Tɔŋ lasálàá 23:40 - BII BILA

⁴⁰ Paale tasele len le tiiya pɛ, la cua komɔɔla kɛndɛ-kɛndɛlan, la kelu siɔ̀ɔ́la vawlan, lɛvun yɔmii bɛndu-bɛnduei a yɔmii pɔmbɔɛi vul mì i tosa bɔɔlan o peelan kɔngɔ-e, la viow kponyoo ya Mɛlɛka o hɔl palɛi ndii ŋɔmmɛw.

Tɔŋ lasálàá 23:40 Referans Kwoze

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Rɔmnda 5:11

Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.

Nsaŋ 16:22

Lende koni, niaa bɛɛ, mɔnɛi co niaa o lakɔl sunsun, kɛ i canin niaa vɛlɛ, mì kɔlta niaalan la dɔwnun ɲaale, vana-vana nɔlanin ɲaale niaa poonda le.

Nsaŋ 12:13

mí nda kpow a bii siɔ̀ɔ́la vawlan o laba, má kɔa ndu bɔŋaa a yoondiaalan aa: «Biiloo co le Hala! Biiloo co le vana co hunɔɔ o diola Mɛlɛka lan-ndo, masa Israɛlla pɛɛn!»

Matie 21:8

Mí vannda taw o sɛ́lɛ́ kon tɛɛn a pɛngɛliaa domala ndala bɛndulan o nɛi. Mí a pum a va lɛvun yɔmnde kilio, má va mun yɛɛmbuuo o nɛi.

Esai 35:10

A toɲa, vanaa Mɛlɛka baŋanin-nda muungunin, a kɔanin Siɔn a condon a á kponyoo, kɔlkɛndɛ fɛɛn-fɛɛndo vanin o kuumbuan nda o lebol vofu, ɲaaloo a kɔlkɛndɔɔ sɔɔnguunin nda ikɛi mo va le nda, dɛnɛ palaa a somisominndan la faŋannin nda coo.

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Esai 66:10

La viow kponyoo a Yerusalɛm latulu, la siinguu Yerusalɛm dɛnɛ kɔlkɛndɛ niaa, niaa vanaa kaola ndu-a kpow, niaa co mɔnɛi biyɔɔ le tambii o tambu-e a kpow, la yɛkɛlan a ɲaaloo a ndu Yerusalɛm latulu,

Condii lisai 92:12

I co yaamɔɔa cɔu tambei, i co vanaa yɔŋ vɔɔnda tueyɔɔ cɛɛŋɔnndo.

Tɔŋ lasálàá 23:39

Te paangii ŋɔmmɛwndɔɛi ciŋa pɛ palɛi tɔ́ a iŋuɛɛnu, mì la cii nin tɔlɔɔla niaalan kiɔndɔɔ a ciɛɔn niaan kovɔɔ o lɛŋnde len kpow nin, la kandu ɲinkon kafoo tosaa le ya Mɛlɛka. Kafo kalaa tosannin háá palɛi ndii ŋɔmmɛw. La tósà baalaa o paale taselen a o paale ŋɔmaandɔlen coo le.

Tɔŋ lasálàá 23:41

Vɔsi oo vɔsi, te paangii ŋɔmmɛwndɔɛi tiiya pɛ, la bɛnda mì la tosa kafoo ho háá palɛi ndii ŋɔmmɛw le ya Mɛlɛka biiloo. Kandɔɔ a niaa pila, kɔ bii a cuavaa niaa imamaa, la bii tɔŋndo ho le fɛɛn a fɛɛn.

Tɔŋ miingua 12:7

O fonda kon niaa vanin ɲɛdiaa dioo Mɛlɛka Hala niaa o hɔl ni, lon niaa vanin a kɔlkɛndɛ bɛndoo niaa yungula niaalan le valta niaala Mɛlɛka Hala niaa vanin duaa dɔvɔɔ lan ni.

Condii lisai 137:2

Mí n lɛɛnduu bangala naalan o yɔmii va lon-nde.

Esai 44:4

A vulnin ma hindu maa o bil nin, maa yɔmii pɔmbɔɛi co o peelan kɔngɔ-e.

Tɔŋ miingua 12:12

La vanin a kɔlkɛndɔɔ Mɛlɛka Hala niaa o hɔl: niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda. Kani leviaa kan nda nɔ ɲɛ a kɛ́ lelɛŋ maa niaa le.