Tɔŋ lasálàá 24:14 - BII BILA

¹⁴ «La kɔ a langbanɔɔ ho o dɔ́ɔ́ngɔ́ɔ̀ kɔɔli, mì vanaa tuei ndu diomnde vɔɔnnden dimio a ya Mɛlɛka-a handu ndu balan o lebol, mì Israɛlla kpow lo ndu viiyo a powtan háá mò vi.

Tɔŋ lasálàá 24:14 Referans Kwoze

Tɔŋ miingua 17:7

Seyaa timbinin seilen maa o tosa lende-a fɔlɔn a kandunin ndu viiyo a powtan le ndu diyɔɔ ni. Nda kandu pɛ, vanaa tɔ̀a sɔɔnguu niko nda mayoomu le vana kon viiyo a powtan háá mò vi. Lende niaa tosanin le dɛnɛ vɔɔndo faŋaa niaa tɛɛn ni.»

Tɔŋ miingua 21:21

O kon, vanpiaandua co o kobi kon nin-nda kpow a vii ndu a powtan háá o vi. Lende niaa solinin dɛnɛ vɔɔndo niaa tɛɛn ni. Israɛlla kpede a tuɛinin sɔɛi ken, mì siòònde bii nda.»

Tɔŋ lasálàá 20:27

Lelan, te vanapɔnɔɔ, te kon te vanalanɔɔ nɔ pɛ kpaaya o suukan a vanvílɛ́iya-o, te kon te vanndo va pɛ vana mangalaa le suukanndo a vanvílɛ́iya, vanaa nɔ kan kpaaya kon-nda bɛnda mà sɔla piɔ́mndo. Israɛlla bɛnda mà lo vanaa kan viiyo a powtan háá mà vi, kani nda pila nuwviaa piɔ́m kon ni.»

Tɔŋ lasálàá 20:2

«Nuaa n dimulnin Israɛlla ni aa: ‹Te cua pilacieo Israɛl, te kon te mial co icali Israɛlla o bɛngu coo-o soli pɛ hɔ́ɔ́ ndɔɔ sálà o piɔmndo Molɛk lo, vana soli kon hɔ́ɔ́ ndɔɔ sálà-o bɛnda mò sɔla piɔ́mndo. Vanaa o co icali tɛɛn-nda bɛnda mà lo ndu viiyo a powtan háá mo vi.

Nsaŋ 8:59

O kon, má cua powtan le ndu viiyo. Kɛ mí Yeesu viannun, mó fula o Cɛi-Hala-o nin.

Yosue 7:25

Mí Yosue ɲuna ndu aa: «Le yɛɛ nɛ n tuisi yɛ naa dɛnɛ palaa vaa nuaa coo? Nɔm bɛɛ, Mɛlɛka co nɔm hau dɛnɛ palaa tuisi coo.» O kon, mí Israɛlla kpow a vii ndu a powtan, má vii vɛlɛ vanaa va ndu o ba-a a powtan, má loam nda sukɛí.

Tɔŋ miingua 22:21

a bii cua kon, a kɔɛ a ndu o cɛi fuɲa ndɔ-o sondoo, pilacieaa ndɔa vii ndu a powtan háá mo vi. Kani dɛnɛ nɔɔlɛiyo o tosa kon Israɛlla tɛɛn ni, bau telen o va vɔ fuɲa ndɔ o bɛngu coo-o, mó suunda. Mɛɛ lende niaa bɛnda ni mi la faŋa dɛnɛ vɔɔndo niaa tɛɛn.

Tɔŋ lasálàá 13:46

Mɛ̀ɛ́-mɛ̀ɛ́ o viow, te paw kon co vɔ pɛ ndu lekɔɔ, vana nɔɔlɛiyo o co ni. Mɛɛ o co yɛ vana nɔɔlɛiyo yɛ, o bɛnda mò va ndu pilɛ kpé. Nɛɛ ndɔa calaa vanin o dɔ́ɔ́ngɔ́ɔ̀ kɔɔli ni.»

Tɔŋ lasálàá 24:13

O kon, mí Mɛlɛka soaa o Moise lo, mó dimul ndu aa:

Tɔŋ miingua 17:5

la bii vana tosa dɛnɛ vɔɔn kon-ndo, la kɔɛ a ndu o sondo kpaki kobi niaa kon, la vii ndu a powtan háá mò vi.

1Masaa 21:10

O kon mì la kɛsi ndu vanaa fondoa nda ŋiɔn laci, mì vanaa kan ɲiinduu ndu còòlan coo aa o dimi sɔɔn tanan a Hala a á masaa. O kon kɔɔli, la soli ndu o cieo kɔɔli, la kɔ vii ndu a powtan háá mo vi.»