Biblia Todo Logo
Bib sou entènèt

- Piblisite -




Tɔŋ lasálàá 26:6 - BII BILA

6 I lueinin kɔlɲuloo o lɛŋnden nin. La hini pɛ, ɲɛ-ɲɛ kpeeŋiaanin niaa le. I ciinin visia biyaa o lɛŋnden nin, a vɛlɛ cɔwvo luei lɛnin o lɛŋnde niaalen nin te.

Gade chapit la Kopi




Tɔŋ lasálàá 26:6
43 Referans Kwoze  

Yàlà kana venin o nɛi kon coo le, visi biyaa súú-súù keinin lecoo le, visi biyaa ndu pilɛ bɛɛ vana seelunnin lecoo le. Vanaa sɔla baŋaa-a keinin lecoo ni.


O Israɛlla tɛɛn yɛ, vanaa lonin yoomu-a tosa lɛnin dɛnɛ sandaa lepɛŋ te. A dimi lɛnin lacòò le. Vana tui lɛnin sɔɛi huiyaa vana fula nda o lasondo le. Kɛ a vanin cɔlua ndaa yɔɔ diólan, mì nda pila hinin pɛngio a kɔlɲuloo. Ɲɛ-ɲɛ hiiluu lɛnin nda kɔltan te.»


O co lɛŋnde niaalen kɔlɲuloo yɔngoo, mo va niaa baloo yɔngoo taw.


Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»


Biilu Cɛiyo ho hiawnin biilu Cɛi tasoo, Mɛlɛka-Nɔ-Kpaayaa-Kpow-vo dimi lende ni. I kenin niaa kɔlɲuloo o fonda kon. Diom ya Mɛlɛka-Nɔ-Kpaayaa-Kpow-vo soo-o co kon ni.›»


Mɛlɛka dimi aa: «Paale len, o veelunin ya aa: ‹Pɔnɔ nuu›, o veelu lɛnin ya aa: ‹Vana ni bɛndoo› le.


I yiinin kpema kɔlɲuloo a nda mì faŋa visia yondoa biyaa o lɛŋnden nden nin. O kon saa nia calnin nila ɲulu o lɛŋnde veselɛilen nin, mà va lɔan o bundɛlan nin.


O kenin vanaa ndɔa yoomuan, ò dɔawnin nda duaa, mò yɔngu nda kɔlɲuloo.


Te i luei pɛ visia biyaa o lɛŋnde len nin, mà somi-somi vanndacieea, te lɛŋnde len le siŋnun pɛ lɛŋnde pɔmnden, mì vannda pew len a siòòŋii visia biyaa kan.


Tuma n vannunnin pɛngio-o, vana-vana tɔɔndannin le nɔm kpeeŋiaa le. Vannda taw a kindinnin le nɔm hɛnanndo.


Kɛ nduyɛ, i tuwnin nda niaa laci o vɔsi pilɛ bɛngu le, yɔŋii lɛŋnden le lo lemalnannden mì visia yondoa kui le niaa cɔlɔbaa.


I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.


O ciinin ɲɛla ɲaanannda soa nan-ndan o tàndá cuavaa-imamaa Efraim-nda nin o ciinin soa cɔwva Yerusalɛm, o yiminin kpaasiaala cɔwlan kpow. O yɔngunin vanaa-mangalaa-isɔɔa kpow kɔlɲuloo. Masale ndɔlen le kandunnin o mɛmma hɛlii bɛnduan, mì le kɔ tiiya háá o mɛmma ihɛllan mediteranee. Masale ndɔlen le cannin o pee bɛndoo Efrate, mì le kɔ tiiya háá nɛɛ lɛŋnden le mɛɛlu-a.»


Vana-vana vanin icali o rɛsɛŋun ndɔn a o voosun ndɔn bɛngu, vana venin le nda kpeeŋiaa le, kani Mɛlɛka-Nɔ-Kpaayaa-Kpow-vo cii dimi.


Te kon te, te i tuisi pɛ cɔwvo o lɛŋnde len nin, mì dimi aa: «Màá mɔɛi cɔwve balu o lɛŋnden nden nin! Te i ɲumi pɛ vanndacieea a cɔlua lenin,


I tuisinin yima fofolan a visia biyaa niaa tɛɛn cili le cuavaa niaa diwvo, mì la lo kɔɔla fondo. Nàá n'kɔnyaa a piɔ́mndan la keinin niaa coo. I tuisinin cɔwvo niaa coo. Ya ni, ya Mɛlɛka soo lende ni.


Éé Mɛlɛka! Cɔm naa maa vana lo o lediom coo-o n co ni, mà ciindiaa naa.


Nɔm Mɛlɛka, a co kɔlkɛndɔɔ lueiyo ya o kɔl hiovɔɔ kɔlkɛndɛ nda sɔla tuma nda nɔ malun sɛnɛiyon a mɔima sɛnɛiyan-ndo.


Kɛ aa ya vialunin poo, vana kɔlɲuloo o vanin ni. Ndu Mɛlɛka kenin po kon pɛngio, mò baŋa ndu yaamɔaa o vanin tɛɛn-nda kpow o ba. Salomɔn o nɔnin diolan ni. O masale ndɔlen bɛngu ndu Mɛlɛka kenin Israɛlla kɔlɲuloo a pɛngio ni.


Mó mulin, mó tofa nda, mó dɔaw nda danga o diola Mɛlɛka lan. O kon, mí kɔ́lɔ́vúlua fula o bundɔɔ nin nda ŋiɔn, má sɛɛsiaa n'van belehiɔɔlu a vanaa ŋiɔn o poambɔa kan tɛɛn.


Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.


Icɔl Herɔde ndóò yeema le yamɛi ndɔɛi kiolɔɔ vannda o hɔl diimandɔɔ-o, Piɛr va o lɔan vanaa cɔwva nda ŋiɔn tɛɛn. O va o yɔlɔn, kpalilaa cumulaa va cumullo o dioo coo,


A toɲa, nuaa Maalii o co Mɛlɛka-o dimi ni aa: «Maa lekɛ́ndɛi, i tuisinin sangala hiɔɔlula kálà-kálàlan ndan Yerusalɛm coo: cɔwvo, yima fofolan, visia biyaa a nàà n'kɔnyaa le vanndacieea a cɔlua ciiyo diwvo.


Lelan vannda diminin aa: ‹Yáà tiondɔɔ mí ca maa lɔma ya lɔl-lan ma mala ya.›


I toosiaa ɲɛ-tengaa, mí cɔaw ɲumndan. I yɔngu dɛnɛ kɛndɔɔ, mí cɔaw dɛnɛ vɔɔndo. Ya Mɛlɛka, i tosa ɲɛm mun kpede.


«Maalii yɔngu cuavaa Yakɔb-a yoongoo, mí yoongu kon del Israɛlla coo.


I co diomndo heeloo o Mɛlɛka lo, o co ya mulullo o pembii ndɔɛi diandɛi coo.


Lan la cɔmnin nɔm mɛɛ n bɛnda le kelaa yɛ ni. Lan la mandanin nɔm o kpele nɔmndo coo ni. Lan la silanin nɔm tuma n tiandunin-ndo ni.


Hini bɛɛ icɔl, siòòŋii biinin nɔm te. A hini dɔ́ɔ́ pɛ, a hiownun o lɔan cundun.


Kani kpemaa vanin niaa tɛɛn niaa powtan o yondoo nin. Kɔlɲuloo vanin niaa tɛɛn niaa visia yondoa.


I cuunin visia biyaa o lɛŋnde niaalen nin, mì visia kan diw cuavaa niaa, mà diw cɔlua niaa, mà cii niaa háá mì nɛila niaalan la yimbu.


La toawnin yaamɔaa niaa, mì la mɛli nda a mɔɔn cɔwvon.


I tuisinin cɔwvo niaa coo, le niaa màá mingullo le kpema ni niaa tɛɛmbuu-o. Tuma niaa kɔ viannunnin o kobila niaalan nin-ndo, i saŋnin nàà n'kɔnyaa niaa tɛɛn, o kon la delnin yaamɔaa niaa o ba.


La kela o tɔŋnda nilan coo, la bii pɛɛkula nilan mì la kela lecoo. O kon, la vanin icali nila ɲulu o lɛŋnde niaalen nin.


Lɛŋnden le nɛŋinin tɔlɔɔlan taw le niaa baloo dɔvɔɔ. O kon, la celnin lenin a buulan te.


O kon, mí masale Yosafat len le sɔla kɔlɲuloo, mí Hala luei ndu kɔlɲuloo tɛɛn a lɛŋii ndíì balu ndu-e kpow.


Màá a bɛndua naŋ, mà luɛi cuɛiyan! Màá kpakila naalan la buuluu, mì la tɛɛndiaa le! Màá a kɔa lɛ a naa o biyɔɔ nin, mì caŋnda imɔnɔlan la fula naa tɛɛn te!


A busanin nɛiyo, nɛi bɛndoo o lɛŋnde len nin, a kenin nɛi kon diolan aa: «Nɛi diandaa.» Vana nɔɔlɛi keinin o nɛi kon coo le. Le yungu Mɛlɛka-o daama o vanin ni, vanaa vanin keiyo o nɛi kon coo-a, hali diɔmnda a luusiannin te.


Yɔmii co yondoo nin-nde koamnin, lɛŋnden le lueinin ɲɛm vaanun lecoo-on kúlú taw. (Vanaa nia) vanin nila ɲulu o lɛŋnde ndalen nin. Nduyɛ, lɔ́ɔ́ ya yiminin kpòndò nda co bɛngu-o, mí baŋa nda vanaa nda co o ba o cɛlen nin-nda o ba-o, a sinanin maa ya co Mɛlɛka ni.


Paalelen, i yiinin kpemaa le vanaa nia. I yiinin ndu a visia yondoa a á yowva coocoo, mì yii ndu vɛlɛ a visia pɔm-pɔmbɔa kela lɛŋ-nda. I yiminin kpaasiaalan, mɔɔn cɔwvon, a ɲɛm cɔwvon kpow, mì ke vanaa nia pɛngio, mà vannun nila ɲulu.


Swiv nou:

Piblisite


Piblisite