Tɔŋ lasálàá 26:4 - BII BILA

⁴ i yɔngunin piɔɔ a telen niaa bɛnda le sɔlaa-o. O kon, lɛŋnden le nɛŋi ɲɛm saŋnun lecoo-on, mì tɔlɔɔla iyɔmndan le kom kɔmnden pila.

Tɔŋ lasálàá 26:4 Referans Kwoze

Sakari 8:12

I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.

Condii lisai 67:6

Òó Hala! Vanaa súúla celennda co nɔm lisaa. Vannda súúlan kpow a co nɔm sangalaa.

Esekiɛl 36:30

I vangalanin kɔmnde tɔlɔɔlan a ɲɛm vaan iciɛɔn taw, yɔŋii yima fofolan ma tol niaa coo, mì siɛmbulan la bii niaa vanaa-mangalaa-isɔɔa tɛɛn.

Esai 30:23

O kon, Hala tuisinin piɔɔ o yɛyii niaa saŋnin lɛŋ-nde coo, lɛŋnden le solulnin niaa ɲɛdiaa kɛndɛ yeelɛiyo. O palɛi ken nin, cɔlua niaa vanin kɔlan diólan o hòóla bɛndu-bɛndulan nin.

SƐBƐ YƆB-O 5:10

Ndu tuisì piɔɔ o lɛŋnden coo ni, ndu koni tuisì vɛlɛ mɛnndan le ciɛɔn pɔɔliaa ni.

Tɔŋ miingua 28:12

Mɛlɛka kumbilnin niaa bolofaa ndɔ kɛndɔɔ o halataala, mò tuisi piɔɔ o telen ndɔɔ o lɛŋnde niaalen coo, le valta niaa vanin tosaa lan duaa dɔvɔɔ. La dɔndanin vanaa-mangalaa-isɔaa bɔɔ-bɔɔ ɲɔɔn, kɛ niaa cuenin dɔndɔ le.

Tɔŋ miingua 11:14

i tuisinin piɔɔ o lɛŋnde niaalen coo a telen bɛnda-o, mì tuisil niaa piɔɔ telen vayiaalan a telen vɔɔle pɔmbɔlen, haliko mi la sɔla ɲɛdiaa taw: maalon, mɔima sɛnɛiyan a cuɛiyan.

Tɔŋ lasálàá 25:21

I dɔawnin niaa duaa o vɔsi ŋɔmpumndɔɔ nin, i viamnin lɛŋnden mì le vangala kɔmnde ɲɛ saŋnunnin lecoo-o len le vɔsilan tan yáá.

Dɛnnda kiilaa 14:17

Kɛ nduyɛ, Hala co niaa dɛnnda kɛndɛlan tosallo lɔ́ɔ́-lɔ́ɔ̀: kani o co niaa piɔɔ tuisullo fulaa o halataala o telen bɛnda-o, o co niaa vɛlɛ baloo yɔngoo mì kɔlta niaalan la va piɔu a ɲaaloo.»

Matie 5:45

O kon, la vanin cuavaa fuɲa niaa co o halataala-o-a. Kani o soli paalen le vanaa vɔɔnda a le vanaa kɛndɛa, mó tuisi piɔɔ le vanaa sandaa a le vanaa sendu le-a.

Condii lisai 85:12

Toɲaa co vulɔɔ fulaa lɛŋ, dɛnɛ sandaa co fulaa coocoo.

Condii lisai 68:9

mí lɛŋnden le ɲiiya, mí halataalaa tuisi piɔɔ nɔm laci, nɔm Hala tosa ken Sinai-yo, nɔm Hala Israɛlla pɛɛn.

Dɛnnda cɔɔmuanndan 11:6

A nɔ kpaaya nda kinda halataalaa, haliko piɔɔ sia o palɛi nda co va diom Hala-o tɛɛnguo-e bɛngu loo. A nɔ vɛlɛ o nda mangala mɛnndan koovan, mà tuisi dɛnnda palaala súú-súù ka o lɛŋnden coo telen nda yeema-o-o.

Nsaki 5:7

Lelan puapilɛa, la biwnun háá a hunɔɔ Maalii-o. La tofa vɔ mɛɛ vana váà cum kɔmnde ɲɛ o vaa-o a biuvɔnndo taw yɛ, o sina maa fɔ mì piɔɔ sialte tasoo a piɔɔ vɔɔle pɔmbɔɔ sia.

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Esai 5:6

I co ndu siinguu fonda tambɛiyo, o ve lɛnin bɛɛsian te, o ve lɛnin vali tosan te, Cimbullon a hɛɛnndon co vulɔɔ lon taw. I kuunanin yumbuyumboo le piɔɔ tuisio o nakɔ n'rɛsɛn ni kon coo.

Condii lisai 104:13

Nɔm Mɛlɛka co o calta nɔmndan nin coocoo, a co pembon pɔɔliaa. Lɛŋnden le pɛ cá a dɛnnda nɔmndan.

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

Tɔŋ lasálàá 25:19

Lɛŋnden le nɛŋinin tɔlɔɔlan taw le niaa baloo dɔvɔɔ. O kon, la celnin lenin a buulan te.

Tɔŋ miingua 11:13

Lelan, te la bii pɛ tɔŋnda ya co niaa hau yɔngoo lan, te la kaola pɛ ya Mɛlɛka Hala niaa mì la biilu ya a kɔlta niaalan kpow, a yoomu niaa kpede,

Condii lisai 67:7

Lɛŋnden le co tɔlɔɔlan naŋio. Hala, o co Hala naa-o co naa duaa dɔvɔɔ.

Condii lisai 85:13

Mɛlɛka bɛɛ yɔngunin dɛnɛ kɛndɔɔ, mì lɛŋnde naalen le naŋ tɔlɔɔlan.

Yɔɛl 2:22

Niaa visia yondoa, la buulan-ndɛ le. Kani dɛɛlala co o lɛŋnde veselɛilen nin-ndan la co vɛlɛ pui mì billo fula taw, mì yɔmnde kom taw. Voosoei a rɛsɛnndon yɔngunin vɛlɛ kɔmnde bolofaale ndalen taw.