Tɔŋ lasálàá 27:27 - BII BILA

²⁷ Te cɔlu dindu loo kom cɔlu piaandu tasoo ni, vana cɔloo nɔla mò baŋa ndu, mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu-o coo o vɔngu vana-solia-lasálàá kelu-o coo. Te o baŋa ndu le, vana-solia-lasálàá nɔla mò pisi cɔlu kon vana celen o ba mɛɛ o kialunin vɔngoo yɛ.

Tɔŋ lasálàá 27:27 Referans Kwoze

Tɔŋ lasálàá 27:11

Te cɔlu dindu loo cɔlu nda cua kon ciɛ́ɔn o kɔɔ-o co ni, cɔlu vana bɛnda mì vana solul Mɛlɛka sálà le-o pɛɛn, a bɛnda ma sim cɔlu kon vana-solia-lasálàá o hɔl,

Tɔŋ lasálàá 27:26

‹Vana-vana nɔ dí mò soli cɔlu piaandu tase ndɔɔ sálà o Mɛlɛka lo le ndu pila le, kani cɔlu piaandu tasoo ndu co nin o mandaa le Mɛlɛka, o va naw tova, o va cuin toovi, o va saa kóndó.

Tɔŋ lasálàá 27:28

Ɲɛ-ɲɛ vanndo soli pɛ sálàá fasɛi le Mɛlɛka, ɲɛ kon bɛnda mò pisin te, o bɛnda vɛlɛ mò baŋan te, o va vanaciee, o va cɔlu, o va yondo ndɔ kɛ. Ɲɛ-ɲɛ nda soli pɛ sálà fasɛi le Mɛlɛka, ɲɛ diandaa-diandaa co kon le Mɛlɛka ni.

Tɔŋ lasálàá 5:16

O kon, vana tosa kon hakio-o sala ɲɛm ndóò bɛnda le ya Mɛlɛka yɔngoo-on kpow. Kɛ o va pɛ mun salaa, o handu ipilɛ o ŋuɛɛnu oo ŋuɛɛnu coo, o hin a ɲɛm mun o vana-solia-lasálàá lo. O hin pɛ a mun, vana-solia-lasálàá tosa faleŋii baŋannde ndu coo a saa kóndó kon le haki o tosa-o. O kon Mɛlɛka mal ndu haki.

Tɔŋ lasálàá 27:13

Te vana yeema nin pɛ le ndu baŋaa, vana kon cɔɔlu ipilɛ o ŋuɛɛnu oo ŋuɛɛnu coo o vɔngu kelun-ndo coo.

Tɔŋ lasálàá 27:15

Te vana cɛiyo yeema pɛ le cɛi kon baŋaa, o bɛnda mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu kon-ndo coo, o kon cɛiyo muungu cɛi ndɔ.

Tɔŋ lasálàá 27:31

Te vanndo yeema pɛ le ɲɛ pum baŋaa o o-tɔ́ndɔ ndɔɔ nin, o bɛnda mò sala vɔngu kpeekpeiyo, mò handu vɛlɛ ipilɛ o ŋuɛɛnu oo ŋuɛɛnu coo.