Tɔŋ lasálàá 26:37 - BII BILA

³⁷ Hali mì vana ve nda tovɔɔ le, a boŋinin o nda pila vellaa-velle mɛɛ vana ɲaalun mɔɛi cɔvii yaamɔɔ nuaa yɛ. A nɔlanin yaamɔaa ndaa simullo le.

Tɔŋ lasálàá 26:37 Referans Kwoze

Masaa kialaa n'yamaa 2:14

Mí Mɛlɛka tuulu kɔl a Israɛlla, mó mal nda vanaa del vannda coo-a o ba, má del nda coo, má poondiaa ɲɛm ndan, má pisi nda yaamɔaa ndaa balu nda-a o ba, a nɔla nda simullo le.

Yeremi 37:10

Hali o va bɛɛ maa la nɔla vanaa cɔvaa Babilɔŋaa co niaa haa kɔɔli a cɔwvo-a kpede, mò lo vanaa niaa yɔŋul-la daama, a pilɛn-pilɛŋaa kan cannin o cɛila-kolala-toandaala ndalan nin, mà hin kpow, mà mal kobio Yerusalɛm yin.»

Esai 10:4

A pum a tundunnin vanaa co o biyɔɔ nin-nda tɛɛn, a pum a cɛɛlunnin vanvílɛ́iya tɛɛn. Kɛ a kon kpede, kɔltuw Mɛlɛka-o ɲulul-lɔnin te, ba ndɔɔ va vɔnin o heelaa.»

Masaa kialaa n'yamaa 7:22

Telen vanaa kɛmɛ leyáá-a kan va bululan hɔŋndo-o, mí Mɛlɛka hiŋ Madiannda hɔlla o dɔ́ɔ́ngɔ́ɔ̀ nin kpede, mí nda pila diuvan. Mí vanaa tɔ̀a lo-a ɲaanun háá Bɛt-Sita a kpengii Serera-e, má kɔ tiiya Abɛl-Mehola dí a kiltan, kobi co Tabat ikɛ-yo pɛɛn.

Kundalan 14:42

La kɔa lon te, kani Mɛlɛka co niaa tɛɛn te. La kɔa le, yɔŋii yaamɔaa niaa kɔ dɔw niaa yɛɛvɛ.

Tɔŋ lasálàá 26:17

I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.

Yeremi 6:21

Lelan Mɛlɛka dimi ni aa: «I handunin powta boŋaalan vannda ha laci, lon fuɲaa nda poaa ndaa boŋinin ni, mì vanaa cal nɛɛ pilɛ-a a canyan n va boŋio lon latulu mà cuu.»

Yeremi 46:16

Mɛlɛka co tosa mì vanaa cɔvaa sɛ́lɛ́ bɛndua boŋi, mà delian coo, mà dimi aa: ‹N cɔnnun mì n muungun vanaa naa o ibuŋ, o lɛŋnde naale naa n velun nin-nden nin, mì n kɔɛnnun mɔɛi cɔvii co naa hee hinullo-e levil.›

Nahum 3:3

Vanaa ɲaanun o soa coo-a co vannda kuello, mɔɔn cɔwvon co volio iŋɛlɛngi-ŋɛlɛngiei, báltan la co volio maa piɔɔ-volia. Vanaa cɛɛlun-nda co sɛ́lɛ́ taw. Vanvílɛ́iya co bémbéla bɛndulan, a cuu cɔm te. Vannda co keiyo boŋio o vanvílɛ́yaa kalaa.»

1Samiɛl 4:2

Mí Filistia bɛɛndian le Israɛlla cɔlɔbaa. Cɔwvo tuuloo tei, mí Filistia nɔla Israɛlla. Má diw nda o fó-fó kon háá le n'van vàála hiɔɔlu.