Tɔŋ lasálàá 26:12 - BII BILA

¹² I vanin kelaa niaa tɛɛn, i vanin Hala niaa, mì niaa va vanaa nia.

Tɔŋ lasálàá 26:12 Referans Kwoze

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

Yeremi 30:22

O kon la muungunin vanaa nia mì va Hala niaa.

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.

Yɔɛl 2:27

O kon, la sinanin maa i co Israɛlla tɛɛn. La sinanin maa ya co Mɛlɛka ni, Hala niaa pɛɛn, maa Hala celen co o ya kɔɔli le. Le fɛɛn a fɛɛn nin, siɛmbula bii lɛnin yungu nuu le.»

Tɔŋ miingua 23:14

Vana cɔw oo vana cɔw bɛnda mò nɔ dɛndɛ pɔmbɔɔ o pilɛ o volɔɔla ndɔla cɔwlan nin. O kon, te solɔɔ bii ndu pɛ, o kɔ tow soondo o fondokpa kon a dɛndɛ kon, o sol lenin. O cii pɛ, o mingi poola lan kumbɔɔ.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

Esekiɛl 11:20

haliko mi la kela o silala nilan coo, mì la bii tɔŋnda nilan, mì la kela lecoo. O kon la vanin vanaa nia, mì ya i va Hala niaa.

Yeremi 11:4

o ya sɛval fuɲaa niaa mamaa, o paale ya soli nda Esipte, o tóndó teengiaa n'cilinndo nin-ndo.› Mí dimul nda aa: ‹La yaŋ nilan o diom nuu, mì la kela o sɔɔn ya dimul nia-on kpow coo, o kon la vanin vanaa nia, mì ya i va Hala niaa.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

Yeremi 32:38

A muungunin mà siŋnun vanaa nia, mì ya i va Hala ndaa.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Condii lisai 50:7

Hala co dimio aa: ‹Yungu nuu, la yaŋnun, mì soo. Niaa Israɛlla, i tɛndanin seilen a niaa o kɔɔ, ya co Hala ni, Hala niaa pɛɛn.

Esekiɛl 36:38

Kobila co lapiɔlɛilan-ndan la pianin a sɛ́lɛ́ bɛndu vanndacieea. A vanin sɛ́lɛ́ maa cɔlua sálàá, maa cɔlua vannda kɔa Yerusalɛm ciee o kafolan coo-a. O kon vannda sinanin maa ya co Mɛlɛka ni.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

O Kandɔɔ 3:8

Mɛɛ nda tuei diom Mɛlɛka Hala-o balɔɔ o nakɔɔ nin o hoeyii fɛ́-fɛ́i paale delɛi nin, má kɔ vionnun ndu o yɔmnde nin.

Matie 22:32

‹Ya co Hala Abraham-ndo ni, Hala Isaak-o a Hala Yakɔb-o›? Hala co Hala n'vanvílɛ́i le, kɛ Hala vanaa yoomaa o co ni.»

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa:

O Kandɔɔ 6:9

Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

O Kandɔɔ 5:24

Mɛɛ o vili ceen ndɔɔ o diom pilɔɔ nin nda Hala yɛ, mó lo vannda o hɔl, kani mí Hala heelun ndu ikɛi.

O Kandɔɔ 5:22

Mɛɛ o velu Matusalɛm, mó tosa vɛlɛ vɔsilan kɛmɛ leyáá o diom pilɔɔ nin nda Hala, mó vialu cuavaa celen: a piaandua a à laandua.

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

Fulaa 29:45

I kɛsinin calta nilan Israɛlla tɛɛn, mì va Hala ndaa.

Kundalan 5:3

La bɛnda mì la faŋa vanaa kan, o va vanapɔnɔ o va vanalanɔ, mì la yɛɛ nda o dɔ́ɔ́ngɔ́ɔ̀ kɔɔli, yɔŋii nda nɔɔliaa dɔ́ɔ́ngɔ́ nda kon, o ya Mɛlɛka co icali nin-ndo.»

2Samiɛl 7:7

Telen ya cii o kelaa nin a Israɛlla kpow-vo, o paalen ten pilɛ nin bɛɛ, i ɲuna vana pilɛ o simlacia Israɛlla tɛɛn aa la vɛ ya kɛɔ cɛiyo tengullo a yɔmii sɛɛdrei le.›

Fulaa 29:46

O kon, a sinanin maa ya Mɛlɛka co Hala ndaa ni, maa ya soli nda o lɛŋnde Esipte len nin ni haliko mi va icali nda tɛɛn. Lekɛ́ndɛi ya co Mɛlɛka ni, Hala ndaa pɛɛn.»

Tɔŋ miingua 23:15

Kani Mɛlɛka Hala niaa co kelaa o dɔ́ɔ́ngɔ́ niaa nin le niaa mandaa a le yaamɔaa niaa malɔɔ niaa o ba. Dɔ́ɔ́ngɔ́ niaa cɔwvo bɛnda mò va o diandaa, lelan Mɛlɛka bɛnda mò ce ɲɛ puusiaa ndu kɔllo-o lenin te, yɔŋii o faŋan niaa kɔɔli.»