Tɔŋ lasálàá 24:4 - BII BILA

⁴ O ɲɛ kɛsiaa lafitina toosian a sianin diandan-ndo coo Aarɔn bɛnda ni mo kɛsi fitinalan, haliko mi la va lɔan biyɔɔ ya o hɔl lɔ́ɔ́-lɔ́ɔ̀.»

Tɔŋ lasálàá 24:4 Referans Kwoze

Fulaa 31:8

tabalio a ɲɛm ndɔn laandon, ɲɛ kɛsiaa lafitinaa cɔwnun a sianin diandan-ndo a ɲɛm ndɔn vallon, fonda loamaa cuɛima cun kɛndɔɔ,

Fulaa 39:37

ɲɛ kɛsiaa lafitina cɔwnun a sianin diandan-ndo, fitinala ndɔlan, ɲɛm ndɔn vallon kpow, cuɛiyan le vowvo o fitinala ndɔla lan nin,

Dɛnnda cɔɔmuanndan 11:4

Nda co oliviee ŋiinde a ɲɛla-kɛsiaa-lafitinala tiɔnnda co lakɛsiaa Mɛlɛka nɔ lɛŋnden o ba-o o hɔl-tan ni.

Dɛnnda cɔɔmuanndan 2:5

Lelan loonun a nɛɛ n va lɔ́ɔ́ pá ma del-la, mangalan mà tosa dɛnnda n va tosaa o tasendɔ lan. Te o co kon te, i hunnin o nɔm ndo, mì faŋa ɲɛ kɛsiaa lafitina nɔmndo o fonda ndɔɔ. Fɔ dɔ́ɔ́ ma mangalan dɛ!

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

Hebreea 9:2

Lelan mí ndáà toandu cɛi kolaa. O fonda tase cɛi kon nin, o ndáà veelu aa fonda diandaa-o, lon ɲɛ kɛsiaa lafitinaa a tabali kɛsiaa bulu ndáà ke Hala-o va ni.

Yeremi 52:19

Mí simlacinɔ kpalilla cua vɛlɛ ɲɛm ndáà toosiaa a sianion a á volin latámán-ndon kpow: kpángàlan, kpɛɛnɛn lalɔɔon, bonyun fuusan, bombola kɔandaa lapultan, ɲɛ kɛsiaa lafitinaa, culan a ɲɛm-laandun celen.

1Dɛnnda lemasalan 28:15

Mó cɔm ndu mɛɛ sianion mún bɛnda lusullo le ɲɛ kɛsiaa lafitinaa a fitinala ndɔlan cɔvɔɔ a mun yɛ, mɛɛ ɲɛ kɛsiaa lafitina oo ɲɛ kɛsiaa lafitina a fitinala ndɔlan láà bɛnda le lusullo nɔu yɛ. Mó cɔm vɛlɛ ndu mɛɛ volion mún bɛnda le lusullo nɔu le ɲɛla-kɛsiaa-lafitinalan a fitinala ndalan cɔvɔɔ a mun yɛ. Ndóò bɛnda mì ndóò cɔw lan mɛɛ ɲɛ kɛsiaa lafitina kɛ́-kɛ̀ ndóò nɔ baalaa yɛ.

1Masaa 7:49

ɲɛla-kɛsiaa-lafitinalan tɔ́, la ndáà kɛsi o Fonda Diandaa-Diandaa laci lan, laŋuɛɛnu o ba kɛndɔɔ coo, laŋuɛɛnu vɛlɛ o ba mɛllo coo, peengelan, fitinalan a kpaɲalan.

Kundalan 4:9

A cua kola nda yin a kaan-ndo, a kumbu ɲɛ kɛsiaa lafitinaa, fitinala ndɔlan, kpaɲala ndɔla pɔmbɔlan, ɲɛla ndɔla dɔavaa lapultan a ɲɛm nda vow cuɛima lafitinan nin-ndon kpow a kola kon.

Kundalan 3:31

Ɲɛm nda va mandaa-on va mun ni: kesu kpemaa, tabali bulu toosian a lɛvɛn too va coo-o, ɲɛ kɛsiaa lafitinaa, fondala-loamaa-lasálàlan, ɲɛm diandan va le sálàlan solio-on a kola-landaa kelu Fonda-Diandaa a Fonda Diandaa-Diandaa tɛɛn-ndo. Ndáà tosa valta va a ɲɛm mun o kɔɔ lan ni.

Tɔŋ lasálàá 24:3

O kon, Aarɔn cua ɲɛ kɛsiaa lafitinaa, o kɛsi ndu o cɛi-kola-toandaa-labɔɔŋianndo nin o kola-landaa ven kesu kpema-o hɔl-ndɔ. Lon fitinala lan la vanin lɔan biyɔɔ pii ya Mɛlɛka o hɔl ni. Fonda oo fonda niaa va pɛ icali, kandɔɔ a niaa pila, kɔ bii a cuavaa niaa imamaa, la bìí tɔŋndo ho le fɛɛn a fɛɛn.

Kundalan 8:2

«Soo o Aarɔn ndo ma dimul ndu aa: ‹Taa cii pɛ fitinala ŋɔmmɛwlan handɔɔ o fondala ndalan, a toosiaa lan kɛsi haliko mi la va ɲɛ-tengaa yɔngoo o ɲɛ kɛsiaa lafitinaa laci.›»

2Dɛnnda lemasalan 29:7

Má kinda vɛlɛ diola luɛyaala Cɛi-Hala-o, má tosa mí fitinalan la ɲum. A ve Hala Israɛlla sálàla cuɛima cun kɛndɛlan, te kon te sálàla loamaalan solul o Fonda-Diandaa nin te.