Tɔŋ lasálàá 26:31 - BII BILA

³¹ I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Tɔŋ lasálàá 26:31 Referans Kwoze

Nehemi 2:3

O kon mí mulul masaa aa: ‹Masaa, màá va yoomu le fɛɛn a fɛɛn! Kɛ vɛ̀ɛ̀ ya kɛɛ yɛnin kɔllo itambu? Kobi sɛila fuɲaa nia imamaa la co nin-ndo tambu, yinnden le lom koŋnda ndɔlan.›

Hebreea 10:26

Kani te n va pɛ hiovɔɔ laci a nila kalulan tosaa o hakilan nin, nduyɛ n sina nin toɲaa, mɛɛ sálà faŋa hakila vaa lende-o co le,

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.

Cɛɛŋɔnnda Yeremi lan 2:7

Mí Mɛlɛka kɛɛ fonda-loamaa-lasálàá ndɔɔ, mí cɛi-kola-toandaa ndɔ diandaa nɛinun ndu. Mó mal kpakila cɛila lemasalan Siɔn yaamɔɔa o ba. Mí yoondiaalan la va sɔɛi o Cɛi-Mɛlɛka-o nin, maa o paale kafo coo.

Cɛɛŋɔnnda Yeremi lan 1:10

Yaamɔɔ handu baa o ɲɛm ndɔn sɔvɛn ndóò nɔ-on kpow coo. Hali vanaa-mangalaa-isɔɔa, à nɔm óò kuuna luɛyɔɔ vanaa nɔmnda tɛɛn-nda, mó ca nda luɛyɔɔ o Cɛi nɔm diandaa nin.

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Dɛnnda kiilaa 6:14

N tuei ndu dimio maa Yeesu fula Nasarɛt-o tɛɛmbuunin Cɛi-Hala-o ho, mò mangala vɛlɛ naamula Moise tɛɛngul naa lan.»

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Esekiɛl 24:21

Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.

Esekiɛl 21:15

Le (vannda) diwvo i cɛɛŋan ni, i co volio ŋuandi-ŋuandi i yikpɛi tɛm-tɛm. Vɛ̀ɛ̀ vana dɔawnun ɲaale a tinda lemasa po nuu? Tinda lemasaa co ɲɛ-ɲɛ mɔɛi cɔwve o hɔl te.

Esekiɛl 21:7

‹Po vanacieo sei, muli hɔlla a kpengii Yerusalɛm-nde, má tɛɛnguu diom Hala-o a tambii sooluula ndalan la tambunin-nde o kɔɔ!›

Esekiɛl 6:6

Nɛɛ-nɛɛ niaa co icali, kobila lan la piɔlnin vɔ́-vɔ́, fondala soolaala niaalan la tambunin háá mì máánnda niaala yɔŋ vɔɔnnda lan la piɔsi. Piɔmaa niaa yomiyominin mà cuu kpow, bonyun fuusan niaan cuinunnin mì ɲɛm niaa cɔw mun-ndon ɲum pɔ́lì.

Cɛɛŋɔnnda Yeremi lan 1:1

«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Yeremi 26:9

Le yɛɛ n tɔɔndan yɛ dimio aa Mɛlɛka dimul nɔm aa: Cɛi-Hala-o ho co hunɔɔ itambu maa hoo Silo, mì kobio ho hun tambu, mì vannda piow ndu?» O kon mí vanaa va o Cɛi-Hala-o nin-nda sɔɔnguu, má tiila Yeremi.

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Yeremi 22:5

Kɛ te la yeŋnun sɔɛi ya dimul niaa hee-e le, i mɛnan o diola nilan, sɔɛi fula ya Mɛlɛka o sondo-e co hee ni, cɛi lemasaa ho siŋnunnin bémbélan.›»

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

Esai 1:7

Lɛŋnde niaalen le tambu, kobila niaalan la ŋɔɛ kpow a yinnden, mialla co yondola niaalan tɛɛmbuuo niaa pila o hɔl, a co lan laasiaa a lan tɛɛmbuuo a labɛɛla, maa vanaa luɛi a paa-kala le ɲɔɔn tɛɛmbuuo-a.

Nehemi 2:17

«O kon, mí dimul nda aa: ‹Niaa pila co cɔu dɛnɛ palaa co naa coo-o! Yerusalɛm tambu, koŋnda ndɔlan la cuu ŋɔ! Lelan, la hun mì n mingin kpakio Yerusalɛm cɔvɔɔ haliko mi siɛmbulan ndan la faŋan nin naa coo›

2Dɛnnda lemasalan 36:19

Mí Babilɔnnda loam Cɛi-Hala-o, má komba kpakio Yerusalɛm, má loam cɛila kɛndɛ-kɛndɛlan, má tɛɛmbuu ɲɛm báà kalan va o kobi kalaa nin-ndon kpow.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

2Masaa 22:19

Le tùú sɔɔn mun pilan kɔl nɔmndo-o, le tùú n tuisin ya o hɔl lɔ́ɔ́ n tuei sɔɛi ya dimi a kobio ho a á vanaa co lenin-nda o kɔɔ-e-o, vanaa kan pɛɛn a dɛnɛ palaa a dangaa toalnin coo-a, le tùú n sɛɛsian volɔɔlan lekɔɔ, ma del a caŋndo ya o hɔl-lo, ya bɛɛ i tuei nɔm diom. Ya Mɛlɛka dimi lende ni.

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Esai 63:18

Le telen bingi daama lɛŋnden le va o ba naa vanaa nɔmaa diandaa bɛngu ni, mí yaamɔaa naa nɛw cɛi-kola-toandaa diandaa nɔmndo a labɛngu.

Yeremi 44:2

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Kámáá la ce dɛnnda palaala yáà tuisi Yerusalɛm a kobilan Yuda kpow coo lan te! Kobila lan kpow la tambu hau, vannda piow lan.

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Daniɛl 2:46

Mí masaa Nebukanɛsar del o kuumbuan o kɔl coo Daniɛl o labɛngunin. Mó dimi aa a solul Daniɛl sálàá, mà lum ndu ansan.

Amɔs 7:9

Sooluula cuavaa-imamaa Isaak-a la co itambu, mì cɛila biilaala cuavaa Israɛlla la puusian. I cannin mì kuel polale Yeroboam-nden a mɔɛi cɔwve.»

Sofoni 3:6

Mɛlɛka dimi aa: ‹I tɛɛmbuu vanaa-mangalaa-isɔɔa, mí koombiaa calta vanaa ndaa cɔwva. Nɛila ndalan o kobio tɛɛn la yimbu. Vana-vana co lɛ kei lecoo le. I pesi kobila ndalan, vana co lɛ lenin te. Hali vanndo ndu pilɛ, o co lɛ icali lenin te few.

Nehemi 1:3

Má mulul-la aa: ‹Vanaa tɔ̀a lo yoomu fulaa o cɛlen nin-nda co lon, o tàndá Yuda-o nin. Kɛ ɛnɛ palaa a siɛmbula bɛndulan koni la co nda coo ni, kpakio Yerusalɛm co o buulua kpow, koŋnda ndɔlan bɛɛ la ŋɔɛ.›»

Esai 64:9

Kobila nɔmnda diandaalan la lonnun yaayon, kobio Siɔn lonnun fondo fúú, ɲɔɔ mei Yerusalɛm doŋ-doŋ.

Yeremi 4:26

Mí tofa, mí ca lɛŋnde Karmɛl-ten le muungu lɛŋnde veselɛilen, kobila ndɔlan kpow la tambu a kɔltuw Mɛlɛka-o.

Yeremi 4:27

Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Cɛɛŋɔnnda Yeremi lan 2:6

Mó pial kunga nakɔ ndɔɔ, mó tɛɛmbuu fonda náà n cuungian ndu o hɔl-lo. Mí Mɛlɛka tosa mí vannda Siɔn pɔɛɛnun kafolan a cuungiannda palɛi pɛngiaalan. Mó tɛɛmbuu masaa a vanaa-solia-lasálàá bɛ̀ɛ̀lan a kɔltuw bɛndoo.

Esekiɛl 12:20

Kobila co lapiaalan a vanndacieea lan la piɔsinin vɔ́-vɔ́, mì lɛŋnden le luɛi o mɔnɛi nin. O kon la sinanin maa ya co Mɛlɛka ni.›»