Tɔŋ lasálàá 26:32 - BII BILA

³² Ya pila tɛɛmbuunin lɛŋnde niaalen, háá mì yaamɔaa niaa hun calnin lenin-nda dɔwnun kɔndɔfili taw.

Tɔŋ lasálàá 26:32 Referans Kwoze

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 25:11

Lɛŋnden nden kpede le siŋnunnin bémbélan, mì vanaa-mangalaa-isɔɔa ha kpede luɛi masaa Babilɔn o ba bɛngu le vɔsilan belaŋɔmmɛw.

Yeremi 19:8

I co mɔnɛ soli a kobio ho, mì vanaa hiavannda kpow a handun balan o lasondo. Vanaa vanin keiyo lon-nda kpow a kpinganin a mɔnɛi telen nda canin ɲɛ ya co tosanin a nda-o.

Yeremi 18:16

A cii lɛŋnde ndalen mingi bémbélan kposon, telen oo telen vannda fula pɛ lon, a kpinga. Vanaa hiawnannda tiiya pɛ lon, a dɔwnun kɔndɔfili, a hiŋ bollen.

Esekiɛl 5:15

A vanin fonda tambu labɛɛ-o, a fonda vannda co mamɔɔ-o. A siŋnunnin tɔɔmaseloo a ɲɛ luei vana siòònde-o le vanaa-mangalaa-isɔaa balu nɔm-nda. Kani i peelunin sangala ya tuu lan kpede nɔm coo a kɔltuwvo, mí peelu lan vɛlɛ a kɔltuwvo. I soaŋnin nɔm a kɔl tambɛiyo.

Yeremi 25:18

Mí kandu a Yerusalɛm a á kobila va o tàndá Yuda-o nin-ndan, masaa ndaa a simlacia ndaa, le lan mingio bémbélan. Mí vannda va kpingaa a mɔnɛi biyɔɔ, o kon má ca dɛnɛ kon, má va mɛnaa a ndi o kɔɔ mɛɛ o co hau tosanndo yɛ.

1Masaa 9:8

Kɔndɔfili bɛndoo biinin vanaa vanin keiyo o Cɛi bɛndu sɔvɛɔ ho ikɛi-ya kpow, mà dimi aa: ‹Ko le yɛɛ kpeekpei Mɛlɛka soli yɛ mɔnɛ vaa nuaa a vannda ha a á Cɛiyo ho?›

Tɔŋ miingua 28:37

Vanaa-mangalaa-isɔaa Mɛlɛka yaanin niaa tɛɛn-nda kpow a dɔawnunnin kɔndɔfili a dɛnnda vanin niaa yɔŋnɔnndo lan. A mamnin niaa ma cii niaa labɛɛ kpede.

Luke 21:20

«Telen niaa canin mì vanaa cɔwva balu Yerusalɛm-ndo, la sinanin o kon maa tambii ndɔɛi sɔɔnguu.

Habakuk 3:17

Vooson yendu lɛnin te few, rɛsɛnnda tumndan la kum ndɛnin rɛsɛnndon te. Olivieela tumndan la ve lɛnin komɔɔ le, ɲɛ-ɲɛ ve lɛnin naŋɔɔ o yondola valtan nin te. Saa cuunin o hèélan nin, mì nawva cuu o vɔ̀lɛ́lan nin.

Daniɛl 9:18

Hala nuu, yaŋ-ndɔ nilan ma tuei! Mɛɛndan-ndɔ ɲɛkɛndɛi, ma ce mɛɛ naa n co o mɔnɛi nin yɛ. Nua vɔ mɛɛ kobi diola nɔmndan la co piɔlnɔnndo nin-ndo siɔŋ yɛ. O co le kela naa sandaa le naa n co nɔm tɛɛlɔnndo le, kɛ le ɲíí nɔmii bɛnduei.

Daniɛl 9:2

ya Daniɛl, mí nuwviaa o sɛbɛla diandaalan nin, mí sina sɔɛi vɔsila peelunnin le tambii Yerusalɛm-nde lan. Vɔsila belaŋɔmmɛwla Mɛlɛka dimul Yeremi vana-tɛɛngaa-diom Hala-o sɔɛi ndɔɛi lan pɛɛn.

Cɛɛŋɔnnda Yeremi lan 5:18

ndu co le tùú Siɔn tambu, mó siŋnun bɛ̀mɛ́lta kàá-o ni.

Cɛɛŋɔnnda Yeremi lan 4:12

Masaa co o lɛŋnden coo-a a vanaa co o ceendo coo-a kpow a laalan te maa yaamɔɔa ndáà keinin o diola kpakio, mì ndáà luɛi Yerusalɛm.

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Yeremi 44:2

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Kámáá la ce dɛnnda palaala yáà tuisi Yerusalɛm a kobilan Yuda kpow coo lan te! Kobila lan kpow la tambu hau, vannda piow lan.

Yeremi 25:38

Lɛŋnde ndalen le piow calta ndɔlan mɛɛ yàlàá piaw bɔɔ ndɔɔ nuaa yɛ, kani le siŋnun lɛŋnde dɛnɛ palaalen a mɔnɛ cɔwvo soli a len-ndo a á kɔltuw bɛndu Mɛlɛka-o.

Esai 64:10

Cɛi-Hala diandaa naa kɛndɛ-kɛndɔɔ, nɛɛ fuɲaa naa imamaa va nɔm lisaa-a ŋɔɛ o yinnden nin, ɲɛ-ɲɛ kɛndɛ sɔvɛ náà n nɔ lenin, kon kpede cuu itambu o yinnden nin.

Esai 24:1

La tofa vɔ, Mɛlɛka co lɛŋnden yɛɛvɛ dɔvɔɔ mò salu ɲɛ-ɲɛ co lecoo mì le lo fondo. O puusiaanin nden mò sɛŋi vanndacieea co icali lecoo-a.

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Esai 5:9

Diom Mɛlɛka-Nɔ-Kpaayaa-Kpow-vo, ó soo ya o lani-o co hoo ni aa: ‹A toɲa, cɛila kunda bɛndulan-ndan la piɔsinin mì la siŋnun bémbélan, vana ve lɛnin icali o cɛila kɛndɛla bɛndulan ndan nin te!

Esai 5:6

I co ndu siinguu fonda tambɛiyo, o ve lɛnin bɛɛsian te, o ve lɛnin vali tosan te, Cimbullon a hɛɛnndon co vulɔɔ lon taw. I kuunanin yumbuyumboo le piɔɔ tuisio o nakɔ n'rɛsɛn ni kon coo.

Yeremi 12:11

A toɲa, a siinguu lɛŋnde len lɛŋnde dɛnɛ palaalen. Le cuu itambu kpede ya o hɔl, le dɔwnun yɛɛvɛ kpede, vana-vana co muli le.»

Yeremi 33:10

Diom Mɛlɛka dimi-o co hoo ni aa: «Niaa vannda Yuda, la co dimio aa: ‹Lɛŋnden nden le vesa, vanaciee co lɛ lenin te, visia co lɛ lenin te.›» A toɲa, vanndacieea a visia co lɛ o tàndá Yuda-o a o nɛila Yerusalɛm-ndan coo le. Kɛ nduyɛ, vana hun tuɛinin vɛlɛ