Biblia Todo Logo
Bib sou entènèt

- Piblisite -




Tɔŋ lasálàá 27:17 - BII BILA

17 Te o Vɔsi Kɔlkɛndɛ Bɛndoo nin vanndo soli yondo kon sálà ni, vɔngu kelun-ndo bɛnda mò cɛlnun lende.

Gade chapit la Kopi




Tɔŋ lasálàá 27:17
7 Referans Kwoze  

Te vanndo soli pɛ cɛi ndɔɔ sálà maa ɲɛ co teengen le Mɛlɛka-o, vana-solia-lasálàá bɛnda mò kelu cɛi kon iyama mɛɛ o naŋ yɛ, te kon te mɛɛ o vɔw yɛ. O kon, yamɛi vana-solia-lasálàá kelu ken-nde bɛnda mi i cɛlnun.


Te vanndo soli pɛ yondola ndɔlan o pilɛ sálà o Mɛlɛka lo, vɔngu yondo kon bɛnda mò kelun mɛɛ yɛyii vana saŋ lon-nde co sɛ́lɛ́ yɛ. Volin latámán beleŋuɛɛnu le fonda vana saŋ ɔrse kilolan kɛmɛ leyáá-o.


Te Vɔsi Kɔlkɛndɛ Bɛndoo hiow pɛ mì vanndo soli yondo ndɔɔ sálà, vana-solia-lasálàá bɛnda mò kelu vɔngoo, o dɔɔniaa vɔngu kon mɛɛ vɔsilan la lo le Vɔsi Kɔlkɛndɛ Bɛndoo tiiyaa yɛ.


O kon, te paangii ŋɔmmɛwndɔɛi ciŋa pɛ palɛi tɔ́, la hɔŋ bululan o lɛŋnden kpow nin, la sangala ya taw-taw. Kani paale bɛndule baŋannden le co len le hakila niaalan ni. Lelan, bululan la bɛnda mì la hɔŋnun taw-taw paale len.


Nuaa niaa bɛnda ni mi la tosa, le cɔmndo maa vɔsi diandaa vɔsi beleŋuɛɛnundɔɔ co ya Mɛlɛka o hɔl ni. Le hee, la bɛnda mì la yonda mì vanaa co icali o lɛŋnden nin-nda kpow a sɔla hɔ́ɔ́yɛi ndɛi. Vɔsi kɔlkɛndɛ bɛndoo vɔsi kon co le niaa ni. Vanaa yondola ndalan la hɛlun-nda bɛnda mà sɔla lan, mì cɛa muungu o yungula ndalan nin.


Lelan, Vɔsi Kɔlkɛndɛ Bɛndoo vɔsi beleŋuɛɛnundɔɔ vanin le niaa ni. La bɛnda mì la vàá n'ciɛɛ le, te kon te mì la kow n'miinguu le. La bɛnda vɛlɛ mì la kɛndu kɔmnde tɔlɔɔla niaala bɛɛsian te lan te.


O Vɔsi Kɔlkɛndɛ Bɛndu kon nin, o niaa tɛɛn vana-vana bɛnda mò mingin yondola ndɔlan o ba.


Swiv nou:

Piblisite


Piblisite