Tɔŋ lasálàá 26:7 - BII BILA

⁷ La toawnin yaamɔaa niaa, mì la mɛli nda a mɔɔn cɔwvon.

Tɔŋ lasálàá 26:7 Referans Kwoze

Tɔŋ lasálàá 26:6

I lueinin kɔlɲuloo o lɛŋnden nin. La hini pɛ, ɲɛ-ɲɛ kpeeŋiaanin niaa le. I ciinin visia biyaa o lɛŋnden nin, a vɛlɛ cɔwvo luei lɛnin o lɛŋnde niaalen nin te.

Tɔŋ lasálàá 26:8

Vanaa ŋuɛɛnu niaa tɛɛn a toawnin yaamɔaa niaa kɛmɛ. N'van kɛmɛ niaa tɛɛn a toawnin yaamɔaa niaa vaalan tɔ́. Yaamɔaa niaa kan a delinin niaa laci o mɔɔn cɔwvon bɛngu.

Tɔŋ miingua 32:30

Vɛɛ nɛ vanndo ndu pilɛ ndóò nɔla yɛ mì ndóò tow vannda vàá pilɛ? Vɛɛ nɛ vannda nda ŋiɔn ndáà nɔla yɛ mì ndáà tow vannda vaalan tɔ́, te pow kpova ndaa ndóò vɔngul nda le, te Mɛlɛka ndóò mel nda nda o ba le?

Ɛstɛr 9:16

Mí Yuifia tɔ̀a va o tàndàla lemasalan nin-nda bɛɛ a cuungian le yoomu ndaa baŋaa yaamɔaa ndaa o ba. Má diw vannda vaalan belaŋɔmmɛw a laŋuɛɛnu (75 000) o vanaa va nda pɛɛsaa-a tɛɛn, kɛ a cue ɲɛ-ɲɛ nda le.

Tɔŋ lasálàá 26:36

O niaa tɛɛn, vanaa lonin yoomu o lɛŋii yaamɔaa ndaa nin-nda, i lueinin kɔl yulan-yulanndo nda nin. Hali hoeiye hiiluu peelen nin, mà tuei hiiluu kon, a voolunin mà ɲaanun mɛɛ vana ɲaanun yaamɔɔ co hunɔɔ a mɔɛi cɔwve o ba-o nuaa yɛ. A delinin hali mì vana ve nda tovɔɔ le.

Tɔŋ miingua 28:7

Tuma yaamɔaa niaa cannin le niaa cɔlɔbaa-o, o yɔngunin niaa kpaayaa mì la tiw nda ba. Taa kei pɛ o nɛiyo ndu pilɛ coo le hunɔɔ niaa cɔlɔbaa, a ɲaanunnin niaa, mà sɔɔndian o nɛilan tan ŋɔmmɛw.

Yosue 23:10

Vana pilɛ kpé o niaa tɛɛn tiwba mò tow n'van vàá pilɛ. Kani Mɛlɛka Hala niaa co cɔlɔbaa le niaa mɛɛ o yiilu niaa kpemaa yɛ.

Masaa kialaa n'yamaa 4:16

Mí Barak toaw ɲɛla ɲaanannda soa nan-ndan a vanaa cɔvaa kan háá Harosɛt-Koyim. Mí vanaa cɔvaa Sisera-a kpow a sɔla piɔ́mndo o cɔw kon nin, vana pilɛ bɛɛ helun te.

Masaa kialaa n'yamaa 7:23

Mí vanaa cɔvaa Israɛlaa fula o polale Nɛftali len nin-nda, a fula o polale Asɛr len nin-nda a á fula o polale Manase len nin-nda kpede a mɔɔsian, má tisa Madiannda kɔɔli.

Masaa kialaa n'yamaa 15:15

Mí Samsɔn cua yaale sofɛlɛ ndáà dii sɛnɛi-yo, mó diw vannda vàá pilɛ.

1Samiɛl 14:13

Mí Yonatan kindin a laba a á n'pelu, mó hel. Mí buɛi ndɔɔ bɛɛ hel ndu kɔɔli. Mí Filistia Yonatan va lɔwviaa-a va delio, mí buɛi ndɔɔ va nda siowvo tɛiyo ndu kɔɔli.

1Dɛnnda lemasalan 19:15

Tuma Amɔnnda ce maa Aramiia ɲaanun-ndo, mí nda bɛɛ ɲaanun Abisai puapilɛ Yoab-o, má kɔa o kobi ndaa nin. O kon mí Yoab muungu Yerusalɛm.

Condii lisai 81:15

I va yaamɔaa ndaa malɔɔ nda o ba sisa, mì yáà ciŋilan vanaa co nda ciŋilanndo-a.