Tɔŋ lasálàá 24:11 - BII BILA

¹¹ Mí langbanɔ kala ndɔ va kon Israɛlnɔɔ-o dimi diomnde vɔɔnnden a diola Mɛlɛka lan, má bii ndu, má hun a ndu o Moise lo. Kalaa langbanɔ kon diolan Selomit, cua Dibri-o, fulaa o polale Dan-nden nin.

Tɔŋ lasálàá 24:11 Referans Kwoze

Esai 8:21

A vanin a laasiannda o lɛŋnden nin, sanga bɛndoo a yiaan ma toalnin nda coo, nduyɛ te yiaan ma nɛi pɛ nda, a tuulu kɔl. A diminin sɔɔn vɔɔnndon a masa ndaa a á Hala ndaa, a heelunin hɔlla o halataala.

SƐBƐ YƆB-O 2:5

Siɛndi vɔ hau baa, mà dɔw paala ndɔlan a dialun ndɔn yɛɛvɛ. Lekɛndɛ, o co diomnde tanalen dimi a nɔm.»

Fulaa 20:7

La pial diola Mɛlɛka Hala niaa o fondo fúúo coo le, kani vana pɛl pɛ diola ndɔlan o fondo fúúo coo, Mɛlɛka tuisi vana kon dɛnɛ palaa coo.

Fulaa 18:26

Nda va nin yaman kiolɔɔ vannda tɛɛn a sɔɔn pɔm-pɔmbɔn bɛɛndiaa ni, sɔɔn kálà-kálàn koni ndáà vanin Moise cuuo ni.

Fulaa 18:22

Mì nda va yaman kiolɔɔ Israɛlla tɛɛn telen oo telen. Mà va nɔm sɔɔn bɛndu-bɛndon kínɛí cuuo le toosiaa, kɛ mì nda pila va sɔɔn nda tiwba le toosiaa-on toosiaa. Faŋa vɔ baala nɔmndo lecoo lende, mì la tosa ndu niaa ndaa.

Fulaa 3:15

Mó dimul ndu vɛlɛ aa: «Ma dimul vɛlɛ nda aa: ‹Mɛlɛka vem ya o niaa lo ni, Hala fuɲaa niaa mamaa pɛɛn: Hala Abraham-ndo, Hala Isaak-o a Hala Yakɔb-o.› Diola nilan la co lán le fɛɛn a fɛɛn ni. Nuaa yungulan kpow la bɛnda mì la veelu ya le fɛɛn a fɛɛn ni.

Dɛnnda cɔɔmuanndan 16:21

Mí loeon bɛndu-bɛndon can o halataala, mí n deli vanndacieea coo. Mí vannda va sɔɔn tanan dimio a Hala le kpundɛ loeon deliaa kon, kani sangaa pila nda sɔla o dɛnɛ kon nin ni.

Dɛnnda cɔɔmuanndan 16:11

Má dimi sɔɔn tanan a Hala co o halataala-o, le ɲɛ nɛyaa va nda-o a le pavii ndɛi, kɛ a mel kela nda vɔɔndo mà mangalan te.

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

Rɔmnda 2:24

Maa mɛɛ o sɛvan yɛ aa: «Sɔɔn tanan dimin a diola Hala lan o kɔɔ vanaa súúla celen tɛɛn le niaa vanaa sínà Hala-a.»

Matie 26:65

O kon, mí bolle vanaa-solia-lasálàá sɛɛsian volɔɔlan lekɔɔ, mó dimi aa: «O dimi sɔɛi tana-i a Hala. Ɔ́ɔ̀ seyaa naa n co vɛlɛ ɲuna le hee-a? Kámáá niaa pila langa tuei mɛɛ o dimi sɔɛi tanɛi a Hala yɛ! Ɔ́ɔ̀ yiyan niaa?»

Condii lisai 74:22

Éé Hala, cɔn ma cɔlɔba le nɔm pila! Tofa vɔ mɛɛ diɔmnda ha co nɔm mamɔɔ tuŋ-tuŋ yɛ.

Condii lisai 74:18

Yiyan-ndɔ hee Mɛlɛka: Yaamɔɔa co nɔm mamɔɔ, diɔmnda co diola nɔmndan pɛɛsaa.

SƐBƐ YƆB-O 1:22

O dɛnnda lan nin kpow, Yɔb tosa haki le, o dimi vɛlɛ diomnde tana a Mɛlɛka le.

SƐBƐ YƆB-O 1:11

Kɛ siɛndi vɔ hau baa, mà tɛɛmbuu ɲɛ-ɲɛ o nɔ. Lekɛndɛ, o co diomnde tanalen dimi a nɔm.»

SƐBƐ YƆB-O 1:5

Te ndáà balu pɛ diolan lende pindo, Yɔb ndóò veelu cuavaa ndɔa kalaa, ndóò dindi nda. Idii púŋ, ndóò pena cɔnɔn, ndóò soli sálà loamaa le nda a pilɛn-pilɛnnda Kani nuaa ndóò dimi ni aa: «Bɔɔle poaa nia tosa hakio pum. Bɔɔle a dimi diomnde tanalen a Hala o kɔlta ndalan nin.» Lende Yɔb ndóò tosa lɔ́ɔ́-lɔ́ɔ̀ ni.

2Masaa 19:22

Ɔ́ɔ̀ vana n va yeowlan-ndo? Nɛ̀ɛ́ n va yɛ tɛɛndanndo? A nɛ̀ɛ́-nɛ̀ n va yɛ sɔɛi coocoo nuaa? A heelu hɔlla le O-Diandaa Israɛl ciŋilanndo dɛ!

2Masaa 19:10

«La kɔ dimul Esekia masaa Yuda aa Hala ndɔ o tiindan kon-ndo hiŋ ndu hɔlla le pá! Màá o dimul ndu aa kobio Yerusalɛm delnin ya masaa Asiri o ba le le dɛ!

2Masaa 19:6

Mí Esai dimul nda aa: «La kɔ dimul vana niaa bɛndoo aa diom Mɛlɛka dimi-o co hoo ni aa: Siòòŋii bii ndu le sɔɔn o tuei mun-ndon te, sɔɔn vanaa baalaa masaa Asiri soo mun má tɛɛmbuu ya labɛɛ lenin kpede-on pɛɛn.

2Masaa 18:37

O kon mí Eliakim po Hilkiya-o, ó va simlacinɔ cɛi lemasaa-o, Sɛbna vana sɛvaa a Yoa po Asaf vana mandaa lasɛbɔɔ hun o masaa Esekia lo a volɔɔla sɛɛsiɛilan lekɔɔ, má downun ndu kona a sɔɔn bolle vanaa yɔngù masaa Asiri mɔiyan-nda ndóò dimi mún-ndon kpow o kɔɔ.

2Masaa 18:35

O halaa lɛŋii ken kpow tɛɛn, ɔ́ɔ̀ a tiwba má baŋa lɛŋii ndɛi ya o ba-a? Vɛ̀ɛ̀ kpeekpei Mɛlɛka ndu baŋa yɛnin Yerusalɛm ya o ba?›»

2Masaa 18:30

Esekia viam niaa kɔlan Mɛlɛka tiindanndo le. Bɔɔle mò dimul niaa dɔ́ɔ́ aa a toɲa Mɛlɛka baŋanin niaa, o kon kobi niaa ho delnin ya masaa Asiri o ba le.

1Masaa 21:13

Mí vanaa fondoa ŋiɔŋaa kan hun sim Nabɔt o hɔl, má kandu ndu sɔɔn ɲiinduuo coo vannda kpow o hɔl aa: «Nabɔt dimi sɔɔn tanan a Hala a á masaa!» Má kɔa a ndu o cieo kɔɔli, má vii ndu a powtan, mó vu.

1Masaa 21:10

O kon mì la kɛsi ndu vanaa fondoa nda ŋiɔn laci, mì vanaa kan ɲiinduu ndu còòlan coo aa o dimi sɔɔn tanan a Hala a á masaa. O kon kɔɔli, la soli ndu o cieo kɔɔli, la kɔ vii ndu a powtan háá mo vi.»

2Samiɛl 12:14

Kɛ le tùú n tosa dɛnɔɔ ho mà yɔngu yaamɔaa Mɛlɛka-a fɛɛlɔɔ le ndu tɛɛndanndo-o, po n velu ho-o lonin te, vuo o co ni.»

Fulaa 22:28

La tamala le ya Hala ɲɛm tasen niaa kow o ciɛɔn niaan nin-ndon a mɔima niaama tasean yɔngoo le. La bɛnda mì la yɔngu ya poaa niaa tasea.

Tɔŋ lasálàá 24:10

Paale pilɛ, mí sɛɛngianndo yɔŋnun langbaa nda ŋiɔn tɛɛn o dɔ́ɔ́ngɔ́ɔ̀ nin. O pilɔɔ Israɛlnɔ pilacieo o va ni, o pilɔɔ ndu, Israɛlnɔɔ kala ndɔ va ni, kɛ fuɲa ndɔ ndu Esiptenɔɔ o va ni.