Tɔŋ lasálàá 25:9 - BII BILA

⁹ O kon, te paangii ŋɔmmɛwndɔɛi ciŋa pɛ palɛi tɔ́, la hɔŋ bululan o lɛŋnden kpow nin, la sangala ya taw-taw. Kani paale bɛndule baŋannden le co len le hakila niaalan ni. Lelan, bululan la bɛnda mì la hɔŋnun taw-taw paale len.

Tɔŋ lasálàá 25:9 Referans Kwoze

Tɔŋ lasálàá 23:24

«Soo o Israɛlla lo ma dimul nda aa: ‹Paale taselen o paangii ŋɔmmɛwndɔɛi nin, la bɛnda mì la ce len maa paale pɛngiaalen le co ni. La cɔ vɛlɛ paale len maa paale loonannden le co le niaa ni. La bɛnda mì la cuungian ɲinkon, mì la lisa ya taw-taw a bululan hɔŋndo.

Tɔŋ lasálàá 23:27

«Paale bɛndule co le hakilan sɔlaa malɔɔ len le co paale tɔ́ndɔlen o paangii ŋɔmmɛwndɔɛi nin ni. Paale len, la bɛnda mì la cuungian le ya Mɛlɛka biiloo, mì la bii sumndo, mì la solul-la sálàlan, mì la lom ndan o yin.

1Tesalonikea 1:8

Kani sɔɛi Mɛlɛka-e tiw o niaa lo, o co ka Maseduan a Akaii le, mì tɔ́ɔ́ niaa laalan Hala-o kɔa nɛɛ-nɛɛ ka. Hali mì n suu bɛɛ a ken o kɔɔ le.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Rɔmnda 10:18

Kɛ i co ɲuna: Mò va maa Israɛlla tui sɔɛi ken te? A tuei ndi tɛ́ɛ́. «Kani diom ndaa kɔɛ, mó tiw o lɛŋnden kpow coo, mí sɔɔn ndan tiiya o ceendo mɛɛlulan di.»

Condii lisai 89:15

O sakpoyɛi a o sandei coo kpɛŋɛ lemasa nɔmndo kɛsi tumndo ni. Kaolaa a lou o lediom coo co nɔm o hɔl.

Kundalan 36:4

Te Vɔsi Kɔlkɛndɛ Bɛndoo tiiya pɛ le Israɛlla, ɲɛm vanlaandua kan sɔlanin-ndon kɔ cɔɔlu handɔn o kɛ́ polale nda cal o ba o nɔ̀u nin-nden coo. O kon, kɛ́ naa kɔɛ a dɔɔnanndo.»

Kundalan 10:10

O palɛi niɛi kɔlkɛndɛi coo bɛɛ, la bɛnda mì la hɔŋ bululan ndan: o kafola niaala lekaanndan coo, o kafola paangun sɛnɛilan coo, telen niaa soli sálàla loamaalan-ndo a telen niaa soli sálàla kɔlɲululan-ndo. Nɛiyo vanin kon le ya Mɛlɛka Hala niaa loonɔnndo a niaa o kɔɔ ni.»

Tɔŋ lasálàá 27:24

Kɛ Vɔsi Kɔlkɛndɛ Bɛndoo tiiya pɛ, yondo kon muungu vana tase nɔ ndu-o o ba.

Tɔŋ lasálàá 27:17

Te o Vɔsi Kɔlkɛndɛ Bɛndoo nin vanndo soli yondo kon sálà ni, vɔngu kelun-ndo bɛnda mò cɛlnun lende.

Tɔŋ lasálàá 16:30

Kani paale len nda co niaa faleŋii baŋannde le hakio sɔlaa malɔɔ a faleŋii dindiannde tosa coo Mɛlɛka o hɔl ni. O kon, la sɔla hakio malɔɔ a dindio le yɔŋnda niaala vɔɔnndan kpow.

Tɔŋ lasálàá 16:20

Te Aarɔn cii pɛ faleŋii baŋannde tosa le Cɛi-Diandaa, le cɛi-kola-toandaa-labɔɔŋianndo a le fonda-loamaa-lasálàá, o hin vɛlɛ a cuin toovi lo yoomu-o.

Tɔŋ lasálàá 25:8

«La bɛnda mì la cɔm telenndan laŋɔmmɛw, telen oo telen vɔsilan laŋɔmmɛw, mɛɛ telennda ŋɔmmɛwla lan la bɛnda vɔsilan belehiɔɔlu a laŋɔmahiɔɔlu.

Yosue 6:4

Vanaa-solia-lasálàá nda ŋɔmmɛw a cuanin bulula hɔŋaalan tan ŋɔmmɛw o laba, mà va kɔlan kesu kpemaa laci. O paale ŋɔmmɛwndɔlen coo, la balu kobio bɛmbɛ leŋɔmmɛw, mì vanaa-solia-lasálàá nda nda va bululan hɔŋndo.

Esai 27:13

Paale len a hɔŋnin bulu bɛndoo, o kon, vanaa va ɲawvo o lɛŋnde Asiri len nin-nda a vanaa va o ɲaanɔnndo nin o lɛŋnde Esipte len nin-nda hunnin, mà hun baŋ vulan Mɛlɛka o labɛngunin o pembii diandɛi coo, Yerusalɛm ciee.

Tɔŋ lasálàá 16:29

Tɔŋ niaa bɛnda mì la bii le fɛɛn a fɛɛn-ndo co hoo ni: o paale tɔ́ndɔlen coo o paangii ŋɔmmɛwndɔɛi nin, kandɔɔ a cuavaa pilacieea Israɛl, kɔ bii a mialaa co niaa o bɛngu coo-a, la bɛnda mì la mal valtan kpow, mì la bii sumndo.

Condii lisai 89:16

Duaa co le vanaa co ɲaaloo dɔwnɔnndo le nɔm-nda, Mɛlɛka, a co kelaa o ɲɛ-tengaa nɔmndo nin-nda pɛɛn.