Tɔŋ lasálàá 26:39 - BII BILA

³⁹ O niaa tɛɛn, vanaa pum a lonin yoomu o lɛŋii yaamɔaa niaa nin-nda, nda dɔawnunnin yɛɛvɛ le hakila nda pilalan a le hakila fuɲaa ndaa mamaa.»

Tɔŋ lasálàá 26:39 Referans Kwoze

Esekiɛl 4:17

O kon, ɲɛdiaa a mɛnndan ma biinin nda pɛŋnden, mɔnɛi a sangaa toalnin nda coo vellaa-velle, lende nda ɲawnin le dɛnɛ sandaa lepɛŋ ndaa ni.

Esekiɛl 33:10

Le hee, nɔm Po vanacieo, dimul cuavaa Israɛlla maa la co dimio aa: «Yɔŋnda vɔɔnda naalan a hakila naalan la co naa pila coo, le hakila lan naa co yɛɛvɔɔ dɔwnɔnndo nuaa ni, vɛɛ nɛ naa nɔla yɛnin lou yoomu?»

Esekiɛl 24:23

Mɔsilta niaalan la vanin niaa o lebol, la tosanin sɔɔn biision te, la ceŋnin te, kɛ la ɲawnin le hakila niaalan mì la cɛɛŋun niaa pila ikɛi vellaa-velle.

Esekiɛl 6:9

O kon, vanaa lonin kan yoomu o niaa tɛɛn-nda lonin o vanaa-mangalaa-isɔaa nda vanin a sɛŋian tɛɛn-nda lo, mà loonun a ya (Mɛlɛka) o kɔɔ, mà loonun vɛlɛ a soŋɔ̀ɔ̀ ya soŋ nda le kɔl suundɛi luɛi nda nin má kɔa ya levil-lo, le hɔlaa nda faŋal-la, má mulin o suunda soolaa n'piɔmndo-o. Le hee, siɛmbulan la biinin nda pila le dɛnnda vɔɔnnda nda tosa lan a le dɛnnda nɔɔlɛila nda tosa lan kpede.

Tɔŋ miingua 28:65

La venin a nila ɲulu vanaa-mangalaa-isɔaa kan tɛɛn te. Hali fonda pɛngiaa la nɔnin le bɛngula niaalan kɛsio le. Mɛlɛka lueinin kɔl yulan-yulanndo niaa nin, mì hɔlta niaalan la yɔŋnun yifidii, mì niaa pila fula yoomuan po.

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Sakari 10:9

I sɛŋi nda vanaa súúla celen tɛɛn, kɛ a lonin nɛɛ levil lon polon mà loonun a ya. A calnin ndon a cuavaa ndaa, o kon kɔɔli, a muungunin o nda lo.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Esekiɛl 36:31

O kon, la loonunnin a kela niaa vɔɔndo, a dɛnnda niaala va lavɔɔn paandu lan. La nɔlanin hɔlla tofanndo vellaa-velle le, kon yɛ le yɔŋnda vɔɔnda niaalan a le kela niaa vɔɔndo.

Esekiɛl 20:43

La lonin ndon mì la yiyan a káà niaa a dɛnnda niaala niaa va tosa mí la nɔɔliaa niaa lan kpede. O kon, la nɔla lɛnin hɔlla tofanndo vellaa-velle le, kani siɛmbulan la vanin niaa le dɛnnda vɔɔnnda niaa tosa lan kpow.

Esekiɛl 18:19

La co ɲunaa aa le yɛɛ nɛ po kon sɔla sangaa le haki fuɲa ndɔ-o le? Kani, po kon kela o sakpoyɛi a o sandei nin. O bii silala nilan kpede, mó kela lecoo, le hee, o bɛnda kpeekpei mò va yoomu.

Cɛɛŋɔnnda Yeremi lan 4:9

Vanaa co vuo o mɔɛi cɔwve bɛngu-a co fisa a vanaa co vuo a yiaan-nda. Vanaa co ɲawvo le pɛŋnde baloo-a, balo fula ɲɛm vaan nin-ndo pɛɛn.

Yeremi 31:29

O telen kon vannda dimi lɛnin taloo ho le aa: ‹Fuɲaa de rɛsɛŋun puiyon, mí ciŋndon vaaliaa cuavaa ndaa.›

Yeremi 29:12

La veelunin ya mì la piɛi ya, mì tuei niaa diom.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Nehemi 1:9

Kɛ te la muungu pɛ ya o ibuŋ, mì la bii silala nilan, mì la kela lecoo, hali a kɔ bɛɛ a niaa háá lɛŋnde mɛɛlu, i nuwviaanin niaa, mì cuungiaa niaa nɛɛ pilɛ, mì kɔɛ a niaa o fonda ya hɛli le diola nilan vaa piɔlnɔnndo lon-ndo.›

Tɔŋ miingua 30:1

«Lɔ́ɔ́ dɛnnda lan kpow la keinin niaa coo-o, duaa a danga ya kɛsi niaa laci-o, te la cua pɛ sɔɔn mun balan tan tiɔn nɛɛ Mɛlɛka Hala niaa toawnin niaa vanaa-mangalaa-isɔɔa tɛɛn-nda,

Tɔŋ miingua 5:9

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Kundalan 14:18

‹Ya co Mɛlɛka biwnanndo ni, vana lo o lediom coo kpeekpei-yo ya co ni. I mal vana haki le yɔŋ vɔɔndo a le biondɔnndan, kɛ i ci vana tɛɛmbua tɔŋndo vana kɛndɛ le, i tuisi cuawva dɛnɛ palaa coo le hakila fuɲaa ndaa háá o lambi yàándɔɔ, háá o lambi hiɔɔlundɔɔ bɛɛ.›

Fulaa 34:7

I lò dɛnɛ kɛndɔɔ tosaa háá mì lambilan la tiiya vàá pilɛ. I màl vana haki le dɛnɛ vɔɔndo, le tɛɛmbuuo a le hakio. Kɛ vana tɛɛmbuu pɛ tɔŋndo, i ce ndu vana lahakio. Nduyɛ, i lo cuawva soŋɔ̀ɔ́ háá o lambi yàándɔɔ, háá o lambi hiɔɔlundɔɔ bɛɛ, le yɔŋ vɔɔn fuɲaa ndaa mamaa.»

Esai 14:21

Lelan, la bɛɛndian le cuavaa ndaa bololan kilio, le haki fuɲaa ndaa tosa-o! Màá a can ndɛ ma hɛlu vɛlɛ lɛŋnden te, yɔŋii nda pei kobilan o ceendo nin ca!»

Esai 24:16

N tuɛinin vannda condon solio nɛɛ lɛŋnden le mɛɛlu-a aa: «Biiloo co le vana sandaa!» Kɛ ya mí dimi aa: «Kpòkóó ya! I laasian! I dɔwnun yɛɛvɛ! Mbɔ̀ ya i kɔndu dɛnɛ fɔ́! Kani vanaa yii ya dúmbú-a co dúmbúlan yiiyo, a toɲa, vanaa yiiyaa ladúmbúa co lan yiiyo kpeekpei!

Cɛɛŋɔnnda Yeremi lan 1:3

À kɔɛ a polale Yuda len o cɛlen nin, má luei nda mɔnɛi. À co o baala kálà-kálà lecɛo nin. À co icali vanaa-mangalaa-isɔɔa tɛɛn, pɛngi bɛɛ co le nda le, yaamɔaa ndaa kpow a bii nda. À cal o mɔnɛi nin.

Tɔŋ miingua 8:20

Te la tosa pɛ lende, la cuunin vu maa vanaa-mangalaa-isɔɔa Mɛlɛka Hala niaa toawnin niaa laci-a, kani la biinin diom ndɔɔ le.»

2Dɛnnda lemasalan 34:24

Mɛlɛka dimi aa o co dɛnnda palaalan tuisi o fondaa ho a vanaa co lenin nda coo, o co dangala sɛvan o sɛbɛ nda dimi masaa Yuda o hɔl-lo nin-ndan kpow tuisi nda coo.

Ɛsdras 9:7

Kandɔɔ o paale fuɲaa naa imamaa, háá hau, pɔwla naalan la co bɔɔ sɛ́lɛ́. Le hakila naa n tosa lan, mí naa pila, masaa naa a vanaa-solia-lasálàà naa n luɛi masaa co o lɛŋnden coo-a o ba bɛngu, mí n del o mɔɛi cɔwve bɛngu, má kɔa a naa o biyɔɔ nin, mí vannda punga ɲɛm naan, mí siɛmbulan la bii naa mɛɛ la co hau naa biyɔ̀ɔ́ nuaa yɛ.