29 La sɔamnin poaa niaa a cuavaa niaa laandua.
Dɛnɛ palaa vanin le vanlaandua vanin a folilan-nda a le vanlaandua vanin vɔɛsio palɛi ken-nda.
Lelan, fuɲaa sɔamnin poaa ndaa niaa tɛɛn, poaa bɛɛ sɔamnin fuɲaa ndaa. I kilulnin niaa yaman nun mì tuisi niaa sangalan coo. I saŋnin vanaa lonin yoomu o niaa tɛɛn-nda kpow o hoeyun vanin hɔŋndo nɛɛ-nɛɛ ka-on nin.
Hali a kaola vialaa vanlaandua nɔ-o kpow, nda pila co cuavaa ndaa yawvo le dioo, le dɛnɛ palaa bɛndu tol nda coo-o.
Kani palɛi pum co tiiya, mì la dimi aa: ‹Dɛnɛ kɛndɔɔ co le vanlaandua vilu hɔ́ɔ́ le-a. Dɛnɛ kɛndɔɔ co le vanlaandua cue foli má vialu le-a, a hɔ́ɔ̀ vɔɛi mɛɛma ndan te-a pɛɛn!›
Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?
Yaamɔa ndaa hunnin mà tiila kobi ndaa le ndu delɔɔ coo. Dɛnɛ palaa bɛndoo toalnin vanaa vanin o kobi kalaa nin-nda coo háá mà de cuaa ndaa, mì nda pila sɔaman.
