Tɔŋ lasálàá 26:17 - BII BILA

¹⁷ I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.

Tɔŋ lasálàá 26:17 Referans Kwoze

Talelan 28:1

Vana dɛnɛ vɔɔndo nɔlà mò sungu kiltan hali mì vana ve ndu tovɔɔ le. Kɛ vana sandaa ndu laalan ndu pila maa yàlà téndé.

Tɔŋ lasálàá 17:10

Te cua pilacieo Israɛl, te kon te mial co niaa o bɛngu coo-o de pɛ kooma cɔlu súú-súù, i co ndu mululɔn, mì faŋa ndu Israɛlla tɛɛn few-few.

Condii lisai 53:5

Hala dimi aa: «Vanaa co kan dɛnnda vɔɔnnda lan tosaa-a kpow a nɔ kɔlkalu le. Á co kan yungu nuu dioo mɛɛ vana dia ɲɛdiaa nuaa yɛ-a, à co bɛɛ ya Hala piɛi le.»

Tɔŋ miingua 28:25

Mɛlɛka malnin niaa yaamɔaa niaa o ba, mà nɔla niaa. Te la kei pɛ o nɛiyo ndu pilɛ coo le kɔlan nda cɔlɔbaa, la ɲaanunnin nda, mì la sɔɔndian o nɛilan tan ŋɔmmɛw. Dɛnɛ niaa kon lueinin masɛi co o lɛŋnden coo-e kpow siòònde.

Yeremi 19:7

O fonda kon ya tɛɛmbuunin tuula Yerusalɛm ndan a tuula Yuda lan ni. Mì tosa mì yaamɔaa ndaa diw nda o cɔwvo, mì yɔngu duàá a tivolla dialun ndan, mà de mun.

Masaa kialaa n'yamaa 2:14

Mí Mɛlɛka tuulu kɔl a Israɛlla, mó mal nda vanaa del vannda coo-a o ba, má del nda coo, má poondiaa ɲɛm ndan, má pisi nda yaamɔaa ndaa balu nda-a o ba, a nɔla nda simullo le.

Cɛɛŋɔnnda Yeremi lan 1:5

Yaamɔaa ndɔa nɔla ndu, a connun o kɔlɲuloo nin fɛɛ. Mí Mɛlɛka tuisi ndu dɛnɛ palaa coo, le hakila ndɔla bɛndulan. Yaamɔaa ndɔa kɔɛ a poaa ndɔa o biyɔɔ nin.

1Samiɛl 31:1

Mí Filistia del Israɛlla coo a cɔwvo. Mí Israɛlla ɲaanun, mí vannda taw vu nda tɛɛn o pembei Kilboa.

1Samiɛl 4:10

Mí Filistia tiŋ Israɛlla a cɔwvo, má nɔla nda, mí vana-vana ɲaanun o cɛi-kola-toandaa ndɔɔ nin, mí ɲɔɔ yɔŋnun dɛnɛ palaa bɛndoo pila le nda. Vanaa cɔwva vaalan beleyaa a sɔla piɔ́mndo Israɛlla tɛɛn ni.

O Kandɔɔ 4:12

Mɛ̀ɛ́-mɛ̀ɛ́ n tosa nin vallo lecoo, le lueilul-lɛnin nɔm tɔnɔ ndɔɔ le. A ve lɛnin icali o pumbú le. Le fɛɛn a fɛɛn nin, vana kelanndo n vanin o lɛŋnden coo ni.»

Yosue 7:4

Mí vannda vàálan tan yáá a heelu le kɔlan Ai delɔɔ coo a cɔwvo, kɛ má kɔ ɲaanun vannda Ai.

1Masaa 8:33

Tuma vanaa nɔmnda, a co Israɛlla-a cuanin hakio a nɔm, mà mal nda yaamɔaa ndaa o ba-o, taa muungu pɛ nɔm o ibuŋ, mà lisa diola nɔmndan, taa ɲɔɔlu nɔm pɛ, mà del nɔm o labɛngunin o Cɛiyo ho nin,

Condii lisai 44:10

Kɛ nɔm yɛ, a cii naa malɔɔ, siɛmbulan la tol naa mɔ́ɔ́yɔ̀ɔ̀. A co lɛ lakɔ niaa vanaa naa cɔwva latulu le.

Yeremi 44:11

Lelan, diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «I co niaa mululɔn, mì tuisi niaa dɛnɛ palaa coo, mì cii Yudaa kpow.

Esekiɛl 15:7

I cɔlɔbanin nda. A fula o yinnden nin, kɛ yinnden le loamnin nda sukɛí. Lɔ́ɔ́ ya mululunnin nda-o, la sinanin maa ya co Mɛlɛka ni.

Masaa kialaa n'yamaa 3:8

Mí Mɛlɛka tuulu kɔl a Israɛlla, mó mal nda Kusan-Riseataim masaa Mesopotamii o ba. Vɔsilan tan ŋɔmaa a va ndu o ba o cɛlen nin.

Masaa kialaa n'yamaa 3:14

Háá vɔsilan tɔ́ a laŋɔmaa, Israɛlla va Ɛklɔn masa Moabua o ba bɛngu.

Masaa kialaa n'yamaa 6:2

Mí Madiannda tuisi Israɛlla sangaa coo. Le Madiannda hiɔlɔnndo, mí Israɛlla sɔɔndian, má kɔa o bólta bɛndula co o pembon tɛɛn-ndan nin, má kɔ cal o buululan nin a o powta kpovala bɛndu-bɛndulan coo.

1Samiɛl 12:15

Kɛ te la tui diom Mɛlɛka-o le, te la tosa pɛ nila kalulan o sɔɔn ndɔn nin, ndu Mɛlɛka co niaa baa holɔɔ mɛɛ o hol fuɲaa niaa mamaa baa yɛ.

2Masaa 13:3

Le hee, mí Mɛlɛka fula kɔllo a Israɛlla, mó mal nda Hasaɛl masa va Aram-ndo, a Bɛn-Hadad po Hasaɛl kon o ba. O telennda masaa ŋiɔŋaa kan va masalen tosaa lan kpow bɛngu, Israɛlla va nda o ba bɛngu.

2Masaa 13:7

Vanaa cɔvaa Mɛlɛka ndóò mel Yoahas daama-a va haa ni: vanaa ɲaanun o soa coo-a n'van beleŋuɛɛnu, ɲɛla ɲaanannda soa nan-ndan tɔ́ a vanaa tosa cɔwvo a n'pelu-a vaalan tɔ́. Kani mí masaa Aram ndóò diw nda taw, mó mingi nda maa cundu vannda kei nɛw a n'pelu-o.

Condii lisai 53:6

A ɲiiyanin a siòònde, nda vanaa siòòŋii ndíì bii kan te-a. Kani Hala saŋnin paala vanaa co yungu ndɔɔ saangiaa-a. Siɛmbulan la toalnin nda, kani Hala kɛɛ nda.

Esai 30:17

Vanndo ndu pilɛ kpé vueinunnin niaa ni, mì vannda vàá pilɛ o niaa tɛɛn ɲaanun ndu. Vannda nda ŋuɛɛnu vueinunnin niaa, mì la ɲaanun kpow háá mi la lo ɲɛ-pɔmbɔɔ doolɛ maa yɔm landaa lɛfɛ co o pembei tullo-o, maa lɛfɛ-landaa lo o pembei coo-o.

Esai 63:10

Kɛ má yɔŋnun vanaa nila kalua, má del kasi a kɔl diandaa ndɔɔ, mí ndu bɛɛ siŋnun yaamɔɔ ndaa, mí ndu pila cɔlɔba nda.

Cɛɛŋɔnnda Yeremi lan 2:4

Mó kindu kpaasiaa nda kɔɔli maa n'yaamɔɔ, mó yaa ba kɛndɔɔ le kɔɛi malɔɔ nda kɔɔli maa n'yaamɔɔ. Mó tɛɛmbuu ɲɛm kɛndɛn mun naŋ o tofaa-on kpow. Mó cuiŋi kɔltuw ndɔɔ o Cɛi-Hala-oSiɔn coo maa leyin.