Tɔŋ lasálàá 26:11 - BII BILA

¹¹ I kɛsinin calta nilan niaa tɛɛn, i nɔnin nɛyɔn niaa le.

Tɔŋ lasálàá 26:11 Referans Kwoze

Fulaa 25:8

Ma tosal-la Cɛi-Diandaa haliko mi cal Israɛlla tɛɛn.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

Fulaa 29:45

I kɛsinin calta nilan Israɛlla tɛɛn, mì va Hala ndaa.

Efɛsea 2:22

Niaa bɛɛ, la co a tangulaa latulu le siŋnɔnndo fonda calaa, nɛɛ Hala càl o Kɔl-Diandaa ndɔɔ nin-nda.

Condii lisai 106:40

Le hee, mí Mɛlɛka tambu kɔllo a vanaa ndɔa, mí kɛ́ ndɔɔ kuisin ndu.

Condii lisai 76:2

Hala sinan o tàndá Yuda-o nin, diola ndɔlan la co la bɔɔ o lɛŋnde Israɛl-ten nin.

Tɔŋ lasálàá 20:23

La vial vanaa ya co tovɔɔ niaa laci-a a káà le, la kela maa nda le. Kani vanaa kan a lo yɔŋ vɔɔndo tosaa háá mí dɛnɛ ndaa nɛinun ya niko few-few.

1Masaa 8:27

Kɛ nduyɛ, vɛ̀ɛ̀ Hala nɔla pá calle o lɛŋnden coo? Tofa vɔ mɛɛ halataalaa pɛngɛlan mó tiw tɛngɛ̀-tɛngɛ̀ yɛ, a kon kpow Hala sul o halataala le, o co vɔ le sulɔɔ o Cɛile ya tengul ndu len-nden nin te!

1Masaa 8:13

Kɛ i cii nɔm Cɛiyo tengul, nɛɛ n vanin le lɔ́ɔ́-lɔ́ɔ̀-a pɛɛn.»

Yosue 22:19

Te lɛŋnde nɔɔlɛilen lɛŋnde niaa sɔla len le co ni, mɛɛ la muungu o lɛŋnde Mɛlɛka len nin, nɛɛ fonda calaa Mɛlɛka-o co-a, o kon mì n kɔ calnun latulu. Kɛ la tosa nila kalulan a Mɛlɛka mì la tangul fonda-loamaa-lasálà celen o fonda-loamaa-lasálà Mɛlɛka Hala-o kɔɔli le.

Cɛɛŋɔnnda Yeremi lan 2:7

Mí Mɛlɛka kɛɛ fonda-loamaa-lasálàá ndɔɔ, mí cɛi-kola-toandaa ndɔ diandaa nɛinun ndu. Mó mal kpakila cɛila lemasalan Siɔn yaamɔɔa o ba. Mí yoondiaalan la va sɔɛi o Cɛi-Mɛlɛka-o nin, maa o paale kafo coo.

Yeremi 14:21

Le tɔ́ɔ́ nɔm kɛndɔɔ, soli kpɛŋɛ nɔm lemasa a biilu bɛndoo o baa nin te. Yiyan, kialu kpema nɔmndo a naa le!

Tɔŋ miingua 32:19

Mɛɛ Mɛlɛka ce lende, mó tuulu kɔl a poaa ndɔa a á cuavaa ndɔa laandua.

Sakari 11:8

O paangei ndii pilɛ bɛngu, mí toaw vanaa mandaa n'cɔlua yáá-a. O kon kɔɔli, i nɔla biuvɔnndo a saa le. Saa kan bɛɛ, mí dɛnɛ nuu fula nda iyeema.

Condii lisai 78:59

Hala cɔu sɔɔn mun, mó tambu kɔllo, mó kɛɛ Israɛlla few-few.

Dɛnnda cɔɔmuanndan 7:15

Lelan nda co o kpɛŋɛ lemasa Hala-o hɔl-ndɔ ni, mà va ndu biiloo paalen a ɲumndan o cɛi ndɔɔ biilaa nin. Vana co o kpɛŋɛ lemasaa nin-ndo co nda cɛi-kola-toandaa ndɔɔ tondɔɔ coo.

Fulaa 29:46

O kon, a sinanin maa ya Mɛlɛka co Hala ndaa ni, maa ya soli nda o lɛŋnde Esipte len nin ni haliko mi va icali nda tɛɛn. Lekɛ́ndɛi ya co Mɛlɛka ni, Hala ndaa pɛɛn.»

Tɔŋ lasálàá 26:15

te la kɛɛ pɛ silala nilan, mì la pɛɛsa nɛila nilan, te kela o tɔŋndan nilan kpow coo le, te la tɛɛmbuu pɛ kpema nuu,

Tɔŋ lasálàá 26:43

Tuma nda vanin nɛɛ celen-ndo, lɛŋnde ndalen le vanin lemalnannden, o kon yondolan la sɔlanin pɛngio. Tuma kon, nda pila co va sangaa sɔlaa le tùú nda kɛɛ le tɔŋnda nilan biyɔɔ-o a le tùú silala nilan la nɛinun nda-o.

Tɔŋ lasálàá 26:44

Ya yɛ, hali tuma nda vanin a saŋnannda o lɛŋii yaamɔaa ndaa nin-ndo, i kɛɛnin nda few-few le, a nɛinunnin ya le, i ciinin nda le, i tɛɛmbuunin kpema nuu a nda le. Kani Mɛlɛka ya co ni, Hala ndaa pɛɛn.

Yosue 22:31

O kon, mí Pineas, po Eleasar vana-solia-lasálàá-o dimul nda aa: «N sina hau lekɛ́ndɛi maa Mɛlɛka co naa tɛɛn, kani la tosa dɛnɛ pilan Mɛlɛka tana le. Le hee, la cii dɛnɛ palaa Mɛlɛka ndóò tuisinin-ndo faŋa Israɛlla kuee.»

2Samiɛl 7:7

Telen ya cii o kelaa nin a Israɛlla kpow-vo, o paalen ten pilɛ nin bɛɛ, i ɲuna vana pilɛ o simlacia Israɛlla tɛɛn aa la vɛ ya kɛɔ cɛiyo tengullo a yɔmii sɛɛdrei le.›

1Masaa 6:13

I vanin Israɛlla tɛɛn, i melnin vanaa nia le, Israɛlla pɛɛn.»

Yɔɛl 2:27

O kon, la sinanin maa i co Israɛlla tɛɛn. La sinanin maa ya co Mɛlɛka ni, Hala niaa pɛɛn, maa Hala celen co o ya kɔɔli le. Le fɛɛn a fɛɛn nin, siɛmbula bii lɛnin yungu nuu le.»