Tɔŋ lasálàá 26:9 - BII BILA

⁹ I mululnin niaa hɔlla, mì nɛŋi niaa ipulu, mì kui niaa, mì simi kpema nuu yili a niaa.

Tɔŋ lasálàá 26:9 Referans Kwoze

Condii lisai 107:38

Mò dɔw nda ndua, mà kui taw-taw, cɔlua ndaa faŋan lecoo le.

Esekiɛl 16:62

Ya yɛ, i minginin kpema nuu toosiaa naa nɔm tɛɛn ma sina maa ya co Mɛlɛka ni.

Nehemi 9:23

Má ke nda cuawva sɛ́lɛ́ bɛndoo maa loeon o halataala. Má kɔa a nda o lɛŋnde Kanaan-nde nɔm óò vem fuɲaa ndaa mamaa le len hiɔlɔɔ len nin.

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Tɔŋ miingua 28:11

Mɛlɛka yɔngunin niaa ɲɛm kɛndɔn taw o lɛŋnde ndu Mɛlɛka Hala niaa yiilu fuɲaa niaa mamaa kpemaa, mó mɛnalan nda le niaa len yɔngoo len coo. O kenin niaa cuawva taw, o kuinin cɔlua niaa, mò nɛŋi ciɛɔn niaan a tɔlɔɔla niaalan taw-taw.

Luke 1:72

O tuinun fuɲaa naa mamaa iɲíí, mó yiyan le kpema diandaa o yii-yo.

Condii lisai 89:3

I dimulnin vannda mɛɛ kaola nɔmndo co le fɛɛn a fɛɛn yɛ, mɛɛ n lo o lediom coo yɛ.

Tɔŋ miingua 28:4

O dɔawnin niaa duaa, mò ke niaa cuawva taw, mò nɛŋi tɔlɔɔla niaalan, mì la luɛi kúlú, mò vangala cɔlua niaa taw: nawva, saa a cuinnda.

Fulaa 6:4

O kon kɔɔli, mí yiilu nda kpemaa le nda lɛŋnde Kanaan-nden yɔngoo, lɛŋnde nda va icali nin o sumialle len pɛɛn.

Fulaa 2:25

Hala tofaa nda, mó sina mɔnɛi nda va nin-nde.

Fulaa 1:7

O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

O Kandɔɔ 17:20

Le Ismaɛl-lɛ, i tuei piɛile n piɛi le ndu len. I co ndu duaa dɔvɔɔ mì yɔngu ndu cuavaa-imamaa taw. O kuinin ipulu, polale ndɔlen le vanin sɛ́lɛ́. I vangalanin cuavaa ndɔa imamaa. Langbaa kɛsun kálàá tɔ́ a à ŋiɔn a fulanin ndu nin. I siinguunin ndu fuɲa-mamaa le vanaa-mangalaa-isɔɔa sɛ́lɛ́ bɛndoo.

O Kandɔɔ 6:18

Kɛ i yii kpemaa le nɔm ciindiaa. A co hunɔɔ luɛyɔɔ o dɛ̀ndɔ̀ɔ́ nin niaa laa nɔm, poaa nɔmnda a laandaa poaa nɔmnda.

Hebreea 8:9

O venin maa o tase yáà yii a fuɲaa ndaa mamaa telen ya bii nda baa le nda solio o lɛŋnde Esipte len nin-ndo le. Kpema kon ndu, má tɛɛmbuu ndu, nduyɛ, ya va vana nda bɛndoo ni. Sɔɛi fula ya Mɛlɛka o sondo-e co ken ni.

Nehemi 2:20

Mí mulul nda aa: ‹Hala co o halataala-o kenin naa kpaayaa mì n nɔla. Kani vanaa ndɔa baalaa naa n co ni, n co cɔnɔn mì n mingi tangul. Kɛ niaa, la nɔ kɛ nanu le, la nɔ dí le ɲɛ-ɲɛ nanu, la nɔ ɲɛ-ɲɛ vana loonun a niaa o kɔɔ Yerusalɛm te.›»

2Masaa 13:23

Kɛ mí Mɛlɛka tosal Israɛlla kɛndɛi, mó tuinun nda iɲíí, mó mulul nda hɔlla le kpema ndóò yiilu Abraham, Isaak a Yakɔb-o. O cɛl le nda tɛɛmbuuo le, nduyɛ háá paalen nden, o kɛɛ nda mò faŋal nda hɔlla le.

O Kandɔɔ 1:28

Mó dɔaw nda duaa, mó dimul nda aa: «La náŋ ipúlú, la kuí, la pei lɛŋnden ca mì la va vanaa bɛndua lecoo. La tosá masalen suvaa co o mɛnndan nin-nda, yovaa co coocoo-a a visia pɔmbɔa kela lɛŋ-nda kpow coo.»

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

O Kandɔɔ 48:4

Mó dimul-la aa: ‹I co nɔm cuawva yɔngu mì polale nɔmnden le kui taw. I solinin vanaa-mangalaa-isɔɔa taw nɔm o ipulu. Nduyɛ, i co hunɔɔ cuavaa nɔmaa imamaa lɛŋnden nden yɔngu le fɛɛn a fɛɛn.›

Tɔŋ lasálàá 26:15

te la kɛɛ pɛ silala nilan, mì la pɛɛsa nɛila nilan, te kela o tɔŋndan nilan kpow coo le, te la tɛɛmbuu pɛ kpema nuu,

Tɔŋ miingua 7:13

O kaolanin niaa, mò dɔw niaa duaa, mò vangala niaa, mò dɔw hɔ́aa niaa duaa. O dɔawnin ɲɛm niaa vanin váà a tɔlɔɔ-on duaa: kandɔɔ maalon, rɛsɛnndon, kɔ bii a olivieela niaalan. O vangalanin cɔlua niaa taw: nawva, saa a cuinnda, mà kui o lɛŋnde o yiilu fuɲaa niaa mamaa kpemaa mó mɛnalan nda le nda len yɔngoo len nin.

Esekiɛl 36:9

La tofa vɔ, sunsun nin, i co niaa ikɛi. I mululnin niaa hɔlla, lɛŋnde niaalen le vaanunnin mì yɛiyon saŋnun lecoo.

1Masaa 3:8

Nduyɛ, ya vana nɔm baalaa, i co vanaa nɔm pila hɛli-a tɛɛn, vanaa kan yɛ, vana cii nda sina le, a cuu vɛlɛ cɔm te, kani a co sɛ́lɛ́ taw.

Yeremi 23:3

O kon mì ya pila nuwviaa a tɔ̀a lo-a o lɛŋii yáà sɛŋi nda-e nin kpow, mì mingi nda o hèé ndaa nin. I vangalanin nda lon mà kui taw.

Yeremi 23:4

I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.