Tɔŋ lasálàá 25:10 - BII BILA

¹⁰ Nuaa niaa bɛnda ni mi la tosa, le cɔmndo maa vɔsi diandaa vɔsi beleŋuɛɛnundɔɔ co ya Mɛlɛka o hɔl ni. Le hee, la bɛnda mì la yonda mì vanaa co icali o lɛŋnden nin-nda kpow a sɔla hɔ́ɔ́yɛi ndɛi. Vɔsi kɔlkɛndɛ bɛndoo vɔsi kon co le niaa ni. Vanaa yondola ndalan la hɛlun-nda bɛnda mà sɔla lan, mì cɛa muungu o yungula ndalan nin.

Tɔŋ lasálàá 25:10 Referans Kwoze

Yeremi 34:8

O telen masaa Sedekia cii cɛlan nda vannda Yerusalɛm le cɛa kpow malɔɔ-o, mí Mɛlɛka soaa vɛlɛ o Yeremi lo,

Esai 63:4

Kani paale mingiaa màálen le va ya o kɔl, vɔsio tiiya le vanaa nia co o cɛlen nin-nda baŋaa.

1Piɛr 2:16

La kela maa vanaa co o ba nda coo-a, kɛ nduyɛ, la siinguu hɔ́ɔ́yɛi niɛi kunga viannanndo le dɛnɛ vɔɔndo vionɔɔ le, kɛ la tosa dɛnndan maa vanaa baalaa Hala.

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Tɔŋ lasálàá 25:13

O Vɔsi Kɔlkɛndɛ Bɛndu kon nin, o niaa tɛɛn vana-vana bɛnda mò mingin yondola ndɔlan o ba.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Kalatea 4:25

Akar, ndu co pembei Sinai co Arabii-e ni, pembii pilɛi ken koni co vɛlɛ Yerusalɛm vaalio ho ni, kani o cɛlen nin o co a cuavaa ndɔa ni.

2Korɛntea 3:17

Nduyɛ, Kɔl-Diandaa co Mɛlɛka ni. Nɛɛ Kɔl Mɛlɛka-o co pɛ, lon hɔ́ɔ́yɛi co ni.

Luke 1:74

le naa baŋaa yaamɔaa naa o ba, haliko mi n tosal ndu baalaa, o ve a isiòòn te,

Condii lisai 146:7

O co vanaa co o sangaa nin-nda dɛnɛ sandaa tosallo, mo va vanaa yiyan ma co nɛiyo-a baloo keo. O co vanaa co o kaasoo-a hɔ́ɔ́yɛi yɔngoo.

Esai 49:9

Le vanaa co o biyɔɔ nin-nda dimullo aa: «La fula le vanaa co o ɲumma kaasoan nin-nda dimullo aa: «La fula nɛɛ vavonnda!» A dɔawnunnin balo o nɛilan demullo, a saalunnin bil puiyaa o dúkúdúkùla puleelan kpow coo.

Ɛsdras 1:3

Lelan, vanaa co vanaa ndɔa o niaa tɛɛn-nda, a hèèlú Yerusalɛm, o tàndá Yuda-o nin le Cɛi-Mɛlɛka-o, o co Hala Israɛlla-o mingio tangullo lon. Hala nda co biiloo Yerusalɛm-ndo pɛɛn. Màá Mɛlɛka Hala ndaa va nda ikɛi!

Tɔŋ lasálàá 25:11

Lelan, Vɔsi Kɔlkɛndɛ Bɛndoo vɔsi beleŋuɛɛnundɔɔ vanin le niaa ni. La bɛnda mì la vàá n'ciɛɛ le, te kon te mì la kow n'miinguu le. La bɛnda vɛlɛ mì la kɛndu kɔmnde tɔlɔɔla niaala bɛɛsian te lan te.

Tɔŋ lasálàá 25:54

Te o sɔla baŋaa o nɛi-nɛi coo le, hɔɔyɛi ndɔɛi yɔngunnin ndu pila a cuavaa ndɔa o Vɔsi Kɔlkɛndɛ Bɛndoo coo.»

Esekiɛl 46:17

Kɛ te simlacinɔ kon yɔngu pɛ vana ndɔ baalaa o pilɛ ɲɔɔ pum o ɲɛm o cua o kɛ́ ndɔ ndu pilaa-o coo-o, ɲɛ kon vanin le vana ndɔ baala kon háá o vɔsi ihɔɔyaa, o kon kɔɔli, ɲɛ kon muungu le simlacinɔ kon, le poaa ndɔa kínɛí ɲɛm ndɔn lonin kɛ́ɔ ni.

Tɔŋ lasálàá 25:41

O Vɔsi Kɔlkɛndɛ Bɛndoo coo, hɔɔyɛi ndɔɛi yɔngun ndu pila a cuavaa ndɔa, o kon o muungu o yungu ndɔɔ nin, o kɔ mingin yondola fuɲaa ndɔa o ba.

Yeremi 34:10

Mí simlacia a vanaa va o cɛlan kon coo-a kpow a yii lediom le cɛa ndaa: a laandua a à piaandua malɔɔ, ndáà bɛnda lɛ mi ndáà tundu nda baala lecɛ tosa le. Mí nda kpow cɛl, má mal nda.