Tɔŋ lasálàá 27:21 - BII BILA

²¹ Vɔsi Kɔlkɛndɛ Bɛndoo tiiya pɛ, yondo kon muungu yondo Mɛlɛka-o, o siŋnun ɲɛ co teengen le Mɛlɛka-o, o vana nɔla baŋa loo. O kon, o siŋnun yondo vanaa-solia-lasálàá.

Tɔŋ lasálàá 27:21 Referans Kwoze

Esekiɛl 44:29

A ɲɛm nda vanin baloo dɔwnɔnndo-on co mun ni: sálàla ɲɛm-vaalan, sálà co le hakio sɔlaa malɔɔ-o a sálàla-bɛɛndiaa-isɔɔlan, handɔɔ o ɲɛm mun coo, ɲɛ-ɲɛ solinnin sálà (le Mɛlɛka) o lɛŋnde Israɛl-ten nin, kon bɛɛ vanin le nda.

Kundalan 18:14

O lɛŋnde Israɛl-ten nin, ɲɛ-ɲɛ nda yɔngu pɛ Mɛlɛka fasɛi, nɔm nɔnin kon ni.

Tɔŋ lasálàá 25:31

Le cɛila co cieon kungan a kpaki lon nin-ndan yɛ, la vanin o tɔŋnda pilɛlan bɛngu a yondolan tɔ̀la co o lɛŋnden nin-ndan. Cɛila vaa lende la nɔ dí mì la sɔla baŋaa le lɔ́ɔ́-lɔ́ɔ̀. Te la sɔla yɛ baŋa o vɔsila tɔ̀lan bɛngu le, Vɔsi Kɔlkɛndɛ Bɛndoo tiiya pɛ, la bɛnda mi la muunguu vanaa lacɛiya o ba.

Tɔŋ lasálàá 25:28

Te o sɔla yɛ ɲɛ le yondo ndɔɔ baŋaa le, yondo kon lo pɔɔ vana pendu ndu-o o ba háá mì Vɔsi Kɔlkɛndɛ Bɛndoo tiiya. Vɔsi Kɔlkɛndɛ Bɛndoo tiiya pɛ, yondoo muungu niko ndu o ba.

Tɔŋ lasálàá 25:10

Nuaa niaa bɛnda ni mi la tosa, le cɔmndo maa vɔsi diandaa vɔsi beleŋuɛɛnundɔɔ co ya Mɛlɛka o hɔl ni. Le hee, la bɛnda mì la yonda mì vanaa co icali o lɛŋnden nin-nda kpow a sɔla hɔ́ɔ́yɛi ndɛi. Vɔsi kɔlkɛndɛ bɛndoo vɔsi kon co le niaa ni. Vanaa yondola ndalan la hɛlun-nda bɛnda mà sɔla lan, mì cɛa muungu o yungula ndalan nin.

Ɛsdras 10:8

Mí simlacia a vanaa kɔlkalua va nda coo-a dimi maa vana-vana hin o palɛi ndii yáá bɛngu le, a poondiaa ɲɛm ndɔn kpow. O kon kɔɔli, a faŋa ndu pila caanda coo.

Yosue 6:17

Kobio a ɲɛm co lenin-ndon kpow n siŋnunnin teengen le Mɛlɛka. Fɔ Rahab vanalanɔ suundɛiyo a vanaa co o ndu lo cɛinin-nda kínɛí lonin yoomu ni, kani ndu ven suansuaŋaa naa n vem-nda ni.

Tɔŋ miingua 13:17

Mì la cuungiaa bolofaa vanin o kobi kon nin-ndo kpow o falii ndɔɛi tɛɛn, mì la lom kobi kon a bolofaa kon kpow le Mɛlɛka Hala niaa. Kobi kon bɛnda mò lo ciee pɔmndo le fɛɛn a fɛɛn, vana mingi lɛnin ndu tangul te.

Tɔŋ lasálàá 27:20

Te o baŋa yondo ndɔɔ le, kɛ mò pisi vana celen o ba, ndu pila bɛnda lɛ mò baŋa ndu le.

Tɔŋ lasálàá 27:22

Te vanndo soli pɛ yondoo sálà o Mɛlɛka lo, te yondo kon co yondo o loo kɛ le, kɛ yondo o pendu-o,