Tɔŋ lasálàá 27:26 - BII BILA

²⁶ ‹Vana-vana nɔ dí mò soli cɔlu piaandu tase ndɔɔ sálà o Mɛlɛka lo le ndu pila le, kani cɔlu piaandu tasoo ndu co nin o mandaa le Mɛlɛka, o va naw tova, o va cuin toovi, o va saa kóndó.

Tɔŋ lasálàá 27:26 Referans Kwoze

Fulaa 13:2

«Poaa tasea a cɔlua piaandua tasea Israɛlla kpow, á bɛnda ma kɛsi nda a diandaa le ya Mɛlɛka. Kani po tase oo po tase vanalanɔɔ velu pɛ, cɔlu piaandu tase oo cɔlu piaandu tase cɔloo kom pɛ, le ya Mɛlɛka kan co ni.»

Tɔŋ miingua 15:19

«La bɛnda mì la soli cɔlua piaandua tasea cɔlua niaa vanin komɔɔ-a kpow sálà o Mɛlɛka Hala niaa lo: o va naw, o va cuin, o va saa. La bɛnda mì la tosa vallo a navaa tovaa tasea navaa niaa vanin komɔɔ-a le, la kili vɛlɛ saa kóndóa tasea saa niaa vanin komɔɔ-a yiinde le.

Kundalan 18:17

Kɛ cɛl mì vana baŋa naw tova tasoo, saa kóndó tasoo a cuin toovi tasoo le, kani a diandaa nda co Mɛlɛka o hɔl ni. A bɛnda ma fasaŋiaa kooma cɔlua kan o fonda-loamaa-lasálàá coo, ma lom visin macuɛiyon o yin, sálà ŋɔa o yin-ndo co kon ni, o ya tuɛi cun mì ɲɔɔ hɛnan ya-o.

Fulaa 22:30

La bɛnda mì la va vanaa diandaa le ya Mɛlɛka. Lelan, la dia visin cɔlu visia biyaa sɛɛsiaa-o le, la bɛnda mì la yɔngu tunnda visin mun.»

Tɔŋ lasálàá 27:27

Te cɔlu dindu loo kom cɔlu piaandu tasoo ni, vana cɔloo nɔla mò baŋa ndu, mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu-o coo o vɔngu vana-solia-lasálàá kelu-o coo. Te o baŋa ndu le, vana-solia-lasálàá nɔla mò pisi cɔlu kon vana celen o ba mɛɛ o kialunin vɔngoo yɛ.

Kundalan 3:13

Kani poaa tasea kpow, le ya nda co ni. Paale ya diw poaa tasea a cɔlua piaandua tasea Esiptea len, mí siinguu ɲinkon poaa tasea a cɔlua piaandua tasea Israɛlla teengen le ya Mɛlɛka pila. Kandɔɔ a po tasoo, kɔ bii a cɔlu piaandu tasoo, le ya nda co nin ni. Ya co Mɛlɛka ni.»

2Masaa 7:5

O kon, má can telen paale yɔngannden, má bii nɛiyo le kɔlan o dɔ́ɔ́ngɔ́ Aramiia nin. Kɛ ndáà tiiyaa o pɛɛngula dɔ́ɔ́ngɔ́ɔ̀, a komal vana-vana lon te.

Nehemi 10:36

Vɔsi oo vɔsi n hunnin vɛlɛ a kɔmnde tasele fula o ciɛɔn naan nin a tɔlɔɔla naalan nin-nden.