Tɔŋ lasálàá 26:26 - BII BILA

²⁶ I tuŋnin niaa ɲɛdiaa. Vanlaandua tɔ́ a loamnin bulu niaa o fonda loamaa buloo ndu pilɛ nin, mà cuu niaa ndu ɲɛ-pɔmbɔ cuinii. La dianin ndu kɛ la pimnin ndu le.

Tɔŋ lasálàá 26:26 Referans Kwoze

Misee 6:14

La vanin dio, kɛ la pimnin te. Yiaan ma vanin niaa o ladembe. La vanin baloo kɛsio nɛɛ pum le ndu mandaa, kɛ la nɔlanin ndu manda le. La manda yɛ pɛ ɲɛ pum, i tosanin mì cɔwvo tɛɛmbuu ndu.

Esai 3:1

«Éé, la tofa vɔ, Maalii, Mɛlɛka-Nɔ-Kpaayaa-Kpow-vo co Yerusalɛmnda a Yudaa ɲɛ nda tiindan-ndo a ɲɛ nda kɔngan-ndo hiɔlɔɔ o ba, o co nda ɲɛdiaa nda co mandaa-o a mɛmma nda co mandaa-an poonda o ba,

Esekiɛl 5:16

I viinin niaa a kɔɔn vɔɔŋun yima fofolan le niaa ciiyo tɛɛmbuuo. I viinin niaa a kɔɔn mun le niaa ciiyo diwvo selemenden. Kani i poondanin ɲɛdiaa niaa o ba, mì cɔɔlu yima fofolan handɔɔ o sangala co nin niaa coo lan coo.

Condii lisai 105:16

Mó tuisi yiaan o lɛŋnden coo, balo ve lɛ le.

Aasee 1:6

La co saŋɔɔ taw, kɛ la co ɲɛ bɔɔ kovɔɔ le. La co dioo, kɛ la co pum te. La co kolɔɔ, kɛ ma co niaa biyɔɔ le. La co volɔɔlan cuɛinɔnndo, kɛ la co niaa hangul heelu le. Sala vana baalaa co sɔlaa-o co luɛyɔɔ o bɔlɔ buliɛiyo nin.

Esekiɛl 14:13

«Po vanacieo sei, te lɛŋnden le pum le cua pɛ hakio a ya, mì le kɛɛ le lou o lediom coo a ya. Te i siɛndi pɛ ba nuu, mì soŋ vanaa co lenin nda, mì poondiaa ɲɛdiaa nda o ba, te i tuisi pɛ yima fofolan nda coo, mì tɛɛmbuu vanndacieea a cɔlua,

Esekiɛl 4:16

Mó dimul-la vɛlɛ aa: «Po vanacieo, i co ɲɛdiaa co Yerusalɛm-ndo poondiaa. Vanaa co icali lon nda vanin ɲɛdiaa tuuvo ɲɛ-pɔmbɔ cuinii le dioo, o venin nda tiw le, a vanin mɛnndan tuuvo le kolɔɔ, ma venin nda kolɔɔ iyeema cii le.

Esai 9:20

Cuavaa-imamaa Manase-a co a Efraim-nda tɛɛmbuuo, a Efraim-nda co a Manase-a tɛɛmbuuo. Nda kpede a liiman vɛlɛ le kɔlan Yudaa delɔɔ coo. Kɛ a kon kpede, kɔltuw Mɛlɛka-o ɲulul-lɔ le, ba ndɔɔ co vɔ o heelaa tuŋ.

Osee 4:10

A vanin dioo, kɛ a venin pum te. A vanin suundaa, kɛ a venin n'cuaw violɔɔ le, kani a mulul-la kɔɔ, ya Mɛlɛka.

Esekiɛl 4:10

Ɲɛdiaa n vanin dioo-o co hoo ni: lepalaa-lepala kalamulan kɛmɛ lediin a bidiin. Lende n vanin dioo telen oo telen ni.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Tɔŋ lasálàá 26:27

O kon nin kpede te la bii sɔɛi nii le, te la hiow pɛ laci a ya simullo,

2Masaa 6:25

Mí yima fofolama bɛnduan ma luɛi o kobio Samari nin. Mí tiila nda tiila nda kon-ndo kiandu Samaria coo háá mí bolle sofɛlɔɔ le tiiya vɔngoo volin latámán belaŋɔmaa, mí poola kangboo ɲɛ-pɔmbɔ la tiiyaa báà volin latámán mún ŋuɛɛnu.

Esai 5:10

Vanndo vaanin bɛɛ nakɔ n'rɛsɛnndo hòólan tɔ́, mɔiyan ɲɛ-pɔmbɔ daama o sɔlanin ni. Vanndo saŋnin bɛɛ malun yɛiyon bɔlɔ sankiloo o pilɛ, kambɛiyo ca kínɛí o koawnin ni!›

Esekiɛl 4:17

O kon, ɲɛdiaa a mɛnndan ma biinin nda pɛŋnden, mɔnɛi a sangaa toalnin nda coo vellaa-velle, lende nda ɲawnin le dɛnɛ sandaa lepɛŋ ndaa ni.

Esai 9:19

Vannda co ɲɛm dian tɔ̀un co vannda o ba kɛndɔɔ coo-on dioo, kɛ yiaan ma co nda nɛiyo, a co ɲɔɔn dioo o ba nda miallo coo kɛ a pim te. Vana-vana co visin ba ndɔɔ sɔmndo.