Tɔŋ lasálàá 26:13 - BII BILA

¹³ Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, haliko la va cɛa Esiptea le. Ya yem yɔm kpòndò lecɛ ndáà handu niaa coo-o ni, mì la va kelaa a bolle iheelaa tema.»

Tɔŋ lasálàá 26:13 Referans Kwoze

Esekiɛl 34:27

Yɔmii co yondoo nin-nde koamnin, lɛŋnden le lueinin ɲɛm vaanun lecoo-on kúlú taw. (Vanaa nia) vanin nila ɲulu o lɛŋnde ndalen nin. Nduyɛ, lɔ́ɔ́ ya yiminin kpòndò nda co bɛngu-o, mí baŋa nda vanaa nda co o ba o cɛlen nin-nda o ba-o, a sinanin maa ya co Mɛlɛka ni.

Condii lisai 116:16

Éé Mɛlɛka! Vana baala nɔmndo ya co ni, po vanalanɔ yɔŋnun buɛi nɔmndo-o pɛɛn, o n tiimbuu o yɔlɔn-ndo.

Tɔŋ lasálàá 25:38

Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni le niaa lɛŋnde Kanaan-nden yɔngoo, haliko mi siŋnun Hala niaa.»

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Yeremi 2:20

Mí Mɛlɛka dimi aa: «Israɛl, o co lɛhau le n luɛi nila kalulan a ya le, má tɛɛmbuu nɔu naa ŋiɔn tɛɛn, o kon má dimi aa a yeema lɛ ma va o lecɛ nin te. Kani a co keiyo piɔmnda sooloo o pembon kpow coo a o yɔmii puiyɛi kpow bɛngu.

Tɔŋ lasálàá 25:55

«Vanaa niaa baalaa niaa Israɛlla co ni, cɛa nia niaa co ni. Ya soli niaa o lɛŋnde Esipte len nin ni. Ya co Mɛlɛka ni, Hala niaa pɛɛn.»

Esai 51:23

I sɔanin vanaa va nɔm saangiaa-a taala kólaa kon o ba, a va nɔm kan dimullo aa: «Tundun mì n hiow»-va. Mí nɔm óò siinguu kɔɔ nɔmndo maa lelɛŋ, maa nɛi keiyaa coo le vanaa hiavaa.

Tɔŋ lasálàá 25:42

Kani Israɛlla, vanaa niaa baalaa nda co ni, ya soli nda Esipte ni. Vana bɛnda ma pisi nda mɛɛ vana pisi cɛa yɛ le.

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

Esekiɛl 30:18

Lɔ́ɔ́ ya vanin yoomuma Esipte-an tɛɛmbuuo mì kpaaya ndɔ o va kuundianndo-o cuu-o, paalen le ɲumnin mí ɲɔɔ yɔŋnun yifidii o kobio Tapanɛs nin. Yumbuyumboo kumbunin kobi kon mɔku-mɔku, mì vanlaandua co lon-nda kɔɛ o biyɔɔ nin.

Osee 11:4

O vanacieeyɛi nin ya va ndu nanɔɔ ni, o koalaa nin ya va kɔlan a ndu ni. Mí yɔŋnun le ndu mɛɛ kalacuaa cua hɔ́ɔ́ ndɔɔ nuaa mò yiiliaa hɔ́ɔ́ kon kúúvo nuaa yɛ. I va tundɔnndo le ndu ɲɛdiaa yɔngoo.

Fulaa 14:8

Mí Mɛlɛka kindi Faraɔnnɔɔ, o co masaa Esipte-o nilan háá mó can Israɛlla kuello le nda biyɔɔ. Nduyɛ, a ba nda bɛɛn-bɛɛn Israɛlla faŋan o lɛŋnde Esipte len nin ni.

Esai 9:3

Kani yɔm lebol va nda lusullo o lebol-lo, tinda nda va nda kɔɔlan lɔɔ-o, sionnde va vana va nda soŋɔ̀ɔ́-o o ba len, nɔm a yimi ɲɛm mun kpow maa paale Madiannda bumba má sɔɔndian-nden.

Yeremi 28:2

«O Mɛlɛka-Nɔ-Kpaayaa-Kpow-vo, Hala Israɛl dimi-o co hoo ni aa: ‹I co sanga bɛndu masaa Babilɔn-ndo faŋa.

Yeremi 28:4

I co vɛlɛ Yekonia po Yehoyakim masaa Yuda-o a vanaa-vanaa ndáà bii Yuda, má kɔa a nda Babilɔn mingi nanu, kani i co sanga bɛndu co masaa Babilɔn coo-o faŋa.› »

Nahum 1:13

O laan ndu, i co kpòndó co niaa o lebol-lo yomɔɔ, mì kili yɔlɔn nda baiyiaa niaa-on.›