Tɔŋ lasálàá 23:32 - BII BILA

³² Paale len kpow, paale pɛngiaalen le co le niaa ni, la tosa baala oo baala ɲinkon te. La bɛnda mì la bii sumndo, kandɔɔ o paale ŋɔmahiɔɔlundɔlen icɔllo, háá diimandɔɔ, la tosa baala oo baala le.»

Tɔŋ lasálàá 23:32 Referans Kwoze

Hebreea 4:11

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.

Hebreea 4:3

Naa n laalan-nda, n co luɛyɔɔ o pɛngi Hala dimi kon sɔɛi ndɔɛi-yo nin, o Hala dimi-o aa: «Mí mɛnan a kɔltuwvo aa: ‹A lueinin o lɛŋnde ya toosial nda pɛngio nin-nden te few!›» Nduyɛ, Hala ndóò cii nin vali ndɔɔ kabi telen o cii ceendo cɔvɔɔ-o.

1Korɛntea 11:31

Kɛ te naa pila n yaasiaa pɛ kɔlta naalan, a kilunin naa iyama le.

Matie 5:4

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Condii lisai 51:17

Maalii, kumbi cɔcɔn nun, mì sondo nuu lisa nɔm.

Condii lisai 35:13

Ya yɛ, telen nda va a nààlan-ndo, ɲííye va ya biyɔɔ, mí volɔɔla imɔnɔlan vownɔnndo le nda, mí va sumndo biyɔɔ a ya pila tuŋnɔnndo. I ve sanga piɛilen le nda le.

Tɔŋ lasálàá 23:27

«Paale bɛndule co le hakilan sɔlaa malɔɔ len le co paale tɔ́ndɔlen o paangii ŋɔmmɛwndɔɛi nin ni. Paale len, la bɛnda mì la cuungian le ya Mɛlɛka biiloo, mì la bii sumndo, mì la solul-la sálàlan, mì la lom ndan o yin.

Tɔŋ lasálàá 16:31

La bɛnda mì la niinu pɛngio ɲinkon kpɛŋ, mì la bii sumndo. Tɔŋ niaa bɛnda le biyɔɔ le fɛɛn a fɛɛn-ndo co kon ni.

Tɔŋ lasálàá 23:31

La bɛnda mì la tosa baala súú-súù ɲinkon te. Fonda oo fonda niaa va pɛ icali, la bii silaa ho le fɛɛn a fɛɛn.

Tɔŋ lasálàá 23:33

Mí Mɛlɛka soaa o Moise lo, mó dimul ndu aa:

Nehemi 13:19

Kandɔɔ telen kon, mí dimul nda le diolan Yerusalɛm kindaa a paale delaalen, lɔ́ɔ́ pá mì paale pɛngiaalen léè tiiya, mì la lo vɛlɛ lakindaalan háá mì paale pɛngiaalen léè hiow. Mí kɛsi buɛyaa nia a pum cumullo, le vannda kuunaa luɛyɔɔ a ɲɛm pisian kɛ́-kɛ̀ o paale pɛngiaalen coo.

Tɔŋ lasálàá 16:29

Tɔŋ niaa bɛnda mì la bii le fɛɛn a fɛɛn-ndo co hoo ni: o paale tɔ́ndɔlen coo o paangii ŋɔmmɛwndɔɛi nin, kandɔɔ a cuavaa pilacieea Israɛl, kɔ bii a mialaa co niaa o bɛngu coo-a, la bɛnda mì la mal valtan kpow, mì la bii sumndo.