Tɔŋ lasálàá 27:28 - BII BILA

²⁸ Ɲɛ-ɲɛ vanndo soli pɛ sálàá fasɛi le Mɛlɛka, ɲɛ kon bɛnda mò pisin te, o bɛnda vɛlɛ mò baŋan te, o va vanaciee, o va cɔlu, o va yondo ndɔ kɛ. Ɲɛ-ɲɛ nda soli pɛ sálà fasɛi le Mɛlɛka, ɲɛ diandaa-diandaa co kon le Mɛlɛka ni.

Tɔŋ lasálàá 27:28 Referans Kwoze

Fulaa 22:20

La sáángiaa mialaa co niaa o bɛngu coo-a le tɔnɔɔ solio nda o n'dial te, la luei nda mɔnɛi le. Kani niaa bɛɛ, mialla niaa yɔŋnun o lɛŋnde Esipte len nin ni.

Tɔŋ lasálàá 27:21

Vɔsi Kɔlkɛndɛ Bɛndoo tiiya pɛ, yondo kon muungu yondo Mɛlɛka-o, o siŋnun ɲɛ co teengen le Mɛlɛka-o, o vana nɔla baŋa loo. O kon, o siŋnun yondo vanaa-solia-lasálàá.

Tɔŋ miingua 25:19

Lelan, lɔ́ɔ́ Mɛlɛka Hala niaa baŋanin niaa yaamɔaa balu niaa-a kpow o ba, mò ke niaa pɛngi kɔlɲuloo o lɛŋnde o yɔngu niaa kɛ́ɔ len nin-ndo, la bɛnda mì la diw Amalɛkea kpow o lɛŋnden coo, haliko mi diola ndalan la ɲum o ceendo coo. La pɔɛɛnun ken te dɛ!»

1Samiɛl 15:18

Nduyɛ, Mɛlɛka cɔm nɔm ɲɛ n bɛnda le tosaa-o, mó dimul nɔm le kɔlan Amalɛkea lahakia ha delɔɔ coo a cɔwvo a le nda ciiyo diwvo kpede.

Yosue 7:1

Mí Israɛlla tosa dɛnɛ vɔɔn bɛndoo o ɲɛm siŋnun teengen le Mɛlɛka-on cuaa nin. Mí langbanɔ pilɛ, diolan Akan, po Karmi-o, Karmi kon po Sabdi-o o va ni, Sabdi kon po Sera-o o va ni, fulaa o polale Yuda len nin cua ɲɛm mun n'pum. Le hee, mí Mɛlɛka tuulu kɔl a Israɛlla.

Yosue 6:26

O telen kon nin, mí Yosue mɛnan, mó dimi aa: «Màá Mɛlɛka tuisi dangaa vana kon coo, vana cannin le kobio Yeriko mingio tangullo-o! Màá po ndɔ tasoo vu telen o co ndu kandɔɔ kilaa-o, mì po ndɔ mɛɛlaa vi telen o co ndu cɔnɔn koŋndan lueiyo-o!»

Kundalan 18:14

O lɛŋnde Israɛl-ten nin, ɲɛ-ɲɛ nda yɔngu pɛ Mɛlɛka fasɛi, nɔm nɔnin kon ni.

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

1Korɛntea 16:22

Te vanndo kaola Maalii Yeesu Krista le, ndu siŋnun vana dangaa. Maranata - Maalii naa co hunɔɔ.

Rɔmnda 9:3

Kani i va yeemaa mì ya piláà dɔwnun danga mì yáà sɛyan a Krista le dɛnɛ kɛndɛ puapilɛa nia, a co vanaa nia o falon nin-nda,

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

1Samiɛl 15:3

Lelan, kɔ sisa, mà kɔ del nda coo a cɔwvo, mà tɛɛmbuu ɲɛm ndan kpow. Mɛi ɲɛ-ɲɛ yoomu le, diw vanpiaandua a vanlaandua, cuaambɔa a cɛlɛkpɛa, nawva a saa, ɲɔɔmɛɛa a sofɛlɛa.›»

Masaa kialaa n'yamaa 21:18

Kɛ n tiw lɛ ba le nda cuavaa naa laandua kɛsio o ba o nɔ̀lan. Kani n cii nin mɛnan, mí n dimi maa dangaa co le Israɛlnɔ oo Israɛlnɔ kɛsinin cua ndɔɔ o nɔ̀u vanapɔnɔ fula o polale Bɛnyamɛn-nden nin-ndo o ba.»

Masaa kialaa n'yamaa 21:11

La kɔɛ pɛ, la diw vanpiaandua a vanlaandua sina nin dɛnɛ vanapɔnɔɔ-a kpow.»

Masaa kialaa n'yamaa 21:5

O kon kɔɔli, mí Israɛlla ɲuunian nda pila tɛɛn aa: «Ɔ́ɔ̀ polale kɛɛ hunɔɔ naa tɛɛn o bɔɔŋian naa ho Mɛlɛka o hɔl Mispa nanu len?» Kani ndáà cii nin mɛi, má mɛnan, maa vana-vana óò kɛɛ pɛ le kɔlan Mispa, ndáà dii ndu.

Yosue 7:25

Mí Yosue ɲuna ndu aa: «Le yɛɛ nɛ n tuisi yɛ naa dɛnɛ palaa vaa nuaa coo? Nɔm bɛɛ, Mɛlɛka co nɔm hau dɛnɛ palaa tuisi coo.» O kon, mí Israɛlla kpow a vii ndu a powtan, má vii vɛlɛ vanaa va ndu o ba-a a powtan, má loam nda sukɛí.

Tɔŋ lasálàá 27:27

Te cɔlu dindu loo kom cɔlu piaandu tasoo ni, vana cɔloo nɔla mò baŋa ndu, mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu-o coo o vɔngu vana-solia-lasálàá kelu-o coo. Te o baŋa ndu le, vana-solia-lasálàá nɔla mò pisi cɔlu kon vana celen o ba mɛɛ o kialunin vɔngoo yɛ.

Tɔŋ lasálàá 27:29

Hali vanaciee nda soli sálàá fasɛi o Mɛlɛka lo ni, o bɛnda mò sɔla baŋa le, o bɛnda mò sɔla piɔ́mndo.

Tɔŋ miingua 7:26

La luei ɲɛ nɔɔlɛiyo o cɛila niaalan nin te, yɔŋii niaa va o kpòndò dangaa bɛngu maa ɲɛ nɔɔlɛi kon. La cɔ ɲɛ vaa lendeo maa ɲɛ nɔɔlɛi bɛndoo o co ni, mò kuisin niaa, kani o dangaa bɛngu o co ni.»

Esekiɛl 44:29

A ɲɛm nda vanin baloo dɔwnɔnndo-on co mun ni: sálàla ɲɛm-vaalan, sálà co le hakio sɔlaa malɔɔ-o a sálàla-bɛɛndiaa-isɔɔlan, handɔɔ o ɲɛm mun coo, ɲɛ-ɲɛ solinnin sálà (le Mɛlɛka) o lɛŋnde Israɛl-ten nin, kon bɛɛ vanin le nda.

Esekiɛl 48:14

Fonda kon hiow diondɔɔ o lɛŋnde len nin, kani fonda solin sálà le Mɛlɛka-o o co ni, lelan leviia bɛnda mà pisi ndu le, a bɛnda mà singa ndu a ɲɛ-ɲɛ le, a bɛnda vɛlɛ bɛɛ ma vɔngul ndu le.

Tɔŋ lasálàá 21:22

O tiwba mò de ɲɛm solin sálà le ya Mɛlɛka-on, o va ɲɛm dian diandaa-diandan, o va ɲɛm dian diandan.

2Dɛnnda lemasalan 31:14

Kore, po Yimna va leviinɔɔ-o, ó va kpalilnɔɔ o dio luɛyaa va a ba paalen le can-ndo-o va ɲɛm-kéan vannda va Hala yɔngoo a yeemɛi ndɛi-yon hɔlla landɔɔ coo ni. Ndu va vɛlɛ ɲɛm-kéan diandan va siŋnɔnndo teengen le Mɛlɛka-on a ɲɛm celen piɔwvo ni.