Tɔŋ lasálàá 26:44 - BII BILA

⁴⁴ Ya yɛ, hali tuma nda vanin a saŋnannda o lɛŋii yaamɔaa ndaa nin-ndo, i kɛɛnin nda few-few le, a nɛinunnin ya le, i ciinin nda le, i tɛɛmbuunin kpema nuu a nda le. Kani Mɛlɛka ya co ni, Hala ndaa pɛɛn.

Tɔŋ lasálàá 26:44 Referans Kwoze

Rɔmnda 11:2

O co kɛɛ le Hala kɛɛ vanaa ndɔa o síná o tasendɔ-a le. La sínà ɲɛ sɛvan a Elii o kɔɔ-o le? Mó cɛɛŋun a Israɛlla o sondo o Hala lo aa:

Nehemi 9:31

Kɛ hali a kon, a kaola nɔm nɔ lamɛɛlu loo, a cii nda le, a kɛɛ nda le, kani Hala iɲííyo a Hala nɔ kɛndɛi-yo n co ni.

Condii lisai 94:14

Kani nɔm Mɛlɛka melnin vanaa nɔmnda le, a faŋanin kɛ́ nɔmndo balan coo le.

2Masaa 13:23

Kɛ mí Mɛlɛka tosal Israɛlla kɛndɛi, mó tuinun nda iɲíí, mó mulul nda hɔlla le kpema ndóò yiilu Abraham, Isaak a Yakɔb-o. O cɛl le nda tɛɛmbuuo le, nduyɛ háá paalen nden, o kɛɛ nda mò faŋal nda hɔlla le.

Rɔmnda 11:26

O kon mí Israɛlla kpow a sɔla cindaa maa mɛɛ o sɛvan yɛ aa: «Vana baŋaa fulanin Siɔn, mò ɲindu vanaa tosaa dɛnnda vɔɔŋaa co o cuavaa-imamaa Yakɔb-a tɛɛn-nda ikɛi.

Esekiɛl 16:60

Kɛ ya ya, i loonunnin a kpema ni ya yii a nɔm o felengiyɛi nɔmnde nin-ndo. I yiinin kpema fɛɛn-fɛɛndo a nɔm.

Yeremi 33:26

La ca ko aa mì kɛɛ poaa Yakɔb-a a poaa David vana ni baala-a? Vɛ̀ɛ̀ i kɛɛnin le simlacia simnin cuavaa Abraham-nda, a Isaak-a a cuavaa Yakɔb-a laci-a hɛlio o poaa ndaa tɛɛn? Kɛì-kɛì bɛɛ! Kani ɲííye co ya a nda, i minginin vanaa ndaa nda kɔɛ o biyɔɔ nin-nda o nda lo.»

Yeremi 30:11

Sɔɛi fula Mɛlɛka o sondo-e co hee ni aa: «Kani i co nɔm ikɛi le nɔm ciindiaa, i diwnin vanaa-mangalaa-isɔɔa niaa va a sɛŋiannda tɛɛn-nda, kɛ niaa niaa, i diwnin niaa le. I saangiaanin nɔm, kɛ le nɔm mingio o nɛi sandaa coo ni, kani i nɔla nɔm biyɔɔ maa vana tɛɛmbuu isɔɔ loo le.»

Yeremi 14:21

Le tɔ́ɔ́ nɔm kɛndɔɔ, soli kpɛŋɛ nɔm lemasa a biilu bɛndoo o baa nin te. Yiyan, kialu kpema nɔmndo a naa le!

Condii lisai 89:33

i lɔaanin nda a sionnden le hakila ndalan, mì soŋ nda le pɔwla ndalan.

Tɔŋ lasálàá 26:11

I kɛsinin calta nilan niaa tɛɛn, i nɔnin nɛyɔn niaa le.

Masaa kialaa n'yamaa 2:1

Mɛɛ mɛlɛkanɔ Hala-o fula Kilkal, mó kɔa Bokim. Mó kɔ dimul Israɛlla aa: «I soli niaa Esipte mí kɔa a niaa o lɛŋnde ya mɛnalan sindɛ fuɲaa niaa mamaa le nda keo len nin. Mí dimul niaa maa i mangalanin kpema ya yiilu niaa-o lɔ́ɔ́-lɔ́ɔ̀ le.

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

Nehemi 9:17

Má kɛɛ diom nɔmndo biyɔɔ, má pɔɛɛnun dɛnnda kɔndɔfilta bɛndula n tosal nda lan, má kindi nilan, má dimi le muungɔnndo Esipte o cɛle ndalen nin. Kɛ nɔm, a mel nda le, kani Hala mal vana haki-o n co ni, Hala nɔ ɲííye a kɛndɛi-yo. A biwnùn, a pɛ a dɛnɛ kɛndɔɔ.

Condii lisai 103:13

Mɛɛ fuɲaa kaola cuavaa ndɔa nuaa yɛ, lende koni Mɛlɛka kaola vanaa nɔ siòòŋii ndɔɛi-ya ni.

Yeremi 24:5

«Sɔɛi ya Mɛlɛka Hala Israɛlla dimi-e co hee ni: Mɛɛ voosun kɛndɔn n naŋ o tofaa yɛ, lende koni ya co vanaa nda bii haa Yuda, mí toaw nda nanu, má kɔa a nda háá Babilɔn-nda co ni.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.