Tɔŋ lasálàá 26:45 - BII BILA

⁴⁵ Le cinda ndaa, i loonunnin a kpema co naa tɛɛn naa fuɲaa ndaa mamaa-o o kɔɔ, fuɲaa ndaa mamaa ya soli o lɛŋnde Esipte len nin vanaa-mangalaa-isɔaa celennda o hɔl-la pɛɛn. I soli nda haliko mi va Hala ndaa. Ya co Mɛlɛka ni.»

Tɔŋ lasálàá 26:45 Referans Kwoze

Tɔŋ lasálàá 25:38

Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni le niaa lɛŋnde Kanaan-nden yɔngoo, haliko mi siŋnun Hala niaa.»

Esekiɛl 20:22

Kɛ mí mingi ba nuu, kani mí yiyan le diola nilan, yɔŋii la tambu vanaa-mangalaa-isɔɔa ya va cɔu mí soli Israɛlla o lɛŋnde Esipte len nin-nda o hɔl.

Esekiɛl 20:9

Kɛ mí tosa ɲɛ pum le diola nilan, yɔŋii la tambu vanaa-mangalaa-isɔɔa nda va tɛɛn-nda o hɔl, kani vanaa-mangalaa-isɔaa kan o hɔl yáà cɔmnun Israɛlla le nda solio o lɛŋnde Esipte len nin ni.

Tɔŋ lasálàá 22:33

I soli niaa o lɛŋnde Esipte len nin haliko mi va Hala niaa. Ya co Mɛlɛka ni.»

Rɔmnda 11:12

Nduyɛ, te ceendo pɛl pɛ tɔnɔ o tɛɛmbuu ndaa nin, mí vanaa co N'Yuifi le-a pɛl tɔnɔ o delɔɔ ndaa nin, mɛɛ taa hun mangalan pɛ, tɔnɔ kon ndu hiawnin ba.

Esekiɛl 20:14

Kɛ mí tosa ɲɛ pum le diola nilan, yɔŋii diola nilan láà tambu vanaa-mangalaa-isɔɔa va cɔu mí soli Israɛlla o lɛŋnde Esipte len nin-nda o hɔl.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Fulaa 6:8

I co niaa yɔɔ o lɛŋnde ya mɛnalan Abraham, Isaak a Yakɔb le nda len yɔngoo len nin. I co niaa len yɔngu ɲɛ niaa pɛ́-pɛ́. Ya Mɛlɛka soo nuaa ni.›»

Fulaa 2:24

Mɛɛ o tuei nda cɛɛŋɔnndo, mó loonun a kpema o yiilu Abraham, Isaak a Yakɔb-o.

O Kandɔɔ 15:18

Paale len Mɛlɛka yiilu Abram kpemaa ni, mó dimul ndu aa: «I yii kpemaa maa i yɔngunin cuavaa nɔmaa imamaa lɛŋnden nden. Kandɔnndo a pee pɔmbɔɔ Esipte, kɔ bii a pee bɛndoo Efrate,

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

O Kandɔɔ 9:15

i loonun dɔ́ɔ́ a kpema ya yiilu niaa cuàà n'vanndaciee a ɲaa yoomaa kpow-vo, kpema kon co hoo ni: mɛnndan ma tɛɛmbuu lɛnin ɲaa yoomaa o lɛŋnden coo le.

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

Tɔŋ lasálàá 11:45

Ya kpeekpei co Mɛlɛka ni, ya soli niaa o lɛŋnde Esipte len nin ni, haliko mi va Hala niaa. La va vanaa diandaa, kani o diandaa ya co ni.

Tɔŋ miingua 4:31

Kani Mɛlɛka Hala niaa, Hala nɔ ɲííye-o o co ni, o melnin niaa le, o tɛɛmbuunin niaa le. O pɔɛɛnunnin kpema o yiilu fuɲaa niaa mamaa mó mɛnalan nda le ndu peeloo-o le.»

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

O Kandɔɔ 28:15

Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»

Tɔŋ miingua 9:27

Loonun a vanaa nɔmaa baalaa: Abraham, Isaak a Yakɔb. Tofa nila kalula vannda ha le, tofa kɔlvesɛi ndaa a haki ndaa le,

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,