Tɔŋ lasálàá 3:17 - BII BILA

¹⁷ Silaa co hoo le niaa le fɛɛn a fɛɛn ni, kandɔɔ a niaa pila kɔ bii a cuavaa niaa imamaa: fonda oo fonda niaa va pɛ icali, la dia cuɛima cɔloo le, la dia vɛlɛ kooma ndɔan te.»

Tɔŋ lasálàá 3:17 Referans Kwoze

O Kandɔɔ 9:4

Kɛ nduyɛ, la dia vision a yoomoo lenin te, koovan pɛɛn.

Matie 26:28

kooma nian ma co man ni, kooma kpema-an, ma fula le vannda taw hakio malɔɔ-an.

Tɔŋ miingua 15:23

Kɛ o va bɛɛ lende, la dia koovan te. La bɛnda mì la cuiŋi man lɛŋ maa mamɛn.»

Tɔŋ miingua 12:23

Kɛ nduyɛ, la mandan le vision dioo a koovan, kani koovan ma co yoomu ɲɛ yoomaa ni. La bɛnda mì la de yoomoo a vision te.

Tɔŋ lasálàá 7:23

«Soo o Israɛlla lo, mà dimul nda aa: ‹La bɛnda mì la de cuɛima cɔloo le few, o va cuɛima naw, o va cuɛima saa, o va cuɛima cuin.

Tɔŋ miingua 12:16

Koovan kínɛí niaa bɛnda mì la de le ni. La bɛnda mì la cuiŋi man lɛŋ maa mamɛn.

Tɔŋ lasálàá 17:7

Hee tosan pɛ, Israɛlla pɛngi halaa fondoa nɔ hɔlla maa cuinaa toovi-a sálàlan solullo, à nda co laasianndo kɔɔli ma va nda sooloo-a pɛɛn. La bɛnda mì la bii silaa ho, kandɔɔ a niaa pila kɔ bii a cuavaa niaa imamaa.›

Tɔŋ lasálàá 6:18

«Soo o Aarɔn nda poaa ndɔa lo, mà dimul nda aa: ‹Nuaa niaa bɛnda ni mi la soli sálàá le hakio sɔlaa malɔɔ: o fonda nda kelu cɔlu sálà loamaa bololan-ndo koni nda bɛnda vɛlɛ mà kelu cɔlu co le sálàá le hakio sɔlaa malɔɔ-o bololan Mɛlɛka o hɔl ni. Sálà diandaa-diandaa co kon ni.

Tɔŋ lasálàá 3:16

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin-ndon co mun ni. Cuɛima fula cɔloo nin-ndan kpow ma co le ya Mɛlɛka.

Efɛsea 5:26

Le kunda vanaa laalannda bɛndaa Hala o hɔl, mó dindi ndu a mɛnndan a á sɔɛi.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Dɛnnda kiilaa 15:29

la dia visin nda co halaa fondoa sálàlan solullo-on te. La dia kooma cɔlua te kon te visin visi nda kundikundi mí koovan ma lo ndu nin-ndo le, la suunda le. Te la kpakpala pɛ dɛnndan ndan kpow, mɛɛ o naŋ. La lɔl kɛndɛ!»

Esekiɛl 44:15

Kɛ leviaa-solia-lasálàá fula o polale Sadɔk len nin-nda, a landu hɔlla o vali cɛi-kola-toandaa diandaa nuu coo telen Israɛlla va laasianndo ya levil-lo-a, nda nda vanin sɔɔnguuo ya ikɛi le vaa o vali nuu nin. A vanin simndan ya (Mɛlɛka) o hɔl le ya visin macuɛiyon a kooma cɔlua sálàá cɔmndo. Ya Maalii, ya co Mɛlɛka-o soo nuaa ni.›»

Esekiɛl 33:25

Le hee, dimul nda aa nuaa Maalii Hala dimi ni aa: «La co vision dioo a koovan lenin, la co hɔlla mulio o piɔmaa niaa lo, mì la va nda sooloo. La co vanndacieea diwvo! Yee a kon kpow la co vɔ yiyanndo maa ɲɛ niaa pɛpɛ lɛŋnden nden le co ni?

Tɔŋ miingua 32:14

Mó yɔngu nda nɔnɔma nawva a nɔnɔma saa. Mó yɔngu nda visin macuɛin saa téndéa, visin macuɛin saa kóndóa Basan a visin macuɛin cuinaa toovia. Má pum ɲɛdiaa malun kɛndɛ-kɛndɔɔ, má kol mɔima siaŋan, mɔima fula o rɛsɛŋun kɛndɔn-ndan.

Tɔŋ lasálàá 23:14

Háá mì paale niaa co ya Mɛlɛka sálà kon solul-ten le tiiya, la bɛnda mì la de ɲɛ-ɲɛ o ɲɛm niaa koawnin-ndon nin te, o va bulu, o va yasala toaŋaa, o va kulun sɛnɛi. Fonda oo fonda niaa va pɛ icali, la bɛnda mì la bii silaa ho le fɛɛn a fɛɛn.

Tɔŋ lasálàá 7:36

Ɲɛ ya Mɛlɛka dimul Israɛlla kpéŋ-kpéŋ le Aarɔn nda poaa ndɔa yɔngoo-o co kon ni. Kandɔɔ paale nda sɔla pɔlaa len, Israɛlla bɛnda mà va nda ɲɛm mun yɔngoo. La bɛnda mì la bii silaa ho le fɛɛn a fɛɛn.

1Timote 4:4

Nduyɛ, ɲɛm Hala cɔw-von kpow n naŋ. O bɛnda mì n kɛɛ mun dio le, haliko sii n mel Hala balika o mun dioo,

Matie 16:24

O kon, mí Yeesu dimul kaandeŋaa ndɔa aa: «Vana yeema pɛ le ya hunɔɔ kɔɔli, mɛɛ o pɔɛɛnun a ndu pila, mò siilun yɔm singafilaa ndɔɔ, mò del-la kɔɔli.

Esekiɛl 44:7

Hali telen niaa co ya ɲɛdiaa nuu, visin macuɛiyon a kooma cɔlua sálàá niaa yɔngoo-o, la co vanaa súúla celennda, a kɔlta ndalan la mangalan haa le-a, a dii haa tooma le-a lueiyo o cɛi-kola-toandaa diandaa nuu nin. La nɔɔliaa cɛi biilaa nuu dɛ! La cii kpema co ya a niaa tɛɛn-ndo tɛɛmbuu a dɛnnda niaala nɔɔlɛilan kpede.

Nehemi 8:10

Mí Ɛsdras dimul vannda aa: «La kɔ mì la de ɲɛdiaa sɔvɛɔ, mì la kol mɔima sɔvɛ-sɔvɛan, mì la ke vanaa nɔ ɲɛdiaa o bɛɛndiaa le-a. Kani paalen nden hau, paale diandaalen le co le Mɛlɛka naa ni. La va a kɔltambɛi le. Bau kɔlkɛndɛ Mɛlɛka-o, ndu co yoomuma niaan ni.»

Kundalan 19:21

Tɔŋndo co hoo le nda le fɛɛn a fɛɛn ni. Vana vesulnin mɛmma dindiamma man-ndo bɛnda mò tɔɔ volɔɔla ndɔla cuɛinanndan. Vana pilan pɛ mɛmma man, o lonin o nɔɔlɛiyo háá icɔllo.

Tɔŋ lasálàá 16:34

Tɔŋ niaa bɛnda le biyɔɔ le fɛɛn a fɛɛn-ndo co kon ni. La bɛnda mì la bii ndu haliko mi la sɔla hakio malɔɔ le hakila niaalan kpow bɛmbɛ lepilɛ o vɔsio nin, niaa Israɛlla pɛɛn.» Má tosa ɲɛ-ɲɛ Mɛlɛka dimul nda a sondo Moise-o.

Fulaa 27:21

Mì Aarɔn nda poaa ndɔa bɛɛndiaa fitinalan kɛsi ɲɛkɛndɛi o cɛi-kola-toandaa-labɔɔŋianndo nin, o kola-landaa ven kesu kpemaa-o o hɔl-ndɔ, haliko mi fitinalan la va lɔan sandei pii ya Mɛlɛka o hɔl. Fonda oo fonda niaa va pɛ icali, kandɔɔ a niaa pila, kɔ bii a cuavaa niaa imamaa, la bii tɔŋndo ho le fɛɛn a fɛɛn.»

Tɔŋ lasálàá 4:1

Mí Mɛlɛka soaa o Moise lo, mó dimul ndu aa:

Tɔŋ lasálàá 6:22

Vanpiaandua o yungula vanaa-solia-lasálàá nin kínɛí a bɛnda mà de visin mun ni. Kani ɲɛdiaa diandaa-diandaa co kon ni.

Tɔŋ lasálàá 7:34

Kani kɔŋɔ co kon le faleŋii heelaa ɲɔɔ Mɛlɛka o hɔl-lo-e a lɔlu ba kɛndɛ nda faŋa kon-ndo, i faŋa ɲɛm mun o cɔlua Israɛlla yɔngu le sálà kɔlɲuloo solio-a coo, mí yɔngu Aarɔn nda poaa ndɔa mun. Le nda ɲɛm mun vanin le fɛɛn a fɛɛn ni. La bɛnda mì la tuei silaa ho.

Tɔŋ lasálàá 10:9

«Te la va pɛ le luɛyɔɔ o cɛi-kola-toandaa-labɔɔŋianndo nin, nɔm a poaa nɔmnda, la bɛnda mì la kol mɔiyan te, nduyɛ la bɛnda mì la kol ɲɛ-ɲɛ hiŋ vana hɔlla le, yɔŋii niaa sɔla piɔ́mndo. Silaa co hoo le niaa pila a le cuavaa niaa imamaa le fɛɛn a fɛɛn ni.

Tɔŋ lasálàá 10:15

Israɛlla hunnin a visin macuɛin ŋɔanin o yinnden nin o fonda-loamaa-lasálàá coo-on, mà hin vɛlɛ a lɔlu solinnin-ndo, a kɔŋɔ nda solinin mà heelu ndu coo Mɛlɛka o hɔl, mà tosa falennde le ndu ndu cɔmndo-o. Falun mun co le nɔm a le poaa nɔmnda. Sɔɛi kelun le fɛɛn a fɛɛn-nde co ken ni, lende Mɛlɛka dimi ni.»

Tɔŋ lasálàá 16:29

Tɔŋ niaa bɛnda mì la bii le fɛɛn a fɛɛn-ndo co hoo ni: o paale tɔ́ndɔlen coo o paangii ŋɔmmɛwndɔɛi nin, kandɔɔ a cuavaa pilacieea Israɛl, kɔ bii a mialaa co niaa o bɛngu coo-a, la bɛnda mì la mal valtan kpow, mì la bii sumndo.

Tɔŋ lasálàá 23:21

Paale pilɛle len, la bɛnda mì la cuungian le kaannden, la bɛnda mì la tosa ɲinkon baala niaa tosa paandu-o le. Fonda oo fonda niaa va pɛ icali, la bɛnda mì la bii silaa ho le fɛɛn a fɛɛn.

Tɔŋ lasálàá 24:3

O kon, Aarɔn cua ɲɛ kɛsiaa lafitinaa, o kɛsi ndu o cɛi-kola-toandaa-labɔɔŋianndo nin o kola-landaa ven kesu kpema-o hɔl-ndɔ. Lon fitinala lan la vanin lɔan biyɔɔ pii ya Mɛlɛka o hɔl ni. Fonda oo fonda niaa va pɛ icali, kandɔɔ a niaa pila, kɔ bii a cuavaa niaa imamaa, la bìí tɔŋndo ho le fɛɛn a fɛɛn.

Fulaa 28:43

Te Aarɔn nda poaa ndɔa a va pɛ luɛyɔɔ o cɛi-kola-toandaa-labɔɔŋianndo nin, te kon te mà va le kɔlan o fonda-loamaa-lasálàá o Fonda-Diandaa nin, à bɛnda mà vownun ndan. À tosa pɛ lende, mɛɛ à delnin kasi mà sɔla piɔ́m te. Tɔŋndo co hoo le Aarɔn a polale ndɔlen ndu kɔɔli le fɛɛn a fɛɛn ni.»

Tɔŋ lasálàá 6:15

O poaa Aarɔn-nda tɛɛn, vana sɔlanin pɔlaa le siŋnɔnndo bolle vanaa-solia-lasálàá maa Aarɔn fuɲa nda-o, ndu bɛnda le sálà kon solio ni. Silaa co hoo le niaa le fɛɛn a fɛɛn ni. Sálà ɲɛm vaa kon bɛnda mò ŋɔɛ kpow le ya Mɛlɛka.

Tɔŋ lasálàá 19:26

La diá vision a koovan lenin te. La vá vanaa mangalaa le. La vá vanaa viamaa yava le.

Tɔŋ lasálàá 24:9

Bulula lan la vanin le Aarɔn nda poaa ndɔa. A va lan pɛ dioo, a de lan nɛɛ diandaa pum, kani o ɲɛm kei o yin le ya Mɛlɛka-on nin, ɲɛ diandaa-diandaa siŋnun teengen o bulula lan nin-ndo co le nda ni. Ɲɛ nda bɛnda mà sɔla-o co kon le fɛɛn a fɛɛn ni.»

Tɔŋ miingua 12:24

Lelan la dia koovan te, la bɛnda mì la cuiŋi man lɛŋ maa mamɛn.

2Dɛnnda lemasalan 29:35

Nduyɛ, sálàla loamaalan, cuɛima visin sálàla kɔlɲulon a mɔima sálàn ma va vɛlɛ sɛ́lɛ́ taw. Nuaa kaannden le muungu o Cɛi-Mɛlɛka-o nin ni.