Tɔŋ lasálàá 26:16 - BII BILA

¹⁶ la tuei-yɔ mɛɛ ya tosalnin niaa yɛ: I tuisinin kɔl yulan-yulanndo, ɲawvo a nààla dialun tuwlan niaa coo. Nààla lan la tɛɛmbuunin niaa hɔltan mì la dɔw niaa pila yɛɛvɛ. La vanin ciɛɔn niaa fondo fúú, kani yaamɔaa niaa dɔawnunnin balo a mun ni.

Tɔŋ lasálàá 26:16 Referans Kwoze

SƐBƐ YƆB-O 31:8

màá i saŋ, mì vana celen de tɔnɔ kon, màá vannda suingi tɛyun nun!

1Samiɛl 2:33

Kɛ, i mɛinin vana pilɛ o polale nɔmnden nin, mò lo o fonda-loamaa-lasálà nuu ikɛi, haliko mi mɔnɛi bii ndu, mò ŋɔɔcian. O telen kon, vanaa nɔmaa tɔ̀a kpow a sɔlanin piɔ́mndo o felengiyɛi nin.

Misee 6:15

La saŋnin, kɛ la kuwnin te, la pesinin oliveon, kɛ la solinnin kpeku a macuɛi le, la vɔɔciaanin rɛsɛnndon, kɛ la kolnin mɔima ndɔan te.

Esekiɛl 33:10

Le hee, nɔm Po vanacieo, dimul cuavaa Israɛlla maa la co dimio aa: «Yɔŋnda vɔɔnda naalan a hakila naalan la co naa pila coo, le hakila lan naa co yɛɛvɔɔ dɔwnɔnndo nuaa ni, vɛɛ nɛ naa nɔla yɛnin lou yoomu?»

Yeremi 5:17

Vanaa kan tɛɛmbuunin calta niaalan a ɲɛdiaa niaa. A diwnin poaa a cuavaa laandua niaa, a diwnin cɔlua niaa pɔmbɔa a á bɛndua. A tɛɛmbuunin nakɔla n'rɛsɛnnda niaalan a la n'voosulan. A pesinin kobila mayoomula niaala niaa tiindan ndan a cɔwvo.

Condii lisai 78:33

O kon, mí Hala cii nda o lepilɔɔ, má siow vɔsila ndalan o kɔl yulan-yulanndo nin.

Tɔŋ miingua 28:51

A lonin cɔlua niaa a ɲɛm niaa vanin kovɔɔ a kiɔndɔɔ-on dioo háá mì la cuu vu faw. Kani a melnin niaa ɲɛ-ɲɛ le, a melnin niaa balo le, a melnin niaa mayɛngi le kolɔɔ le, a melnin niaa macuɛi le, a melnin niaa navaa téndé, saa téndé, te kon te cuinaa téndé le, háá mà cii niaa diw kpow.

Hebreea 10:31

Dɛnɛ dɔaw vana siòònnde tawvo o co ni, le vanacieo delɔɔ Hala nɔ yoomoo o ba-o o ba.

Sakari 14:12

Tofa vɔ kpundɛ Mɛlɛka tuisinin vanaa-mangalaa-isɔɔa cɔlɔbanin Yerusalɛm-nda coo-o: vana-vana lonin yoomu mì dialun ndɔn sɛ kpow. Hɔltan la lonin vannda o koongolan nin mì la sɛ, diɛɛmuei lonin nda o lasondo mì sɛ.

Aasee 1:6

La co saŋɔɔ taw, kɛ la co ɲɛ bɔɔ kovɔɔ le. La co dioo, kɛ la co pum te. La co kolɔɔ, kɛ ma co niaa biyɔɔ le. La co volɔɔlan cuɛinɔnndo, kɛ la co niaa hangul heelu le. Sala vana baalaa co sɔlaa-o co luɛyɔɔ o bɔlɔ buliɛiyo nin.

Yeremi 20:4

Kani o Mɛlɛka dimi-o co hoo ni aa: ‹I tosanin mì la ɲiiya niaa caaŋaa nɔmnda. A delnin o mɔɛi cɔvii yaamɔaa ndaa bɛngu nɔm o hɔl kpedekele-a mà vi. I malnin vannda Yuda kpow masaa Babilɔn o ba, mò kɔɛ a nda o lɛŋnde ndɔlen nin, te kon te mò diw nda a mɔɛi cɔwve.

Yeremi 15:8

Mí kui vanlaandua piaandaa ndaa vi-a hiovɔɔ mɛɛ sióónndon co o mɛmma ihɛllan kɔngɔ yɛ. Mí cuu vana tɛɛmbua, mó del kalaa kuubanɔ cɔw felengoo coo. O ve kɔl te, mí tuisi ndu dɛnɛ palaa coo, mí luei ndu o kɔndɔfillo nin.

Yeremi 12:13

Niáá saŋ maalon, mi la va yɔɔn booson kovɔɔ. La co sangaa bɛndoo pila, kɛ la co tɔnɔ oo tɔnɔ sɔla le. Siɛmbulan la bii niaa a ɲɛ niaa co kovɔɔ-o, ken tosan le tùú Mɛlɛka tambu kɔllo a niaa taw-vo.

Esai 10:4

A pum a tundunnin vanaa co o biyɔɔ nin-nda tɛɛn, a pum a cɛɛlunnin vanvílɛ́iya tɛɛn. Kɛ a kon kpede, kɔltuw Mɛlɛka-o ɲulul-lɔnin te, ba ndɔɔ va vɔnin o heelaa.»

Esai 7:2

Mí vannda kɔ dimul yungu David-o aa: «Aramiia kila dɔ́ɔ́ngɔ́ɔ̀ o tàndá cuavaa-imamaa Efraim-nda nin.» O kon, mí masaa Ahas nda vanaa ndɔa hiilun kɔltan mɛ̀ɛ́-mɛ̀ɛ́ hoeyii fùkù-fùkùei hiiluu yɔmnde o bundɔɔ nin nuaa yɛ.

Condii lisai 109:6

A co dimio aa: «La mal ndu vanaa yɔŋ vɔɔnda o ba, la simi vana hɛɛnduaa n'sɔɔ ndu o ba kɛndɔɔ coo.

Condii lisai 73:19

Ɛ̀ɛ̀ nduyɛ, má cè mɛɛ nda tambu o lepilɔɔ yɛ, siòòŋii bɛnduei cii nda kpow.

SƐBƐ YƆB-O 20:25

Te o sungun pɛ kɔɛi ken o n'dial, mò solin ciliŋii siɛɛmbiɛi tuwve o yemnde nin, siòòŋii piɔ́mnde tol ndu dɔ́ɔ́ coo.

SƐBƐ YƆB-O 18:11

Nɛɛ-nɛɛ fee a vanin vooloo taw a siòònde, siòònde vanin kelaa ndu kɔɔli.

Masaa kialaa n'yamaa 6:11

O kon, mí mɛlɛkanɔ Hala-o hun, mó cal o terebɛnteo bɛngu Ofra o Yoas lo, o fula o yungu Abiesɛr-o nin-ndo pɛɛn. Sedeɔn po ndɔ va maalon lɔɔ o doolaa nin le mun kɔlan vionɔɔ yɔŋii Madiannda ndáà cɔ malun kalan.

Tɔŋ miingua 32:25

Cɔwvo diwnin cuavaa ndaa o kpakio kɔɔli, nda pila vanin icali a siòònde o kpakio nin. Kandɔɔ a poombɔ piaandoo, kɔ bii a cuaambɔ laandoo, keiyo a cɛlɛkpɛ co vɔɛiyo-o, kɔlan tiiyaa a vana yuuvɛi yulunnde co o lebol-lo, sanga pilɔɔ kpé vanin nda coo ni.›

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

1Masaa 8:37

Te yima fofolan ma lueilul nda pɛ o lɛŋnden nin, mì nàà halimaa tol nda coo, te tɔlɔɔlan la ɲɔfɔliaa pɛ mì la foofi, te sóónɔa a kambalaa súú-súù ka luɛi pɛ o lɛŋnden nin, te yaamɔɔa tiila pɛ vanaa nɔmnda o kobila mayoomula ndalan nin mà tiw nda ba, te kpundɛlan a nààla vɔɔnndan la tol pɛ nda coo,

Talelan 3:33

Danga fula Mɛlɛka o ba-o co o vana kɔlvesɛiyo lo cɛinin, kɛ ò dɔàw calta vanaa sandaa duaa.

Esai 62:8

Mɛlɛka mɛnan a kpaaya ndɔɔ aa: «I yɔngu lɛnin yaamɔaa nɔmnda malun nɔmndon, mà dɔwnun balo a mun te, cuavaa miallo kol-lɛnin mɔima yɛngima nɔm-ma fula o sanga nɔmndo nin-ndan te.

Yeremi 15:3

O nɛila hiɔɔlula lan coo ya co nda simul ni, ya Mɛlɛka dimi lende ni, a vunin o mɔɛi cɔwve bɛngu, mì tunnda sasu nda, mà yɛɛ nda lándán. O mɛɛlulan, mì duàá a tivolla de nda kpede.

Esekiɛl 24:23

Mɔsilta niaalan la vanin niaa o lebol, la tosanin sɔɔn biision te, la ceŋnin te, kɛ la ɲawnin le hakila niaalan mì la cɛɛŋun niaa pila ikɛi vellaa-velle.

Malasi 2:3

I kɔngɔlan le cuavaa niaa tɛɛmbuuo. Niaa pila yɛ, mì yikpa niaa poolan o hɔl, poola cɔlua niaa diw o kafola niaalan coo-a pɛɛn. O kon mà viow niaa a poola lan latulu.

Amɔs 5:11

A vɛlɛ, la co vana bala fondoo nɛwvo o lebol, la co ndu malun ndɔn poondaa o ba a paa-kala. Lelan, cɛila niaa tangul tan a powtan-ndan, la luenin lenin te few. Rɛsɛŋun kɛndɛ-kɛndɛn niaa tɔl mun-ndon, la kolnin mɔima ndɔan te.