Tɔŋ lasálàá 26:30 - BII BILA

³⁰ La nɛinunnin ya háá mì tɛɛmbuu sooluula niaalan, mì pesi máánnda niaala niaa loam ansan coo lan, mì handu niaa a vílɛ́iya o piɔmaa niaa piɔsiɛiya coo.

Tɔŋ lasálàá 26:30 Referans Kwoze

2Masaa 23:20

Mó kili vanaa-solia-lasálàá soolaa n'tombua va lon-nda kpow bololan o fondala-loamaa-lasálàla lan coo. O kon, mó loam paala vanndacieea lecoo. O kon kɔɔli mó muungun Yerusalɛm.

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

Esekiɛl 6:13

O kon la sinanin maa ya co Mɛlɛka ni. La sinanin ken pɛɛngu lɔ́ɔ́ vanaa vunin niaa tɛɛn-nda vanin piɔmaa ndaa o hɔl, o máánnda ndalan balɔɔ pindo, o yɔmii puiyɛi kpow a o bɔɔla yɔmii sɛɛnila yukɔnndan kpow bɛngu-o. A vanin a vílɛ́iya nɛɛ ndáà lum piɔmaa ndaa kpow lasikɔlɔma cun kɛndɛan-nda.

Yeremi 14:19

«Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Condii lisai 89:38

Mɛɛ paangei co le lɔ́ɔ́-lɔ́ɔ̀ yɛ, lende koni polale len le vanin masalen tosaa ni, kani paangei co sei toɲaa le dɛnnda co tosanndo o yumbuyumboo nin-ndan ni.›

2Dɛnnda lemasalan 31:1

Kafoo cuvɔɔ, mí Israɛlaa va lon-nda kpow a kɔa o kobila va o tàndá Yuda-o nin-ndan nin, má pesipesi powta sálàlan a sooluula va lon-ndan. Má tɛɛmbuu tombon a máánnda va o lɛŋnde len nin-ndan, a la va o tàndá Bɛnyamɛn-ndo nin-ndan kpow. Má pesipesi vɛlɛ la va o tàndá Efraim-ndo nin a o tàndá Manase-o nin-ndan kpow. O kon kɔɔli, má muungun o kobila ndalan nin, vana-vana o ndu lo.

2Dɛnnda lemasalan 23:17

Mí sɛ́lɔ́ɔ́ kɔ luɛi o máán Baal-lo nin, má tɛɛmbuu ndu, má pesipesi fondala-loamaa-lasálàlan a piɔmaa va lon-nda kpow, má bii Matan, vana-solia-lasálà Baal-lo, má dii ndu o fondala-loamaa-lasálàlan hɔl-ndɔ.

2Masaa 23:16

Yosia ndóò mulinndo, mó ca sɛila va o pembei coo lan, mó viam vannda le kɔlan hunɔɔ a paala va o sɛila lan nin-ndan, mó loam ndan o fonda-loamaa-lasálàá coo, mó nɔɔliaa ndu mɛɛ diom Mɛlɛka ndóò dimi-o va yɛ, o vana-tɛɛngaa-diom Hala-o-o ndóò yonda-o pɛɛn. Sɔɔn ndóò dimi-on kpeekpei n yɔŋnun mún ni.

2Masaa 23:8

Mó yoongu vanaa-solia-lasálàá va o kobilan Yuda nin-ndan kpow, cɔnɔnndo o kobio Keba kɔ bii háá Bɛɛr-Seba, mó tɛɛmbuu fondala-loamaa-lasálàla vanaa-solia-lasálàà kan ndáà loam sálàla cuɛima cun kɛndɛlan coo o tombon-ndan. Mó koombiaa vɛlɛ tombun va o diola luɛyaalan ikɛi-yon. Tombun mun, ipilɛ va tombii va o dio luɛyaa Yosue va simlacinɔ kobio-o ikɛi-ye ni, í va o dio luɛyaa kobio o ba mɛllo coo-e pɛɛn.

1Masaa 13:2

Mí vana-tɛɛngaa-diom Hala kon yonda o fonda-loamaa-lasálàá coo mɛɛ Mɛlɛka dimul ndu le yondaa yɛ, mó dimi aa: «Fonda-loamaa-lasálàá! Fonda-loamaa-lasálàá! Nuaa Mɛlɛka dimi ni aa: ‹Hɔ́ɔ́ piaandoo pum vialunnin o yungu David-o nin, o nɔnin diolan aa Yosia. O solinin vanaa co sálàlan solio o máánndan coo-a sálà nɔm coo, a co haa cuɛima cun kɛndɛan lomɔɔ nɔm coo-a pɛɛn, vannda loamnin vɛlɛ paala vanndacieea nɔm coo.›»

Tɔŋ lasálàá 26:15

te la kɛɛ pɛ silala nilan, mì la pɛɛsa nɛila nilan, te kela o tɔŋndan nilan kpow coo le, te la tɛɛmbuu pɛ kpema nuu,

Tɔŋ lasálàá 26:11

I kɛsinin calta nilan niaa tɛɛn, i nɔnin nɛyɔn niaa le.

Tɔŋ lasálàá 20:23

La vial vanaa ya co tovɔɔ niaa laci-a a káà le, la kela maa nda le. Kani vanaa kan a lo yɔŋ vɔɔndo tosaa háá mí dɛnɛ ndaa nɛinun ya niko few-few.

O Kandɔɔ 19:13

Kani n co hunɔɔ kobio ho tɛɛmbuu. Mɛlɛka tuei vannda taw caŋndan a vanaa co haa icali lenin-nda o sondo. Lelan o vem naa le kobi kalaa tɛɛmbuuo ni.»

Tɔŋ miingua 32:19

Mɛɛ Mɛlɛka ce lende, mó tuulu kɔl a poaa ndɔa a á cuavaa ndɔa laandua.

1Masaa 13:32

Kani i laalan lekɛ́ndɛi maa diom Mɛlɛka dimi a fonda-loamaa-lasálàá Betɛl a á máánnda co o kobila Samari lan nin-ndan kpow o kɔɔ-o co hunɔɔ peelɔn.»

Condii lisai 106:40

Le hee, mí Mɛlɛka tambu kɔllo a vanaa ndɔa, mí kɛ́ ndɔɔ kuisin ndu.

Esekiɛl 43:7

Mó dimul-la aa: «Po vanacieo sei, fonda kpɛŋɛ ni lemasaa co nanu ni, fonda ya handunin bɛngula niŋnda nilan coo-o pɛɛn. I vanin icali lecoo cuavaa Israɛlla tɛɛn le fɛɛn a fɛɛn. Cuavaa Israɛlla a masaa ndaa a nɔɔliaa lɛnin diola nila diandaalan a suundiaala ndalan a á masaa ndaa vu-a kumbɔɔ nanu le.

Amɔs 6:8

«Maalii, o co Mɛlɛka-o mɛnan a ndu pila, ɲɛ Mɛlɛka, Hala-Nɔ-Kpaayaa-Kpow-vo dimi-o co hoo ni aa: ‹Yonga cuavaa Yakɔb-a tɛɛmbuu ya kɔllo, i yeema lɛ cɛila ndala lemasalan te. Lelan, i co hunɔɔ kobio Samari a ɲɛm co lenin-ndon malɔɔ yaamɔɔa o ba.

Amɔs 7:9

Sooluula cuavaa-imamaa Isaak-a la co itambu, mì cɛila biilaala cuavaa Israɛlla la puusian. I cannin mì kuel polale Yeroboam-nden a mɔɛi cɔwve.»

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Esekiɛl 16:39

I malnin nɔm nda o ba, mà koombiaa bandóla nɔmndan, mà puusiaa yasabaala makòóla nɔmndan. A yunganin nɔm mà poondiaa nɔm volɔɔla nɔmnda cuɛinanndan o ba. A puunin ɲɛm kɛndɛn n dovin-ndon nɔm o ba, mà mɛi nɔm fondo fúú.

Osee 10:2

Kɔl ndaa co o piɔvan-ndo, lelan sanga kon co nda tolɔɔ coo ni. Mɛlɛka co fondala-loamaa-lasálàla ndalan pesipesi mò puusiaa powta sálàla ndalan.