Tɔŋ lasálàá 23:34 - BII BILA

³⁴ «Soo o Israɛlla lo ma dimul nda aa: ‹Paangii ŋɔmmɛwndɔɛi ciŋa pɛ palɛi tɔ́ a iŋuɛɛnu, la kandu ɲinkon kafo lakùùo tosaa le ya Mɛlɛka. Kandɔɔ paale len, háá palɛi ndii ŋɔmmɛw, kafo kon bɛnda mò va tosanndo.

Tɔŋ lasálàá 23:34 Referans Kwoze

Nsaŋ 7:2

Nduyɛ Kafo-Lakuu Yuifia ndóò sɔɔnguu nin.

Nehemi 8:14

Má komal sɔɛi pum o tɔŋ Mɛlɛka ndóò yɔngu kon Moise le Israɛlla-o-o nin maa Israɛlla bɛnda ma va icali o kùùlan bɛngu o palɛi kafo lakùùe kpow nin, kafo tosan o paangii ŋɔmmɛwndɔɛi nin-ndo pɛɛn.

Ɛsdras 3:4

O kon kɔɔli, má tosa kafo lakùùo maa mɛɛ o va o sɛvaa yɛ, má hiaw laci a sálàla loamaalan solio lɔ́ɔ́-lɔ́ɔ̀, mɛɛ ndóò kelun le solio lepalaa-lepala yɛ.

Kundalan 29:12

«Te paangii ŋɔmmɛwndɔɛi tiiya pɛ palɛi tɔ́ a iŋuɛɛnu, la cuungian vɛlɛ le kaannden. Paale len, la bɛnda mì la tosa vali niaa tosà paandu-o le. O palɛi ndii ŋɔmmɛw bɛngu, la bɛnda mì la va kafoo tosaa le ya Mɛlɛka biiloo.

Fulaa 34:22

La tosa kafo koavaa telen niaa kandunin ɲɛm niaa vàá o ciɛɔn niaan nin-ndon kovɔɔ-o, ɲɛm tasen niaa koawnin-ndon pɛɛn. O vɔsio mɛɛlulan, la tosa kafo lakùùo.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Fulaa 23:16

La bɛnda vɛlɛ mì la tosa duɲɛi kafo koavaa telen niaa kandunin ɲɛm niaa vàá o ciɛɔn niaan nin-ndon kovɔɔ-o, ɲɛm tasen niaa koawnin-ndon pɛɛn. O vɔsio mɛɛlulan, la tosa vɛlɛ duɲɛi kafo lakùùo telen niaa ciinin ciɛɔn niaan kovɔɔ-o.

Hebreea 11:9

A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Tɔŋ lasálàá 23:33

Mí Mɛlɛka soaa o Moise lo, mó dimul ndu aa:

Tɔŋ lasálàá 23:42

Niaa pilacieea Israɛl, la bɛnda mì la va o kùùlan bɛngu háá mì palɛi ŋɔmmɛvii ken i cuu,

Tɔŋ lasálàá 23:43

haliko mi cuavaa niaa imamaa hun sina fɛɛn maa o kùùlan bɛngu fuɲaa ndaa mamaa kei lɔan ni, telen ya Mɛlɛka soli nda o lɛŋnde Esipte len nin-ndo pɛɛn. Ya co Mɛlɛka ni, Hala niaa pɛɛn.›»

Tɔŋ miingua 16:16

Bɛmbɛ leyáá o vɔsio nin, vanpiaandua kpow a bɛnda mà hun cuungian Mɛlɛka Hala niaa o hɔl o fonda o hɛlinin-ndo: telen kafo bulu toosian a lɛvɛn too, telen kafo koavaa a telen kafo lakùùo. Vana-vana hun bala fondo Mɛlɛka o hɔl te.

Tɔŋ miingua 31:10

Mí ndu Moise dimul nda aa: «O vɔsi ŋɔmmɛwndɔ oo vɔsi ŋɔmmɛwndɔ coo, telen vɔsi vana mal vannda haki a kueelan-ndo kandunnin-ndo, telen kafo lakùùo,

1Masaa 8:2

Mí vanpiaandua Israɛlla kpow a cuungian vɛlɛ o masaa Salomɔn ndo le kafo paangii Etanim-nde tosaa, paangii ŋɔmmɛwndɔɛi pɛɛn.

1Masaa 8:65

O telen pilɛ kon, mí Salomɔn tosa kafoo. Israɛlla va lon sɛ́lɔ́ɔ́ taw, mí vannda hun fulaa o lɛŋnden kpow nin. Kandɔɔ Lebo-Hamat kɔlan tiiyaa háá o pee pɔmbɔɔ Esipte, mí nda kpow a hun Mɛlɛka Hala ndaa o hɔl. A tosa palɛi ndii ŋɔmmɛw, má handu vɛlɛ palɛi ŋɔmmɛvii celen lecoo. Faw-faw palɛi tɔ́ a ihiɔɔlu nda tosa ni.

1Masaa 12:32

Mó handu kafoo o paale tɔ́ a leŋuɛɛnundɔlen coo, o paangii ŋɔmaandɔɛi nin. Mí kafo kon tosan mɛɛ kafo va tosanndo Yuda-o va yɛ. Mí ndu pila soli sálàlan o fonda-loamaa-lasálàá coo. Nuaa o tosa Betɛl ni, mó solul navaa ndóò cɔw-va sálàlan, mó kɛsi vanaa-solia-lasálàá ndóò hɛli-a a pum Betɛl lon le cɛila máánnda ndóò tangul lon-ndan.

Esekiɛl 45:25

O paale tɔ́ a leŋuɛɛnundɔlen coo, o paangii ŋɔmmɛwndɔɛi nin, o soli vɛlɛ sálà pilɛ co kon le hakio-o, o soli sálà loamaa pilɛ kon a sálà ɲɛm vaa pilɛ kon a cuɛiyan, o bɛnda mò tosa kon háá palɛi ndii ŋɔmmɛw vɛlɛ.