Tɔŋ lasálàá 3:16 - BII BILA

¹⁶ Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin-ndon co mun ni. Cuɛima fula cɔloo nin-ndan kpow ma co le ya Mɛlɛka.

Tɔŋ lasálàá 3:16 Referans Kwoze

Matie 22:37

Mí Yeesu mulul ndu aa: «Kaola Mɛlɛka, o co Hala nɔmndo-o a kɔl nɔmndo kpow, a yoomu nɔmndo kpow a á yiyan nɔmndo kpow.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

2Dɛnnda lemasalan 7:7

Mí Salomɔn sɔaa bɛ́ɛ̀ kɔl va o Cɛi-Hala-o hɔl-ndɔ-o Mɛlɛka o ba, kani o bɛ́ɛ̀ kɔl kon ndóò soli sálàla loamaalan a visin macuɛin sálàla kɔlɲululan ni, kani fonda-loamaa-lasálà n'daɲa Salomɔn ndóò cɔw-vo ve o bɔɔ le sálàla loamaalan, sálàla ɲɛm-vaalan a visin macuɛiyon lomɔɔ lecoo le.

Tɔŋ lasálàá 17:6

Mì vana-solia-lasálàá vesul koovan o fonda-loamaa-lasálà co o cɛi-kola-toandaa-labɔɔŋianndo sondoo-o. O kon, mò lom cuɛima ndan o fonda-loamaa-lasálà kon coo, ɲɛ ya Mɛlɛka tuɛi cun mì ɲɔɔ hɛnan ya-o co kon ni.

Tɔŋ lasálàá 9:24

Mí yinnden le fula, mí le kɔ loam sálà loamaa a visin macuɛin va o fonda-loamaa-lasálàá coo-on kpúlúká. Mí Israɛlla kpow a ca yinnde len kpendekele. O kon, má huulu, má viaw kponyoo taw-taw, má deli a kuumbuannda o kɔl coo.

Tɔŋ lasálàá 8:25

Mó cua vɛlɛ cuɛima cɔlu kon, puile ndɔlen, cuɛima kumbu pulon-ndan a bungɛi hiow naŋɔɔ o yemnde nin-nde, kɔlkelen miunndon a cuɛima kumbu mun-ndan, a lɔlu ba kɛndɔɔ,

Tɔŋ lasálàá 4:31

O faaŋiaa cuɛima cuin laandu kon kpow mɛɛ nda faaŋiaa cuɛima cɔlua sálà kɔlɲulua yɛ, mì vana-solia-lasálàá lom man o fonda-loamaa-lasálàá coo, haliko mi cun ndɔɔ hɛnan ya Mɛlɛka. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon Mɛlɛka mal ndu haki.

Tɔŋ lasálàá 4:26

O cii pɛ, o lom cuɛima cuin toovi kon kpow o fonda-loamaa-lasálàá coo, mɛɛ o lom cuɛima cɔlu sálà kɔlɲuloo yɛ. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon, Mɛlɛka mal ndu haki.›

Fulaa 29:22

Ma cua visin macuɛin saa kóndó diinndɔɔ, puilen ndɔlen, cuɛima kumbu ɲɛm co ndu o dembe-on-ndan, bungɛi hiow naŋɔɔ o yemnde nin-nde, kɔlkelen miunndon, cuɛima kumbu mun-ndan a lɔlu ba kɛndɛ ndɔɔ, kani saa kóndó sálà kandaa baalaa co kon ni,

Fulaa 29:13

O kon kɔɔli, a cua visin macuɛin kumbu ɲɛm co cɔlu kon o dembe-on-ndon, a bungɛi hiow naŋɔɔ o yemnde nin-nde, a kɔlkelen miunndon, a cuɛima kumbu kɔlkelen mun-ndan, a lom ɲɛm mun kpow o fonda-loamaa-lasálàá coo.

2Dɛnnda lemasalan 29:35

Nduyɛ, sálàla loamaalan, cuɛima visin sálàla kɔlɲulon a mɔima sálàn ma va vɛlɛ sɛ́lɛ́ taw. Nuaa kaannden le muungu o Cɛi-Mɛlɛka-o nin ni.

Esekiɛl 44:15

Kɛ leviaa-solia-lasálàá fula o polale Sadɔk len nin-nda, a landu hɔlla o vali cɛi-kola-toandaa diandaa nuu coo telen Israɛlla va laasianndo ya levil-lo-a, nda nda vanin sɔɔnguuo ya ikɛi le vaa o vali nuu nin. A vanin simndan ya (Mɛlɛka) o hɔl le ya visin macuɛiyon a kooma cɔlua sálàá cɔmndo. Ya Maalii, ya co Mɛlɛka-o soo nuaa ni.›»

O Kandɔɔ 4:4

Mí Abɛl ndu hun a cɔlua tasea cɔlua ndɔa kom-nda, mó solul Mɛlɛka sálàá a visin bɛɛŋun macuɛin kɛndɛ-kɛndɔn. Mí Mɛlɛka cɛl Abɛl a sálà ndɔɔ.