Tɔŋ lasálàá 26:28 - BII BILA

²⁸ ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Tɔŋ lasálàá 26:28 Referans Kwoze

Esai 59:18

O mingulnin vana-vana mɛɛ o tosa dɛnndan yɛ. O mingulnin vanaa simul ndu-a kɔltuwvo, mò yɔngu yaamɔaa ndɔa ɲɛ nda bɛnda le sɔlaa-o. O salanin lɛŋii co o mɛnndan kɔngɔ-e mɛɛ dɛnnda ndalan la yɔŋnun yɛ.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Esekiɛl 5:15

A vanin fonda tambu labɛɛ-o, a fonda vannda co mamɔɔ-o. A siŋnunnin tɔɔmaseloo a ɲɛ luei vana siòònde-o le vanaa-mangalaa-isɔaa balu nɔm-nda. Kani i peelunin sangala ya tuu lan kpede nɔm coo a kɔltuwvo, mí peelu lan vɛlɛ a kɔltuwvo. I soaŋnin nɔm a kɔl tambɛiyo.

Esekiɛl 5:13

Kɔltuw nuu tiiyanin háá o mɛɛlulan. I hulunin kɔl ni fulaa nda coo, mì mingi màá nuu nda coo. O kon telen ya cuiŋinin kɔl ni tuwvo kpede nda coo-o, a sinanin maa ya Mɛlɛka, o paŋala nuu nin ya soo ni.

Yeremi 21:5

O kon, mì ya pila tol niaa coo a cɔwvo a hiilɛi kɔl ni fulaa bɛndoo. Mì cɔm niaa yoomuma nian a kpaaya ni bɛndoo.

Esai 66:15

Kpókò, kpókò, kpókò! La tofa vɔ Mɛlɛka hunɔɔ sei! La tofa vɔ ndu hunɔɔ o yinnden tɛɛn, ɲɛla ɲaanannda ndɔla soa nan-ndan la co maa hoeyii felenfelen, o co hunɔɔ le kɔl ndɔ tuwvo tuisio a le kɔngɔliannda ndɔlan peeloo a yelenyelen leyinndo.

Esai 63:3

O co fondo le, ya pilɛ kpé va cèélen nɛwvo o doolaa nin ni, hali vanndo ndu pilɛ o fula vanaa celen tɛɛn mó sɔɔnguu ya ikɛi lon te. Mí nɛw nda o kɔl ni tuwvo nin, mí pesipesi nda o kɔl ni fulaa nin, mí kooma ndan ma vesulun o volɔɔla nilan, mí volɔɔla nila cuɛinanndan la poɲa poosoo!

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Nahum 1:2

«Mɛlɛka paŋalaa Hala co ni, ndu mingi máá ni. Mɛlɛka mingi máá, o pɛ a hiilɛi. Mɛlɛka mìngùl yaamɔaa ndɔa màá, mò mandan kɔltuw o nɔ a nda-o o kɔl.

Esai 27:4

I co lɛ a kɔltuw le, kɛ te yɔɔn a siɛmbullon va pɛ lenin, i kuelnin yɔɔn mun a cɔwvo mì kɔ lom mun kpede.

Tɔŋ lasálàá 26:24

ya bɛɛ, i simulnin niaa, mì cɔɔlu sangala niaalan vangala bɛmbɛ leŋɔmmɛw le hakila niaalan.

Tɔŋ lasálàá 26:27

O kon nin kpede te la bii sɔɛi nii le, te la hiow pɛ laci a ya simullo,

Tɔŋ lasálàá 26:41

A biinin bila maa ya bɛɛ mí simul nda, mí yaa nda o lɛŋii yaamɔaa nda nin. O kon, a sinanin maa a yɔŋnun vanaa lo lediom coo le. Le hee a tuisinnin, mà cɛl sanga tol nda coo le hakila ndalan-ndo.

Condii lisai 79:12

Maalii, vanaa súúla celeŋaa balu naa-a tiŋ nɔm! Mingul nda màá háá bɛmbɛ leŋɔmmɛw le yeowla nda yeow nɔm lan-ndan.

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Cɛɛŋɔnnda Yeremi lan 4:11

Mɛlɛka cii kɔltuw ndɔɔ kpow soli, o cii kɔlfulaa ndɔ bɛndoo cuiŋi. O mɛndul yinnde kɔltuwle ndɔlen Siɔn, mì le va tumnda Siɔn kilan coo lan lomɔɔ.