Tɔŋ lasálàá 26:20 - BII BILA

²⁰ Yoomuma niaan ma cuunin o fondo fúúo coo. Lɛŋnde niaalen le nɛŋinin ɲɛm saŋnunnin lecoo-on te, tɔlɔɔla iyɔmndan bɛɛ la kumnin te.

Tɔŋ lasálàá 26:20 Referans Kwoze

Esai 49:4

Ya ya, mí dimi aa: «Fondo fúú ya saangian ni, le ɲɛ fondoo a ɲɛ co loo ya cii yoomuma nian ni. Kɛ dí nuu co Mɛlɛka o ba, vɔ̀ngɔ̀ nuu co o mandaa Hala nuu o ba.»

Condii lisai 127:1

Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

Tɔŋ miingua 11:17

Kani te la tosa pɛ kon, Mɛlɛka tuulu kɔl a niaa, o tuŋ niaa piɔɔ, o tuisi niaa valoo coo. Piɔɔ ve lɛnin sia le, lɛŋnden le nɛŋi lɛnin tɔlɔɔ oo tɔlɔɔ le. Kon tosan yɛ pɛ, la tamalanin le cuvɔɔ vuo o lɛŋnde kɛndɛle Mɛlɛka ke niaa len-nden nin te.

Habakuk 2:13

Lelan Mɛlɛka-Nɔ-Kpaayaa-Kpow-vo co tosaa ni mì ɲɛ-sɔlaa vannda co ŋɔu o yin, mì vanaa bɔɔ-bɔɔ va sanga fondoo fúú.

Tɔŋ lasálàá 26:4

i yɔngunin piɔɔ a telen niaa bɛnda le sɔlaa-o. O kon, lɛŋnden le nɛŋi ɲɛm saŋnun lecoo-on, mì tɔlɔɔla iyɔmndan le kom kɔmnden pila.

Kalatea 4:11

Siòònde co ya, te o co sanga fondo fúú le ya sanga sangaa ho le niaa le!

1Korɛntea 3:6

Ya Pol tɔl ni, mí Apolɔs pɔɔliaa, kɛ mí Hala tosa mí tɔlɔɔ hindu.

Aasee 2:16

yɛɛ nɛ va yɛ niaa tosalanndo? Te vanndo ndóò kɔɛ pɛ maalon cuaa panio bidiin o konda, tɔ́ daama ndóò komal ni. Te vanndo ndóò kɔɛ pɛ le mɔiyan litililan beleŋuɛɛnu kɔndɔɔ o doolaa nin, litililan bidiin daama ndóò komal ni.

Esai 17:11

Paale niaa tɔal tɔlɔɔ kon-nden, la ce ndu vulɔɔ, diimandɔɔ idiiyo, la ce kulun niaan mun cuuloo. Kɛ telen niaa bɛnda le kulun mun kovɔɔ-o, ɲɛ cuulu-o foofi, o kon dɛnɛ palaa kon cɛ̀wnun te.

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

SƐBƐ YƆB-O 31:40

màá yɔɔn vɔɔnndon fula o foofola yáà koaw ɔrse lan, mì bil vɔɔndo vil o fondala yáà koaw maalon-ndan!» Sɔɔn Yɔb soo-on yɔŋnun mún ni.

Tɔŋ miingua 28:42

Kamballa dianin tɔlɔɔla niaalan kpow, mà de vɛlɛ ɲɛm niaa vaanin o ciɛɔn niaan nin-ndon.

Tɔŋ miingua 28:18

O dɔawnin hɔ́aa niaa, tɔlɔɔla niaalan, kɔmnde navaa niaa a kɔmnde saa niaa danga.

Tɔŋ miingua 32:22

Kani yinnde kɔl ni tuwvo le mɛndulun, le kɔɛ a lomɔɔ háá ciee-piɔ́m di. Le lom lɛŋnden a tɔlɔɔla co lecoo lan, le lom pembon tumndan lɛŋ di-di.

Esai 17:10

Kani la pɔɛɛnun Hala nɔ cinda niaa o ba-o, la loonun a Pow kpova co nɛɛ niaa viannannda-o le, lelan niaa co nakɔla kɛndɛlan tɔlɔɔ le halaa niaa ni, lelan niaa co kulun súú celenndon saŋɔɔ ni.

Yeremi 12:13

Niáá saŋ maalon, mi la va yɔɔn booson kovɔɔ. La co sangaa bɛndoo pila, kɛ la co tɔnɔ oo tɔnɔ sɔla le. Siɛmbulan la bii niaa a ɲɛ niaa co kovɔɔ-o, ken tosan le tùú Mɛlɛka tambu kɔllo a niaa taw-vo.

O Kandɔɔ 4:12

Mɛ̀ɛ́-mɛ̀ɛ́ n tosa nin vallo lecoo, le lueilul-lɛnin nɔm tɔnɔ ndɔɔ le. A ve lɛnin icali o pumbú le. Le fɛɛn a fɛɛn nin, vana kelanndo n vanin o lɛŋnden coo ni.»

1Masaa 18:2

Mí Elii kɔa, mó kɔ cɔmnun Akab. Telen kon, yiaan ma va Samari taw-taw.

Osee 2:11

Lelan, i co malun nun poonda o telen koavaa, mì puu mɔima nian o telen mamɔiyo. I co vɛlɛ kola ni toosian a yiiŋii saa-o a kola keese ni va ndu siɛmbulan kumbɔɔ-o yuunda.