Tɔŋ lasálàá 27:30 - BII BILA

³⁰ Le Mɛlɛka o-tɔ́ndɔ fula o tɔlɔɔlan kpow nin-ndo co ni, o va o-tɔ́ndɔ fula o yɛyun vana saŋ-ndon nin-ndo, o va ó fula o yɔmii koamɛi nin-ndo. Ɲɛ co le Mɛlɛka-o co kon ni.

Tɔŋ lasálàá 27:30 Referans Kwoze

O Kandɔɔ 28:22

Pow ya baŋ hoo mì siinguu ndu pow sálàá-o, o siŋnunnin Cɛi-Hala-o, mì va ndu o-tɔ́ndɔɔ yɔngoo o ɲɛm o co va ya yɔngoo-on kpow nin.»

Matie 23:23

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co o-tɔ́ndɔɔ solio o tɔlɔɔwlan lapum nin maa mɛnte, anɛt a kumin, kɛ mì la va dɛnnda hiow vaa lasɔvɛ o tɔŋndo nin-ndan malɔɔ: lan la co dɛnɛ sandaa, vannda ɲííye tuinɔnndo a laalanndo ni. Dɛnnda lan niáà bɛnda le tosaa ni handɔɔ niko o dɛnnda tɔ̀lan coo.

Nehemi 13:12

O kon mí Yuifia kandu vɛlɛ hunɔɔ a o-tɔ́ndɔ n'mallo, o-tɔ́ndɔ mɔima sɛnɛy-yo a o-tɔ́ndɔ macuɛiyo, má luei ɲɛm mun o cɛila va le mun mandaa lan nin.

Luke 18:12

O lɔ́ɔ́ oo lɔ́ɔ̀ bɛngu, lediin ya bii sumndo ni. I co o-tɔ́ndɔɔ solio o ɲɛm nun kpow nin.›

2Dɛnnda lemasalan 31:12

Má hun a ɲɛm mun mɛɛ ndóò kelun yɛ kpafii: o-tɔ́ndɔɔ a ɲɛm-kéan diandan va le Hala-on. Konania leviinɔ va ɲɛm mun mandaa ni, vana va ndu ikɛi-yo yɔŋnun puapilɛ ndɔɔ Simei ni.

O Kandɔɔ 14:20

Biiloo co le Hala-Hiow-Ɲɔɔn-Kpow-vo-o, o yɔngu nɔm kpaayaa má tiw yaamɔaa nɔmnda ba-o.» O ɲɛm Abram puu yaamɔaa ndɔa kan o ba-on nin, mó cua ipilɛ o tɔ́ oo tɔ́ coo, mó yɔngu Mɛlkisedɛk.

Luke 11:42

Kɛ dɛnɛ palaa co le niaa Faliisia! Kani la co o-tɔ́ndɔɔ solio o tɔlɔɔlan lapum nin, maa mɛnte, ru a tɔlɔɔla nakɔla niaalan kpow, le Hala yɔngoo, kɛ la co dɛnɛ sandaa a canyɛi Hala-e cɔm te. Dɛnnda niaa bɛnda le tosaa lan la co lan ni, handɔɔ niko o dɛnnda tɔ̀lan coo.

Nehemi 13:5

Mó ke ndu cɛi bɛndoo pum, nɛɛ ndáà kɛsi ɲɛm-kéan fula o ɲɛm vaan nin-ndon, ansan, a ɲɛm-laandun Cɛi-Hala-o o tasendɔ-a. Lon koni ndáà kɛsi vɛlɛ ɲɛm vanaa-solia-lasálàá, o-tɔ́ndɔ n'mallo, o-tɔ́ndɔ mɔima sɛnɛiyo a o-tɔ́ndɔ macuɛiyo ni, ɲɛm mun va le leviia, vanaa solia n'condua a le kpalilaa cumulaa ladioa ni.

Nehemi 12:44

«Telen pilɛ kon, má ke vannda baalaa le cɛila ndáà manda ɲɛm-kéan ndáà cua o ɲɛm vaan tason nin-ndon cumullo. Lon ndáà manda ɲɛm-kéan a o-tɔ́ndɔ ndáà soli o kɔmnde tasele latɔlɔɔle ndáà sɔla o yondoláà balu cieon pɔmbɔn-ndan nin-nden ni. Mɛɛ tɔŋndo ndóò dimi yɛ, le vanaa-solia-lasálàá a leviia ɲɛm mun va ni. Mí ɲɔɔ hɛnan vannda Yuda kpow le baala vanaa-solia-lasálàá a leviia a va tosaa-o.

Tɔŋ lasálàá 27:29

Hali vanaciee nda soli sálàá fasɛi o Mɛlɛka lo ni, o bɛnda mò sɔla baŋa le, o bɛnda mò sɔla piɔ́mndo.

Tɔŋ lasálàá 27:31

Te vanndo yeema pɛ le ɲɛ pum baŋaa o o-tɔ́ndɔ ndɔɔ nin, o bɛnda mò sala vɔngu kpeekpeiyo, mò handu vɛlɛ ipilɛ o ŋuɛɛnu oo ŋuɛɛnu coo.

Tɔŋ miingua 18:8

o bɛnda mò sɔla ɲɛ mɛɛ puapilɛa ndɔa kan vanin sɔlaa yɛ kpafii. Kon fulanin o ɲɛm o vanin pisio fulaa o kɛ́ fuɲa ndɔ mel ndu-o-on nin te.»

Tɔŋ miingua 26:12

«Vɔsi yàándɔ oo vɔsi yàándɔ, vɔsi yɔngaa o-tɔ́ndɔɔ o vanin ni. Vana cii pɛ o-tɔ́ndɔɔ faaŋiaa o ɲɛm ndɔn kpow coo, mò piɔw leviia, mialla, vííya a vanlaandua piaandaa ndaa vi-a ɲɛm mun, mà de mà pim o kobi vana kon vanin icali nin-ndo nin,

O Kandɔɔ 47:24

Kɛ te la kow pɛ, la yɔngu Faraɔnnɔɔ ipilɛ o kunda ŋuɛɛnu oo kunda ŋuɛɛnu coo. Mì kundala hiɔɔlu-hiɔɔlulan la lo le yɛiye a le balo niaa niaa pilaa, le balo cuavaa niaa a le balo vanaa vanin niaa o bɛngu coo-a kpow.»

O Kandɔɔ 47:26

O sɔɛi ken coo, mí Yosɛf handu tɔŋndo le lɛŋnde Esipte len kpow, tɔŋ kon co vɔ háá hau: vana-vana kow pɛ ciɛi ndɔɛi, o soli ipilɛ o ŋuɛɛnu oo ŋuɛɛnu coo le Faraɔnnɔɔ. Fɔ yondola vanaa-solia-lasálàá kínɛí la luei o ba masa kon bɛngu le ni.