɔɔ.»


Mò faŋa cuɛima naw tova yɔngun kon le sálà kon-ndan kpow, sálàá le hakio sɔlaa malɔɔ pɛɛn: cuɛima kumbu pulon-ndan a cuɛima pulun mun simbulun nin-ndan,


Ken cuu pɛ, o soli naw tova kon o dɔ́ɔ́ngɔ́ɔ̀ kɔɔli, à lom ndu o yinnden nin mɛɛ nda lom naw tova tasoo yɛ. Sálàá le haki vannda kpow malnɔnndo co kon ni.›


O kon, o faaŋiaa cuɛima ndɔan mɛɛ nda faaŋiaa cuɛima saa téndé yɔngun le sálà kɔlɲuloo-o-an yɛ, mì vana-solia-lasálàá lom man o fonda-loamaa-lasálàá coo, o sálàla nda loam o yinnden nin le ya Mɛlɛka lan coo. Lende vana-solia-lasálàá bɛnda ni mo tosa ndu faleŋii baŋannde coo le haki o tosa-o. O kon Mɛlɛka mal ndu haki.›»


O cii pɛ kon, o soli sálà loamaa a yowvo pilɔɔ, o tosa a ndu mɛɛ faleŋun sálà loamaa n co yɛ. Lende vana-solia-lasálàá bɛnda ni mo tosa vana tɛɛmbuu tɔŋndo-o faleŋii baŋannde coo le haki o tosa-o. O kon Mɛlɛka mal ndu haki.


Lende vana-solia-lasálàá bɛnda ni mo tosa faleŋii baŋannde vana kon coo le haki o tosa-o. O kon Mɛlɛka mal ndu haki. Ɲɛ tɔ̀ lonin-ndo vànin le vana-solia-lasálàá mɛɛ o tosan a sálàla ɲɛm-vaalan yɛ.»


O kon, vana tosa kon hakio-o sala ɲɛm ndóò bɛnda le ya Mɛlɛka yɔngoo-on kpow. Kɛ o va pɛ mun salaa, o handu ipilɛ o ŋuɛɛnu oo ŋuɛɛnu coo, o hin a ɲɛm mun o vana-solia-lasálàá lo. O hin pɛ a mun, vana-solia-lasálàá tosa faleŋii baŋannde ndu coo a saa kóndó kon le haki o tosa-o. O kon Mɛlɛka mal ndu haki.


O bɛnda mò yoo vana-solia-lasálàá cɔlu fula o cɔlua pɔmbɔa nin-ndo, saa kóndó nɔ lenamta loo pɛɛn. O kɔɛ pɛ a ndu, à kelu ndu iyama maa cɔlu co le sálà mingiaa ɲɛ pilaa-o, mì vana-solia-lasálàá tosa faleŋii baŋannde vana kon coo le haki o tosa o sina lepɛŋndo nin-ndo. O kon, Mɛlɛka mal ndu haki.


O kon, vana-solia-lasálàá soli yowvo o pilɛ sálà co le hakio sɔlaa malɔɔ-o, o soli o pilɔɔ sálà loamaa. O cii pɛ, o tosa faleŋii dindiannde vana kon coo Mɛlɛka o hɔl le kusuma fula ndu man-ndan.


O hin pɛ a ndu, vana-solia-lasálàá tosa ndu langbanɔ kon faleŋii baŋannde coo Mɛlɛka o hɔl. O kon, o sɔla hakio malɔɔ le dɛnɛ vɔɔn o tosa kon-ndo.


Swiv nou:

Piblisite


Piblisite