Tɔŋ lasálàá 26:19 - BII BILA

¹⁹ I pesinin ɲɛ niaa tiindan-ndo, i kindinin halataalaa niaa coo kpoke maa icilin, mì kindi lɛŋnden maa idaɲa.

Tɔŋ lasálàá 26:19 Referans Kwoze

Tɔŋ miingua 28:23

Halataalaa niaa coo kiandunin kpoke maa idaɲa, mì lɛŋnden niaa o pelon bɛngu le kengela kekew maa icilin.

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

Luke 4:25

I co niaa toɲaa dimul, vanlaandua piandaa ndaa vi-a a va taw o lɛŋnde Israɛl-ten nin o palɛi Elii-e bɛngu, telen halataalaa kindan o vɔsilan tan yáá a paangon mún ŋɔmpum, mí yima fofolan ma luɛi o lɛŋnden kpow nin-ndo pɛɛn.

Sofoni 3:11

«Paale len, niaa vanaa co vanaa nia-a, siɛmbula bii lɛnin niaa le dɛnnda vɔɔnnda niaa tosa paandu a ya lan te. Kani i faŋanin vanaa yongaa niaa tɛɛn. O kon, la pɛnginin yongaa tosaa o pembii nii diandɛi coo.

Esekiɛl 30:6

Nuaa Mɛlɛka dimi ni aa: «Ɲɛ-ɲɛ co Esipte malaa delnin, kpaaya ndɔ o kɔngan kon-ndo tambunin. Kandɔɔ a Mikdɔl háá a Siɛn, nda kpow a cɛɛlunnin o mɔɛi cɔwve bɛngu. Ya Maalii, ya co Mɛlɛka-o soo nuaa ni.»

Yeremi 13:9

«O ya Mɛlɛka dimi-o co hoo ni: Nuaa ya tɛɛmbuunin ɲɛ heelu Yudaa hɔlla-o ni, hɔlaa bɛndua Yerusalɛmnda heelu kan-nda pɛɛn.

Esai 25:11

Vannda Moab a siɛndinin balan mɛɛ vana siɛndi balan le saanaa nuaa yɛ. Kɛ Mɛlɛka tɛɛmbuunin yonga ndaa, o solinin bala ndalan yoomuan mì la yɔŋnun lɔngɔmɛn.

1Samiɛl 4:11

Mí Filistia poonda kesu kpema Hala-o, mí poaa ŋiɔŋaa Helii-a, Hɔfni nda Pineas bɛɛ a sɔla piɔ́mndo.

Esekiɛl 7:24

Lelan i cuunin vanaa-mangalaa-isɔɔa hiow kɔlvesɛiyo-a nanu, mà hun poondiaa cɛila ndalan. I tɛɛmbuunin kuundian vanaa kpaayaa, o kon cɛila máánnda ndalan la fulanin o baa nin.

Esai 26:5

O cɛɛluu vanaa co icali o fondala yesalan coo-a, o pesipesi kobi latɔ́ɔ́-tɔ́ɔ́, mó yuuliaa ndu lɛŋ dí, o lɔngɔliaa ndu o loolio nin.

Esai 2:12

Kani Mɛlɛka-Nɔ-Kpaayaa-Kpow-vo nɔ paalen le vanaa kuundiannda, vanaa heelannda a le vanaa co cuannɔnndo-a cɔlɔbaa haliko ma tuisin tootoo,

1Samiɛl 4:3

Lɔ́ɔ́ vanaa lo yoomu-a muungu o dɔ́ɔ́ngɔ́ɔ̀ nin-ndo, mí kaasoŋaa kɔlkalua Israɛlla va ɲuunianndo aa: «Le kɔlɔ yɛɛ nɛ Mɛlɛka cɛl-lɛ mí Filistia diw naa hau nuaa? Hee ndi, n kɔnnun ndɔ Silo mì n kɔ cuannun kesu kpema Mɛlɛka-o, mò hun va naa tɛɛn, mò baŋa naa yaamɔaa naa o ba.»

1Masaa 8:35

Tàà tosa pɛ hakio pum a nɔm, mì halataalaa kindan, mì piɔɔ ve lɛ sia le, tàà piɛi pɛ o fondaa ho, mà lisa diola nɔmndan, mà mangala kela nda vɔɔndo,

Esai 28:1

Dɛnɛ palaa co le mɔsil lemasa co ɲɛ kuundian vanaa kolaa mamɔiya o tàndá Efraim-ndo nin-ndo. Dɛnɛ palaa co le punga bil kɛndɛ-kɛndɔɔ, o co kon volio ŋɛlɛngi-ŋɛlɛngi o cuɛinɔn ndɔɔ coo-o, punga bil co kon o pembii dɛɛla naŋ tɔlɔɔ-o balu-e coo-o. Dɛnɛ palaa co le niaa vanaa kolaa mamɔiya!

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

Esekiɛl 24:21

Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.

Tɔŋ miingua 11:17

Kani te la tosa pɛ kon, Mɛlɛka tuulu kɔl a niaa, o tuŋ niaa piɔɔ, o tuisi niaa valoo coo. Piɔɔ ve lɛnin sia le, lɛŋnden le nɛŋi lɛnin tɔlɔɔ oo tɔlɔɔ le. Kon tosan yɛ pɛ, la tamalanin le cuvɔɔ vuo o lɛŋnde kɛndɛle Mɛlɛka ke niaa len-nden nin te.

Esekiɛl 33:28

I siinguunin lɛŋnde (ndalen) lɛŋnde piɔlɛilen a lɛŋnde veselɛilen. Yoomuma nda kɔngan, mà va heelɔnndo-an ma cuunin itambu. Pembon Israɛl n lonin fondo fúú, vana-vana ve lɛnin kei lecoo le.