Tɔŋ lasálàá 26:15 - BII BILA

¹⁵ te la kɛɛ pɛ silala nilan, mì la pɛɛsa nɛila nilan, te kela o tɔŋndan nilan kpow coo le, te la tɛɛmbuu pɛ kpema nuu,

Tɔŋ lasálàá 26:15 Referans Kwoze

2Masaa 17:15

A yondal Mɛlɛka ndóò yondal nda kon-ndo kpede, má kɛɛ silala ndɔlan a kpema ndóò yiilu fuɲaa ndaa mamaa-o. Má mulin halaa fondoa sooloo. Lelan mí nda pila siŋnun vanaa fondoa, má del vanaa-mangalaa-isɔaa va icali nda ikɛi-ya kɔɔli o kelala ndalan nin, vanaa Mɛlɛka ndóò kuuna nda le delɔɔ kɔɔli-a pɛɛn.

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

Esekiɛl 16:59

Kani nuaa Maalii Hala dimi ni aa: «I tosalnin nɔm Yerusalɛm mɛɛ nɔm bɛɛ tosa yɛ, kani a tɛɛndan sendí n mɛnan-ndo, má tɛɛmbuu kpemaa.

Yeremi 11:10

A muungun o dɛnnda vɔɔnnda fuɲaa ndaa mamaa kɛɛ le sɔɔn nun biyɔɔ-a coo, má mulin halaa celen kɔɔli le nda sooloo. Israɛlla a Yudaa tɛɛmbuu kpema yáà yii a fuɲaa ndaa mamaa-o.

Esai 24:5

Vanaa va o lɛŋnden coo-a ndáà cii len nɔɔliaa, kani a va tɔŋndan tɛɛmbuuo a silalan laasiaa, a va kpema yiinun le fɛɛn a fɛɛn-ndo tɛɛmbuuo.

Kundalan 15:31

Kani o pɛɛsa sɔɛi nii, mó tɛɛmbuu tɔŋ nuu, o bɛnda mò faŋan vanaa tɔ̀a tɛɛn. Nduyɛ sanga tɛɛmbuu ndɔɔ vanin ndu pila o lebol.»

Hebreea 8:9

O venin maa o tase yáà yii a fuɲaa ndaa mamaa telen ya bii nda baa le nda solio o lɛŋnde Esipte len nin-ndo le. Kpema kon ndu, má tɛɛmbuu ndu, nduyɛ, ya va vana nda bɛndoo ni. Sɔɛi fula ya Mɛlɛka o sondo-e co ken ni.

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

Rɔmnda 8:7

Kani dɛnnda n'falulan la co yaamɔɔ Hala-o ni. Bau la bii tɔŋ Hala-o le, la nɔla bɛɛ ndu biyɔɔ le.

Dɛnnda kiilaa 13:41

‹La tofa vɔ, niaa vanaa pɛɛsaa pɛ haa nin-nda. Kɔndɔfillo bii niaa mì la cuu, kani i co dɛnɛ pum tosa o telen niaa, hali vana ce dɛnɛ kon-ndo hun dimul bɛɛ niaa, la laalannin te.›»

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Yeremi 6:19

Lɛŋnden, yaŋnun. I co dɛnɛ palaa tuisi vannda ha coo, tɔnɔ yiyannda ndalan co kon ni. Kani a yeŋ nilan o tɔŋ nuu le, má kɛɛ sɔɔn nun.

Talelan 5:12

O tosan yɛ pɛ lende, a diminin aa: ‹Ko le yɛɛ nɛ ya kɛɛ yɛ le silaa biyɔɔ? Ko le yɛɛ kpeekpei ya pɛɛsa yɛ kanalan nda va ya-o o kɔl nuu nin?

Talelan 1:30

La cɛl le silala nilan biyɔɔ le, mí la ca kanalannda nilan kpow ɲɛ fondoo.

Talelan 1:7

Siòòŋii Mɛlɛka-e nɔu, kon co kandɔn kɔlkaloo ni. Diɔmnda co kɔlkaloo a pɛɛkoo pɛɛsaa.

Condii lisai 50:17

Niaa yɛ, la yeema sila tueyɔɔ le, la co sɔɔn nun kɛɔ few-few.

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

Tɔŋ lasálàá 26:43

Tuma nda vanin nɛɛ celen-ndo, lɛŋnde ndalen le vanin lemalnannden, o kon yondolan la sɔlanin pɛngio. Tuma kon, nda pila co va sangaa sɔlaa le tùú nda kɛɛ le tɔŋnda nilan biyɔɔ-o a le tùú silala nilan la nɛinun nda-o.

Fulaa 24:7

O kon kɔɔli, mó cua sɛbɛ kpemaa, mó dimi ɲɛ va o sɛvaa lenin-ndo coocoo vannda kpow o hɔl. Mí Israɛlla kpede a dimi aa: «Ɲɛ-ɲɛ Mɛlɛka dimul naa le tosaa, n co ndu tosa. N co sɔɔn o dimul naa-on kpow biyɔɔ.»

Fulaa 19:5

Lelan sisa, te la bii pɛ sɔɛi nii, mì la manda kpema nuu, la vanin yungu kɛsin teengen le ya-o o vanaa súúla celennda tɛɛn, kani ya nɔ lɛŋnden kpow ni.

O Kandɔɔ 17:14

Vana dii tooma kon te, a faŋa ndu vanaa ndɔa tɛɛn, le tùú o kɛɛ tɔɔmasele kpema nuu cɛlɔɔ-o.»

Tɔŋ lasálàá 26:9

I mululnin niaa hɔlla, mì nɛŋi niaa ipulu, mì kui niaa, mì simi kpema nuu yili a niaa.

Tɔŋ lasálàá 26:11

I kɛsinin calta nilan niaa tɛɛn, i nɔnin nɛyɔn niaa le.

1Samiɛl 12:15

Kɛ te la tui diom Mɛlɛka-o le, te la tosa pɛ nila kalulan o sɔɔn ndɔn nin, ndu Mɛlɛka co niaa baa holɔɔ mɛɛ o hol fuɲaa niaa mamaa baa yɛ.

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.