Tɔŋ lasálàá 26:5 - BII BILA

⁵ O niaa lo, la lonin malun niaan lɔɔ haa mì tuma kiandaa n'rɛsɛnndo tiiya, la lonin rɛsɛŋun niaan lɔɔ mì tuma lavayia tiiya. Baloo kuinin niaa o ba taw-taw, la calnunnin nila ɲulu o lɛŋnde niaalen nin.

Tɔŋ lasálàá 26:5 Referans Kwoze

Amɔs 9:13

Mɛlɛka dimi aa: «La tuei-yɔ, palɛi pum co hunɔɔ tiiya, vana váà vanin vana koavaa kɔɔli kpɛɛlun. Vana kiandaa n'rɛsɛnndo vanin vana vanin saŋɔɔ-o ikɛi kpɛɛlun. Mɔiyan ma vanin fulaa o pembun bɛndon coo taw, mì buubuuon kpow n va man solio.

Yɔɛl 2:26

La vanin ɲɛdiaa dioo a pumndo, la lisanin Mɛlɛka Hala niaa, o tosa dɛnnda kaamaala bɛndulan le niaa-o pɛɛn. Le fɛɛn a fɛɛn nin, siɛmbula bii lɛnin yungu nuu le.

Yɔɛl 2:19

O mulul nda mó dimi aa: ‹I co niaa maalon, mɔiyan a cuɛima ɲuluan yɔngu taw. La dianin mì la pim ca. I tuisi lɛnin niaa lasiɛmbu vanaa súúla celennda o hɔl te.

Talelan 1:33

Kɛ vana yaŋ pɛ ya nilan, ndu sɔlanin kɔlɲuloo o calta ndɔlan. O vannunnin nila ɲulu yili, siòòŋii biinin ndu le dɛnɛ palaa le.›»

Tɔŋ miingua 11:15

I tosanin mì billo pui taw o yondola niaalan nin le cɔlua niaa. La sɔlanin ɲɛdiaa ɲɛkɛndɛi, mì la va dioo a pumndo.»

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Dɛnnda kiilaa 14:17

Kɛ nduyɛ, Hala co niaa dɛnnda kɛndɛlan tosallo lɔ́ɔ́-lɔ́ɔ̀: kani o co niaa piɔɔ tuisullo fulaa o halataala o telen bɛnda-o, o co niaa vɛlɛ baloo yɔngoo mì kɔlta niaalan la va piɔu a ɲaaloo.»

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Talelan 18:10

Kpakio diola Mɛlɛka lan la co ni, lenin vana sandaa viannun ni mò sɔla kandaa.

Condii lisai 90:1

Piɛile Moise, vana Hala-o. Éé Mɛlɛka! Kabi paandu, nɔm yɔŋnun nɛɛ viannannda le naa ni.

Fulaa 16:8

Mí Moise dimi aa: «La canin biilu ndɔɔ telen ndu Mɛlɛka yɔngunin niaa cɔɛllɛn vision le dioo-o, telen o yɔngunin vɛlɛ niaa ɲɛdiaa taw-taw siɔdii-o. Kani Mɛlɛka tuei sɔɔn pɔmbɔn niaa soo a ndu-on. Naa naa, yɛɛ naa n co yɛ? O co a naa le niaa soo sɔɔn pɔmbɔn te, kɛ a Mɛlɛka pila.»

Osee 2:18

Mɛlɛka dimi aa: «Paale len, o veelunin ya aa: ‹Pɔnɔ nuu›, o veelu lɛnin ya aa: ‹Vana ni bɛndoo› le.

Condii lisai 144:13

Màá kondala naalan la va lapiaa lan a ɲɛm kɛndɛn súú-súù ka! Màá cɔlua naa pɔmbɔa kui taw-taw, mà kui háá vaalan a vaalan o yondola naalan nin!

Esai 1:19

Te la cɛl pɛ le diom nuu biyɔɔ a yiyan kɛndɔɔ, la dianin kɔmnde hiow naŋɔɔ o lɛŋnden nden nin-nden.

Esai 30:23

O kon, Hala tuisinin piɔɔ o yɛyii niaa saŋnin lɛŋ-nde coo, lɛŋnden le solulnin niaa ɲɛdiaa kɛndɛ yeelɛiyo. O palɛi ken nin, cɔlua niaa vanin kɔlan diólan o hòóla bɛndu-bɛndulan nin.

Osee 2:20

Paalelen, i yiinin kpemaa le vanaa nia. I yiinin ndu a visia yondoa a á yowva coocoo, mì yii ndu vɛlɛ a visia pɔm-pɔmbɔa kela lɛŋ-nda. I yiminin kpaasiaalan, mɔɔn cɔwvon, a ɲɛm cɔwvon kpow, mì ke vanaa nia pɛngio, mà vannun nila ɲulu.

Yɔɛl 2:22

Niaa visia yondoa, la buulan-ndɛ le. Kani dɛɛlala co o lɛŋnde veselɛilen nin-ndan la co vɛlɛ pui mì billo fula taw, mì yɔmnde kom taw. Voosoei a rɛsɛnndon yɔngunin vɛlɛ kɔmnde bolofaale ndalen taw.