Tɔŋ lasálàá 26:33 - BII BILA

³³ I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Tɔŋ lasálàá 26:33 Referans Kwoze

Sakari 7:14

Mí saŋ nda vanaa-mangalaa-isɔaa ndáà sina paandu le-a tɛɛn, mí lɛŋnden le koma tambuu nda kɔɔli. Vana ve lɛ cɔnɔn o lɛŋnde len nin le lakɔ inɛɛ le, vana ve lɛ vɛlɛ cɔnɔn inɛɛ le hunɔɔ o lɛŋnde len nin te. Lende nda tɛɛmbuu lɛŋnde kɛndɛle len ni, má siinguu len lɛŋnde imɔnɔle siɔŋɛilen.›»

Esekiɛl 20:23

Nduyɛ ɲin pum vɛlɛ, mí yáà heelu vɛlɛ baa coocoo, mí yáà mɛnalan nda le nda saŋɔɔ vanaa-mangalaa-isɔɔa tɛɛn a le nda sɛŋio o lɛŋii bɔɔ-bɔɔ nin.

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

Esekiɛl 22:15

I saŋnin (vanaa nɔmnda) vanaa-mangalaa-isɔɔa tɛɛn, i sɛŋinin nda o lɛŋii bɔɔ-bɔɔ nin, o kon i solinin dɛnnda nɔɔlɛilan kpow nɔm nin.

Condii lisai 44:11

A co tosaa mí yaamɔaa naa va naa tovɔɔ, mí vanaa nɔ nɛyɔnndo a naa-a va ɲɔɔn hiɔlɔɔ naa o ba.

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Cɛɛŋɔnnda Yeremi lan 4:15

Mí vannda deŋul nda aa: ‹La faŋan naa ikɛi! La nɔɔla bɔɔ. La faŋan naa ikɛi! La pilan naa le dɛ!› Telen nda co kon ɲaanɔn, mà va kɔlan ba-ba fee-o, vanaa-mangalaa-isɔɔa diminin aa: ‹Haa cel-lɛnin o naa lo le lɔ́ɔ́ levil te.›

Yeremi 9:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La keela kɔllo mì la veelu vanlaandua caa caŋndo-a, mì la dimul nda mà hin. La yɔɔ kiilaa vanaa hiow caŋndo caa-a kɔɔli, mà hin.

Cɛɛŋɔnnda Yeremi lan 1:3

À kɔɛ a polale Yuda len o cɛlen nin, má luei nda mɔnɛi. À co o baala kálà-kálà lecɛo nin. À co icali vanaa-mangalaa-isɔɔa tɛɛn, pɛngi bɛɛ co le nda le, yaamɔaa ndaa kpow a bii nda. À cal o mɔnɛi nin.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

2Dɛnnda lemasalan 7:19

Kɛ te la mulul-la pɛ kɔɔ, mì la bìí tɔŋnda nilan a silala ya yɔngu niaa lan te, te la sooluu pɛ halaa celennda, mì la baŋ vulan nda o labɛngunin,

Nehemi 1:8

Loonun a sɔɛi n dimul Moise vana nɔm baalaa-e, yandi. Má dimul ndu aa: ‹Te la cua pɛ hakio, i sɛŋinin niaa vanaa súúla celennda tɛɛn.

Condii lisai 106:27

Mó toaw cuavaa ndaa imamaa, má sɛŋin nɛɛ-nɛɛ ka, má kɔ vu vanaa-mangalaa-isɔɔa tɛɛn.

Esai 1:7

Lɛŋnde niaalen le tambu, kobila niaalan la ŋɔɛ kpow a yinnden, mialla co yondola niaalan tɛɛmbuuo niaa pila o hɔl, a co lan laasiaa a lan tɛɛmbuuo a labɛɛla, maa vanaa luɛi a paa-kala le ɲɔɔn tɛɛmbuuo-a.

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Yeremi 13:24

I co niaa sɛŋi maa pui, o hoeyii fula o lɛŋnde veselɛilen nin-nde sɛŋi-o.

Yeremi 15:4

Lende ya tosanin ni mì siòònde bii masɛi o lɛŋnden coo kpow. Le dɛnnda vɔɔnnda Manase po Esekia va masaa Yuda-o tosa Yerusalɛm-ndan ken kpow tosan ni.»

Yeremi 31:10

Niaa vanaa-mangalaa-isɔɔa, lá yaŋnún sɔɛi Mɛlɛka-e, mì la dimi ndi o lɛŋii ibungai co leville nin aa: ‹Mɛlɛka ndóò sɛŋi Israɛlla ba-ba fee, kɛ o co nda mingi mɔɔsiaa, mò handu nda hɔlten coo mɛɛ vana mandaa n'cɔloo handu cɔlua ndɔa hɔlten coo yɛ.

Esekiɛl 5:2

Te palɛi n bɛnda le tosaa o kobio tilaa nin-nde cuu pɛ, a cua yiiŋii ken kundaa o pilɛ o kundalan layàá coo, a lom ndi o yinnde biyaalen nin o kobio tɛɛn. O kon kɔɔli, a cua yiiŋii kunda diinndɔɛi o layàá coo, a balu kobio pindo a ndi kilio a mɔɛi cɔwve. A cii pɛ, a cua niko kunda mɛɛlaa iyiin kon, a saŋ ndu o hoeiye nin. Ya yɛ, i tisanin ndi kɔɔli a mɔɛi cɔwve.

Amɔs 9:4

Taa kɔɛ pɛ o biyɔɔ nin o lɛŋnde celen nin yaamɔaa ndaa o hɔl, lon bɛɛ i tosanin mì mɔɛi cɔwve diw nda. I tofanin nda, kɛ o venin le nda dɛnɛ kɛndɛ tosal te, fɔ le nda dɛnɛ palaa tuisio coo.»

1Masaa 8:46

Tàà cua pɛ hakio a nɔm, kani vanaciee kɛ́-kɛ̀ co le o cue haki loo, taa tuulu pɛ kɔl a nda ma mal nda yaamɔɔa o ba, yaamɔaa kan kɔ a nda polon, a kɔ a nda macɛlu,

2Masaa 25:9

Mɛɛ luɛi Yerusalɛm, mó loam Cɛi-Mɛlɛka-o, cɛi lemasaa a Yerusalɛm tɔ̀u kpow, kɛ taama-taama, cɛila sɔvɛla va lon-ndan.

Nehemi 1:3

Má mulul-la aa: ‹Vanaa tɔ̀a lo yoomu fulaa o cɛlen nin-nda co lon, o tàndá Yuda-o nin. Kɛ ɛnɛ palaa a siɛmbula bɛndulan koni la co nda coo ni, kpakio Yerusalɛm co o buulua kpow, koŋnda ndɔlan bɛɛ la ŋɔɛ.›»

Ɛstɛr 3:8

Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

Condii lisai 44:12

A co naa malɔɔ nda o ba maa cɔlua nda co yɔɔ nɛɛ diyaa n'cɔlua-a. Má cè mɛɛ naa n sɛŋin vanaa-mangalaa-isɔɔa tɛɛn yɛ!

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Yeremi 8:3

Piɔ́mndo vanaa tɔ̀a lonin yoomu o polale vanaa vɔɔŋaa kan kpow tɛɛn-nda hiawnin yeema a yoomoo, nɛɛ ya sɛŋinin nda o fondala yɛ́-yɛ́lan-nda pɛɛn.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

Cɛɛŋɔnnda Yeremi lan 1:1

«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Cɛɛŋɔnnda Yeremi lan 4:16

Mɛlɛka pila cii nda saŋɔɔ, o nɔ lɛ nda lehɔl coo le. Vannda ke vanaa-solia-lasálàá lebɛɛ le, a tosa iɲíí a bɛndua yuuvɛiya le.

Esekiɛl 12:20

Kobila co lapiaalan a vanndacieea lan la piɔsinin vɔ́-vɔ́, mì lɛŋnden le luɛi o mɔnɛi nin. O kon la sinanin maa ya co Mɛlɛka ni.›»

Osee 9:6

Kani má cè niaa kɔnndan le dɛnɛ tambɛi co tosanndo-o. La kɔ cuungiannin Esipte mí kobio Mɛnfis siŋnun sɛila niaalan. Yɔɔn ciinin bolofaa niaa latɔ́ɔ́-tɔ́ɔ́ tɛɛmbuu niaa kɔɔli, siɛmbulle vulnin o cɛila-kolala-toandaala nialan nin.