Tɔŋ lasálàá 26:3 - BII BILA

³ «Te la bii pɛ tɔŋnda nilan, te la tuei pɛ silala nilan mì kela lecoo,

Tɔŋ lasálàá 26:3 Referans Kwoze

Esai 1:19

Te la cɛl pɛ le diom nuu biyɔɔ a yiyan kɛndɔɔ, la dianin kɔmnde hiow naŋɔɔ o lɛŋnden nden nin-nden.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Tɔŋ miingua 7:12

Te la yaŋ pɛ nilan o tɔŋndan ndan, te la bii pɛ lan mì la kela lecoo, Mɛlɛka Hala niaa peelunin kpema o yiilu fuɲaa niaa mamaa mó mɛnalan nda le lou o lediom coo-o.

Fulaa 23:25

Ya Mɛlɛka, ya co Hala niaa-o kínɛí niaa bɛnda le biiloo ni, haliko mi dɔw niaa duaa, mì yɔngu niaa ɲɛdiaa kɛndɛ-kɛndɔɔ a mɛnndan taw-taw, mì kanda niaa vɛlɛ le nààlan.

Yeremi 11:4

o ya sɛval fuɲaa niaa mamaa, o paale ya soli nda Esipte, o tóndó teengiaa n'cilinndo nin-ndo.› Mí dimul nda aa: ‹La yaŋ nilan o diom nuu, mì la kela o sɔɔn ya dimul nia-on kpow coo, o kon la vanin vanaa nia, mì ya i va Hala niaa.

Sakari 8:12

I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

Tɔŋ lasálàá 19:25

Kandɔɔ nin o vɔsi ŋuɛɛnundɔɔ, la nɔla mì la kɛndu kɔmnde len le niaa pila, mì la de. Te la tosa pɛ lende, tɔlɔɔla niaalan la kom kɔmnden pila, la vangalan. Ya co Mɛlɛka ni, Hala niaa pɛɛn.

Nehemi 1:9

Kɛ te la muungu pɛ ya o ibuŋ, mì la bii silala nilan, mì la kela lecoo, hali a kɔ bɛɛ a niaa háá lɛŋnde mɛɛlu, i nuwviaanin niaa, mì cuungiaa niaa nɛɛ pilɛ, mì kɔɛ a niaa o fonda ya hɛli le diola nilan vaa piɔlnɔnndo lon-ndo.›

Esai 30:23

O kon, Hala tuisinin piɔɔ o yɛyii niaa saŋnin lɛŋ-nde coo, lɛŋnden le solulnin niaa ɲɛdiaa kɛndɛ yeelɛiyo. O palɛi ken nin, cɔlua niaa vanin kɔlan diólan o hòóla bɛndu-bɛndulan nin.