Tɔŋ lasálàá 4:2 - BII BILA

² «Soo o Israɛlla lo ma dimul nda aa: ‹Te vanndo tosa pɛ hakio o sina lepɛŋndo nin, mò tɛɛmbuu tɔŋnda Mɛlɛka lan o pilɛ a dɛnɛ ndu Mɛlɛka kuuna-o pum tosaa, nuaa vana kon bɛnda le tosaa ni:

Tɔŋ lasálàá 4:2 Referans Kwoze

Hebreea 9:7

Kɛ bolle vanaa-solia-lasálàá ndu pilɛ kpé ndóò luɛi lepilɛ o fonda diinndɔɔ nin, o vɔsio nin ni. Lon ndóò kɔa a kooma cɔlu ndóò solul Hala sálàá le ndu pila a le tɛɛmbuula lɛŋnden kpow ni.

Condii lisai 19:12

Mɛlɛka, o tɔŋnda nɔmndan nin ya vana nɔm baalaa, co pɛɛkulan sɔlaa ni. Vana bii lan pɛ, ndu sɔla malaa taw.

Tɔŋ lasálàá 4:27

‹Te vana pilɛ o vanaa tɔ̀a tɛɛn tosa hakio o sina lepɛŋndo nin ni, mò tɛɛmbuu tɔŋndo pum a dɛnɛ Mɛlɛka kuuna tosaa-o, mɛɛ o siŋnun vana tɛɛmbua tɔŋndo.

Nsaki 3:10

O sondo pilɔɔ nin duaalan a mɛɛniaalan la co fulaa ni. Puapilɛa nia, o bɛnda mò tosan lende le.

Hebreea 5:2

Ndu pila bolle vanaa-solia-lasálà kon, o nɔ biondɔnndo taw. Le hee o tiwba mò bii sɔvun vanaa co biondɔnndo o sina lepɛŋndo nin-nda bila.

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

1Samiɛl 14:27

Kɛ Yonatan sina maa fuɲa ndɔ ndóò luei sendío le vannda kpow le. Mó siɛndi sionnde va ndu o ba len, mó vow len o vàá malɛɔ nin, mó deembuu. Mí hɔlla ningila ndu dɔ́ɔ́ ɲɛkɛndɛ-kɛndɛ.

Tɔŋ miingua 19:4

Vana dii vanacieo, mò kɔ vionnun o kobila lan o pilɛ nin, mò baŋa yoomu ndɔɔ-o co hoo ni: vana sulalle fula o ba, mo dii vanacieo, kɛ ndóò nɔ nɛyɔn ndɔ paandu loo.

Tɔŋ lasálàá 4:22

‹Te simlacinɔɔ pum tosa hakio o sina lepɛŋndo nin ni, mò tɛɛmbuu tɔŋndo pum o dɛnɛ Mɛlɛka Hala ndɔɔ kuuna-o pum tosaa nin, mɛɛ o siŋnun vana tɛɛmbua tɔŋndo.

Tɔŋ lasálàá 4:13

Te o va pɛ maa sɛ́lɛ́ cuavaa Israɛlla kpow tosa hakio o sina lepɛŋndo nin ni, mà tɛɛmbuu tɔŋndo pum a ɲɛ ya Mɛlɛka kuuna tosaa-o, mà siŋnun vanaa tɛɛmbua tɔŋnda lende, mì sɔɛi ken vennun nda tɛɛn,

O Kandɔɔ 20:9

O kon, mí Abimelɛk veelu Abraham, mó ɲuna ndu aa: «Dɛnɛ yɛɛ n tosal-lɛ naa hoo? Yɛɛ ya yɔŋ yɛ nɔm, má hendul-la yaŋɔɔlen haliko mi yáà tosa hakio, ya pila a masale nilen? O co dɛnɛ vana bɛnda le tosa le n tosal-la hoo le.

Tɔŋ lasálàá 4:1

Mí Mɛlɛka soaa o Moise lo, mó dimul ndu aa:

Tɔŋ lasálàá 22:14

Te vana celen sìná le mo de ɲɛm sálà diandan mun, o bɛnda mò sala ɲɛ o de-o vana-solia-lasálàá o ba, mò cɔɔlu vɛlɛ ipilɛ handɔɔ o ŋuɛɛnu oo ŋuɛɛnu coo.

Kundalan 35:11

La tiiya pɛ lon, la hɛli kobilan lapum, lenin vanaa sulalle fulanin o ba ma dii vanacieo-va vanin kɔlan vionnɔnndo ni.

Vana Kɔlkaloo 5:6

Diɔmun fondon co o lɔma sɔlaama bɛndu-bɛnduan nin. O tobola bɛndu-bɛndoo nin bɛɛ sɔɔn fondon co. Lelan, nɔ́ siòòŋii Mɛlɛka-e.

Condii lisai 19:13

Nɛ̀ɛ́ sina yɛ pɔwla ndɔla ndu pila lan? Mɛlɛka, tuinun ya iɲíí le biondɔnnda ya co tosaa o sina lepɛŋndo nin-ndan.