Tɔŋ lasálàá 23:39 - BII BILA

³⁹ Te paangii ŋɔmmɛwndɔɛi ciŋa pɛ palɛi tɔ́ a iŋuɛɛnu, mì la cii nin tɔlɔɔla niaalan kiɔndɔɔ a ciɛɔn niaan kovɔɔ o lɛŋnde len kpow nin, la kandu ɲinkon kafoo tosaa le ya Mɛlɛka. Kafo kalaa tosannin háá palɛi ndii ŋɔmmɛw. La tósà baalaa o paale taselen a o paale ŋɔmaandɔlen coo le.

Tɔŋ lasálàá 23:39 Referans Kwoze

Fulaa 23:16

La bɛnda vɛlɛ mì la tosa duɲɛi kafo koavaa telen niaa kandunin ɲɛm niaa vàá o ciɛɔn niaan nin-ndon kovɔɔ-o, ɲɛm tasen niaa koawnin-ndon pɛɛn. O vɔsio mɛɛlulan, la tosa vɛlɛ duɲɛi kafo lakùùo telen niaa ciinin ciɛɔn niaan kovɔɔ-o.

Tɔŋ miingua 16:13

«Tuma niaa ciinin malun niaan luei o lakonda mi la cii mɔima niaan toosiaa-o, la tosa kafo lakùùo o palɛi ndii ŋɔmmɛw bɛngu.

Tɔŋ lasálàá 23:34

«Soo o Israɛlla lo ma dimul nda aa: ‹Paangii ŋɔmmɛwndɔɛi ciŋa pɛ palɛi tɔ́ a iŋuɛɛnu, la kandu ɲinkon kafo lakùùo tosaa le ya Mɛlɛka. Kandɔɔ paale len, háá palɛi ndii ŋɔmmɛw, kafo kon bɛnda mò va tosanndo.

Tɔŋ lasálàá 23:36

O palɛi ŋɔmmɛvii ken nin, la bɛnda mì la va ya sálàlan solullo lepalaa-lepala, mì la va lan lomɔɔ o yin. Paale ŋɔmaandɔlen, la bɛnda mì la bɔɔŋian le ya biiloo, mì la lum ya sálàá o yin. La tósà ɲinkon baala niaa tosà paandu-o le.

Tɔŋ lasálàá 23:24

«Soo o Israɛlla lo ma dimul nda aa: ‹Paale taselen o paangii ŋɔmmɛwndɔɛi nin, la bɛnda mì la ce len maa paale pɛngiaalen le co ni. La cɔ vɛlɛ paale len maa paale loonannden le co le niaa ni. La bɛnda mì la cuungian ɲinkon, mì la lisa ya taw-taw a bululan hɔŋndo.

Tɔŋ lasálàá 23:38

La bɛnda mì la solul-la sálàla lan, lan la cɔɔlun o sálàla niaa solul-la o paale pɛngiaalen coo lan, o ɲɛm ikɛndɔn, o sálàla niaa bàá yoolen o Mɛlɛka lo lan a o sálàla niaa solul Mɛlɛka a yeemɛi niɛi lan coo ni.

Tɔŋ lasálàá 23:40

Paale tasele len le tiiya pɛ, la cua komɔɔla kɛndɛ-kɛndɛlan, la kelu siɔ̀ɔ́la vawlan, lɛvun yɔmii bɛndu-bɛnduei a yɔmii pɔmbɔɛi vul mì i tosa bɔɔlan o peelan kɔngɔ-e, la viow kponyoo ya Mɛlɛka o hɔl palɛi ndii ŋɔmmɛw.