Tɔŋ lasálàá 26:43 - BII BILA

⁴³ Tuma nda vanin nɛɛ celen-ndo, lɛŋnde ndalen le vanin lemalnannden, o kon yondolan la sɔlanin pɛngio. Tuma kon, nda pila co va sangaa sɔlaa le tùú nda kɛɛ le tɔŋnda nilan biyɔɔ-o a le tùú silala nilan la nɛinun nda-o.

Tɔŋ lasálàá 26:43 Referans Kwoze

Rɔmnda 8:7

Kani dɛnnda n'falulan la co yaamɔɔ Hala-o ni. Bau la bii tɔŋ Hala-o le, la nɔla bɛɛ ndu biyɔɔ le.

Tɔŋ lasálàá 26:15

te la kɛɛ pɛ silala nilan, mì la pɛɛsa nɛila nilan, te kela o tɔŋndan nilan kpow coo le, te la tɛɛmbuu pɛ kpema nuu,

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Sakari 11:8

O paangei ndii pilɛ bɛngu, mí toaw vanaa mandaa n'cɔlua yáá-a. O kon kɔɔli, i nɔla biuvɔnndo a saa le. Saa kan bɛɛ, mí dɛnɛ nuu fula nda iyeema.

Amɔs 5:10

La co nɛyɔnndo tosaa a vana co sɔɛi le dɛnɛ sandaa o kɔɔsɔɔ nin-ndo, mì la va nɛyɔnndo a vana dimi toɲaa-o.

Daniɛl 9:14

Lelan, nɔm Mɛlɛka, má tuisi naa dɛnɛ palaa coo. Kani a sandu o dɛnnda n tosa lan kpow nin, kɛ naa, n bii diom nɔmndo le, nɔm Hala naa pɛɛn.

Yeremi 31:19

A toɲa náà n kɔɛ nɔm levil, kɛ sunsun n sina maa n cee tosa le. N sina tɛɛmbuula naalan mí n biinun balan o lebol, siɛmbulan la bii naa mí n kiolu vai le dɛnnda naa n tosa o cuaambɔyɛi nin-ndan.›

Esai 26:16

Mɛlɛka, a nuwviaa nɔm telen nda va o sangaa nin-ndo, telen n soŋ nda le nda silaa-o, má piɛi nɔm taw-taw.

Condii lisai 119:75

Éé Mɛlɛka! I sina maa tɔŋnda nɔmndan la sandu, nduyɛ, a caa ya siɛmbulan tuisi.

Condii lisai 119:71

Sanga ya sanga-o yɔŋnun dɛnɛ kɛndɔɔ le ya, o pɛɛku ya hɛnan nɔmndo.

Condii lisai 119:67

Lɔ́ɔ́ pá mì siɛmbulan la hun bii ya, i va pɔwlan, kɛ sunsun nin, i co sɔɛi nɔmnde biyɔɔ.

Condii lisai 50:17

Niaa yɛ, la yeema sila tueyɔɔ le, la co sɔɔn nun kɛɔ few-few.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

SƐBƐ YƆB-O 5:17

A toɲa, dɛnɛ kɛndɔɔ co le vana kon, vana Hala cɔm tɛɛmbuu ndɔɔ-o, Lelan, pɛɛsa sila Hala Vana-Kpaayaa-Kpow le.

2Dɛnnda lemasalan 33:12

Manase lo o sanga bɛndu kon nin, mó kindin le Mɛlɛka Hala ndɔɔ kɔllo ɲulullo, mó sɔlɔlan hakila ndɔlan Hala fuɲaa ndɔa mamaa o hɔl,

Tɔŋ lasálàá 26:41

A biinin bila maa ya bɛɛ mí simul nda, mí yaa nda o lɛŋii yaamɔaa nda nin. O kon, a sinanin maa a yɔŋnun vanaa lo lediom coo le. Le hee a tuisinnin, mà cɛl sanga tol nda coo le hakila ndalan-ndo.

Tɔŋ lasálàá 26:30

La nɛinunnin ya háá mì tɛɛmbuu sooluula niaalan, mì pesi máánnda niaala niaa loam ansan coo lan, mì handu niaa a vílɛ́iya o piɔmaa niaa piɔsiɛiya coo.

Tɔŋ lasálàá 26:11

I kɛsinin calta nilan niaa tɛɛn, i nɔnin nɛyɔn niaa le.

Tɔŋ miingua 32:36

Kani Mɛlɛka kialunin yamɛi vanaa ndɔa. O tuinunnin vanaa baalaa ndɔa iɲíí lɔ́ɔ́ o canin maa yoomuma ndan maa cuu-o, telen o canin maa cɛ co lɛ le, hɔ́ɔ́ co lɛ loo.

2Dɛnnda lemasalan 36:21

Kon tosan haliko mi sɔɛi Mɛlɛka ndóò dimi a sondo Yeremi, vana-tɛɛngaa-diom Hala-o-e i peelun. Sɔɛi ken yɔŋnun hee ni: «O vɔsilan belaŋɔmmɛw bɛngu, lɛŋnden le malnunnin mì le sɔla pɛngio háá mì telen léè bɛnda le pɛngi kalaa sɔlaa o vɔsila lan bɛngu-o cuu.»