Tɔŋ lasálàá 24:5 - BII BILA

⁵ «Nɔm Moise, ma cua kpeyanndo, ma lom bululan tɔ́ a latiɔn a ndu. Le buloo o pilɛ lomɔɔ, a bɛnda ma tuu kpeyanndo kiloo leŋɔmpum.

Tɔŋ lasálàá 24:5 Referans Kwoze

Fulaa 25:30

Ma kɛsi bulu nda solul-la sálàá-o ya o hɔl o tabali kon coo, mò va o kɛsiaa lon le lɔ́ɔ́-lɔ́ɔ̀.»

Fulaa 40:23

Mó kɛsi buloo lecoo polalen lepilɛ Mɛlɛka o hɔl, mɛɛ Mɛlɛka pila cɔm ndu yɛ.

1Masaa 18:31

Mó cua powtan tɔ́ a latiɔn mɛɛ polama poaa Yakɔb-a ma va yɛ. Yakɔb, o Mɛlɛka ndóò dimul maa a veelunin ndu aa Israɛl-lo pɛɛn.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Dɛnnda kiilaa 26:7

Vanaa fula o polama tɔ́ a mamiɔmma yungu naa nin-nda bɛɛ a nɔ tiindanndo maa Hala nda co kon biiloo idii a icɔl-lo co sɔɔn mun peelu. Ɛ̀ɛ̀ nduyɛ, masaa Akripa, le tiindan ya nɔ kon-ndo Yuifia co ya sɔɔn mun hɛɛnduuo coo nuaa ni.

Matie 12:4

Mɛɛ o luɛi o Cɛi-Hala-o nin, mó dia bulu sálà va o kɛsiaa-o nda vanaa va ndu kɔɔli-a. Nduyɛ, fɔ vanaa-solia-lasálàá daama ndáà bɛnda le bulu sálà kon dioo ni, David a vanaa va ndu kɔɔli-a ndáà bɛnda le ndu dio le.

Hebreea 9:2

Lelan mí ndáà toandu cɛi kolaa. O fonda tase cɛi kon nin, o ndáà veelu aa fonda diandaa-o, lon ɲɛ kɛsiaa lafitinaa a tabali kɛsiaa bulu ndáà ke Hala-o va ni.

Fulaa 39:36

tabalio, ɲɛm ndɔn laandon kpow, bulu sálà co le kɛsio Mɛlɛka o hɔl-lo,

Kundalan 4:7

O kon, a pɛngɛla vɛlɛ kola nda yin a kaan-ndo o tabali bulu sálà nda kɛsi ya Mɛlɛka o hɔl-lo co coo-o coo, a handu sɛtilan, taalala kólaalan, hɛngɛilan a ɲɛla vovaa mamɛnndan lecoo le sálàla mamɔilan solio. Bulu co o kɛsiaa o tabalio coo lɔ́ɔ́-lɔ́ɔ̀-o, ndu bɛnda mò lo lecoo.

1Samiɛl 21:6

Mí David dimul ndu aa: «O co ka o laan daama le, lɔ́ɔ́-lɔ́ɔ̀ naa n va pɛ kɔlan o cɔwvo, n mɔɔsa kpele a vanalanɔ le. Handɔɔ o kon coo, ɲɛm cɔvun langbaa nia kpow n'diandan n và ni. Lelan o va bɛɛ maa o co cɔw diandaa le cɔw naa n hin tosaa-o co le, ɲɛm cɔwvon co ndu dindi.»

1Dɛnnda lemasalan 9:32

Puapilɛa ndaa, Kehatia pum a va bulula ndáà toosiaa o palɛi pɛngiɛi yɛ́-yɛ́i coo lan bɛɛndiaa ni.

1Dɛnnda lemasalan 23:29

bulu sálà ndáà kɛsi Mɛlɛka o hɔl-lo, kpeyanndo le sálàla ɲɛm-vaalan, dɛɛ toaŋaa toosian a lɛvɛn too, a dɛɛ tuɛyaa, a fùlúfúlùla muulianndan kpow. Ndáà tofa ɲɛla tuvaalan a lusulta ndalan kpow ni.

2Dɛnnda lemasalan 13:11

Idii a icɔl, a co Mɛlɛka sálàla loamaalan solullo mà va ansan lomɔɔ. A co bulula sálàla co le Hala lan kɛsio o tabali diandaa coo, a co fitinala co o ɲɛ kɛsiaa lafitina n'sianio coo lan mɛndullo. N co tɔŋnda Mɛlɛka Hala naa lan peeloo. Kɛ niaa niaa, la cii ndu kɔɔ mulul.

Nehemi 10:33

Mí naa pila n kialu le voliei támáá o pilɛ, o nɔ kalamulan tan hiɔɔlu-o yɔngoo o vɔsio nin le baala Cɛi-Hala naa.

Fulaa 40:4

Ma hin vɛlɛ a tabalio, ma kɛsi bulu co le kɛsio ya Mɛlɛka o hɔl-lo lecoo. Ma hin a ɲɛ kɛsiaa lafitinaa, ma kɛsi fitinalan lecoo.

1Samiɛl 21:7

O kon mí vana-solia-lasálàá yɔngu David bulula sálàlan, kani lan koni la va ndu o ba ni. Mɛlɛka o hɔl ndáà kɛsì bulula lan ni, ndáà faŋa pɛ lan Mɛlɛka o hɔl, paale pilɛle len ndáà mingi bulula tuwlan o fonda kon.

Nehemi 10:34

Volin mun vanin le bulula sálàla nda kɛ̀sì Mɛlɛka o hɔl-tan piondɔɔ, le sálàla loamaalan a le ɲɛm-kéan latɔlɔn yɔngun lepalaa-lepala-on, le sálàla vana soli o paale pɛngiaalen coo lan a le sálàla paangun sɛnɛilan, le sálàla solin o palɛi celeŋii kafoei coo lan, le ɲɛm-kéan celeŋun co le Hala-on a le sálàla Israɛlla yɔngu le hakio sɔlaa malɔɔ lan. Volin mun n vanin vɛlɛ le baalala bɛɛndiaa Cɛi-Hala lan.