Tɔŋ lasálàá 25:21 - BII BILA

²¹ I dɔawnin niaa duaa o vɔsi ŋɔmpumndɔɔ nin, i viamnin lɛŋnden mì le vangala kɔmnde ɲɛ saŋnunnin lecoo-o len le vɔsilan tan yáá.

Tɔŋ lasálàá 25:21 Referans Kwoze

Tɔŋ miingua 28:8

Mɛlɛka Hala niaa tuisinin duaa o ɲɛm niaa heelunin o lakonda-on coo, o dɔawnin valta niaalan kpow duaa. A toɲa, o dɔawnin niaa duaa taw o lɛŋnde o yɔngu niaa len nin.

Talelan 10:22

Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.

2Korɛntea 9:10

Hala, o yɔ̀ngu vana saŋaa yɛiye mò yɔngu ndu vɛlɛ ɲɛdiaa le dioo-o yɔngunin niaa yɛiye le saŋɔɔ, mò kui ndu. O kon kɔɔli, mò kui kɔmnde dɛnɛ sandaa niaa.

Condii lisai 133:3

O co macoaa maa kɛmma co tolɔɔ o pembei Hɛrmɔn ndan, ma co tolɔɔ o pembon Siɔn coo-an pɛɛn. Kani Siɔn ndon Mɛlɛka kila calta ndɔlan ni, o cii fonda kalaa duaa dɔvɔɔ le lɔ́ɔ́-lɔ́ɔ̀.

Tɔŋ miingua 28:3

O dɔawnin niaa duaa ciee, mò dɔw vɛlɛ niaa duaa yondo.

Fulaa 16:29

La sina maa ya Mɛlɛka, i yɔngu niaa paalen le pɛngio, lelan ya yɔngu niaa ɲɛdiaa le palɛi ndii ŋiin o paale ŋɔmpumndɔlen coo ni. Le hee, o paale ŋɔmmɛwndɔlen coo, vana-vana bɛnda mò lo o cɛi-kola-toandaa ndɔɔ nin, vana-vana bɛnda mò fula o ndu lo le.»

O Kandɔɔ 41:47

O vɔsila ŋɔmmɛwla kɛndɛlan bɛngu, mí ciɛɔn a tɔlɔɔlan la naŋ taw-taw o lɛŋnden coo.

O Kandɔɔ 26:12

Vɔsi kon, mí Isaak váà ciɛi o lɛŋnde len nin, mó koaw ɲɛ o saŋ-ndo háá bɛmbɔɔ kɛmɛ. Kani Mɛlɛka va ndu duaa dɔvɔɔ.

Tɔŋ lasálàá 25:4

Kɛ vɔsi ŋɔmmɛwndɔɔ, vɔsi pɛngiaa co kon le yondoo ni, la bɛnda mì la ke ya Mɛlɛka bɛɛlen. Vɔsi kon kpow, yondoo bɛnda mò sɔla pɛngio. La bɛnda mì la vaa n'ciɛɛ le, la bɛ́ɛ́siàà vɛlɛ nakɔla n'rɛsɛnnda niaalan te.

Tɔŋ lasálàá 25:6

O vɔsi pɛngiaa kon nin, ɲɛ-ɲɛ vil pɛ a ba ndɔ mo kom, mɛɛ ɲɛdiaa niaa co kon ni: kandɔɔ a niaa pila kɔ bii a cɛa niaa piaandua, cɛa niaa laandua, vanaa co vallo niaa o ba le salaa sɔlaa-a a mialaa co niaa o bɛngu coo-a.

Esekiɛl 34:26

I siinguunin lɛŋnde ndalen a yondola balu pembii nii diandɛi lan duaa, mì tuisi piɔɔ a telen bɛnda-o, nduyɛ piɔɔ kon, duaa o vanin ni.

Fulaa 16:5

Paale ŋɔmpumndɔlen, taa bɛɛndiaa pɛ o nda cɔwviaanin ɲinkon-ndo, o vanin le o nda cɔwviaa lepalaa-lepala-o bɛmbɛ lediin.»