Tɔŋ lasálàá 26:14 - BII BILA

¹⁴ «Kɛ te la tui ya diom te, te kela o tɔŋndan ndan kpow coo le,

Tɔŋ lasálàá 26:14 Referans Kwoze

Cɛɛŋɔnnda Yeremi lan 2:17

Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Tɔŋ lasálàá 26:18

A kon kpede te la tui ya diom te, i vangalanin sangala niaalan bɛmbɛ leŋɔmmɛw le hakila niaalan.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Dɛnnda kiilaa 3:23

Vana-vana kɛɛ pɛ le sɔɔn vana-tɛɛngaa-diom Hala kon biyɔɔ, Hala solinin ndu vanaa ndu Hala-a tɛɛn, mò sɔla piɔ́mndo.›

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Yosue 23:15

Nduyɛ, maa mɛɛ Mɛlɛka Hala niaa peelu kpemala kɛndɛla ndóò yiilu niaa lan yɛ, lende koni o peelunin dɛnnda palaala o kɔngɔlan le niaa tuisio coo lan ni, háá mì la hun cuu itambu o lɛŋnde kɛndɛle o yɔngu niaa len coo.

Masaa kialaa n'yamaa 2:15

Nɛɛ-nɛɛ ndáà kɔɛ pɛ, ba Mɛlɛka-o va nda simullo le nda dɛnɛ palaa tuisio coo. Mí dɛnɛ palaa bɛndoo toal nda coo mɛɛ Mɛlɛka ndóò dimi, mí ndóò mɛnalan nda yɛ.

1Samiɛl 12:15

Kɛ te la tui diom Mɛlɛka-o le, te la tosa pɛ nila kalulan o sɔɔn ndɔn nin, ndu Mɛlɛka co niaa baa holɔɔ mɛɛ o hol fuɲaa niaa mamaa baa yɛ.

2Dɛnnda lemasalan 7:19

Kɛ te la mulul-la pɛ kɔɔ, mì la bìí tɔŋnda nilan a silala ya yɔngu niaa lan te, te la sooluu pɛ halaa celennda, mì la baŋ vulan nda o labɛngunin,

Talelan 3:33

Danga fula Mɛlɛka o ba-o co o vana kɔlvesɛiyo lo cɛinin, kɛ ò dɔàw calta vanaa sandaa duaa.

Yeremi 11:8

Kɛ a yeŋnun te, a muli lahɔl lon te, ma del yiyannda ndala vɔɔnndan kɔɔli. O kon mí peelu sɔɔn kpema kon kpow nda coo le tùú nda kɛɛ le lou o kpemaa coo-o, a sɔɔn kɛ́-kɛ̀ ya dimul nda kpede a cɛl le ndu biyɔɔ loon pɛɛn.»

Yeremi 26:4

Má dimul nda aa: Nuaa Mɛlɛka dimi ni aa: ‹La tuei ya diom, la kela o sɔɔn ya pɛɛku niaa-on coo,

Yeremi 28:8

Vanaa-tɛɛngaa-diom Hala-a bɔɔ-bɔɔ va nɔm a ya tase. Mí vanaa-tɛɛngaa-diom Hala-a kan a dimul lɛŋii bɔɔ-bɔɔ a masɛi sɔvɛi dɛnnda va hunɔɔ ndi yɔŋnɔn-ndan, cɔwlan, dɛnnda vɔɔnndan a nàà n'kɔnyaa.

Yeremi 40:2

Lɔ́ɔ́ pá mí Yeremi kɔa, mí bolle kpalilla veelu ndu, mó dimul ndu aa: «Mɛlɛka Hala nɔmndo ndóò cii nin sɔɛi dɛnɛ palaa ho dimi.

Daniɛl 9:13

Maa mɛɛ o sɛvan o tɔŋ Moise-o nin yɛ, mí sangala lan la toal naa coo. Kɛ hali kon, n cɛl le nɔm Mɛlɛka Hala naa kɔllo ɲulullo mí n mal yɔŋ vɔɔn naa le. N kindin le toɲa nɔmndo biyɔɔ le.

Osee 7:12

Tuma nda co kɔlan lon-ndo, i co yala nuu tondɔɔ nda coo, mì tuisi nda maa yovaa co coocoo-a, mì soŋ nda le nda silaa mɛɛ ya dimul nda o cuungian ndaa coo yɛ.

2Masaa 22:13

«La kɔ ɲuna Mɛlɛka isɔɔ le ya pila, le vannda Yuda a le lɛŋnde tɔ̀len kpow a sɔɔn co o sɛbɛ nda saalun hoo-o nin-ndon o kɔɔ-on, kani kɔltuw Mɛlɛka-o co o bɔɔ. O tuulu kɔl a naa le tùú fuɲaa naa kɛɛ le sɔɔn co o sɛbɛ kon nin-ndon biyɔɔ, má kɛɛ le kela lecoo-o.»

2Dɛnnda lemasalan 34:24

Mɛlɛka dimi aa o co dɛnnda palaalan tuisi o fondaa ho a vanaa co lenin nda coo, o co dangala sɛvan o sɛbɛ nda dimi masaa Yuda o hɔl-lo nin-ndan kpow tuisi nda coo.

Condii lisai 81:12

Kɛ niaa yungu nuu, la tui ya diom te, Israɛlla yeema ya le.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!